बीड ब्रेक : अखेर ठरलं.. गेवराईत होणार महायुतीच्या मित्र पक्षात चुरशीची लढत. राष्ट्रवादीकडून शितल दाभाडे तर भाजपकडून गीता पवार निवडणुकीच्या रिंगणात. दोन्ही मित्र पक्षांनी केली नगराध्यक्षपदाच्या उमेदवारीची घोषणा. बातमी बीडच्या राजकीय गोठ्यातून आहे..गेवराई नगरपरिषद निवडणुकीत महायुतीतीलच दोन पक्ष आमने-सामने आले आहेत. राष्ट्रवादी काँग्रेस अजित पवार गटाने युतीचा निर्णय न पाहता शितल दाभाडे यांना उमेदवार म्हणून घोषित केलं होतं, आणि आता भाजपनेही गीता बाळराजे पवार यांना रिंगणात उतरवलं आहे. त्यामुळे गेवराईत राष्ट्रवादी आणि भाजप याच्यात थेट सामना रंगणार आहे. शनिवारी झालेल्या भाजप कार्यकर्त्यांच्या बैठकीत गीता पवार यांच्या नावावर शिक्कामोर्तब करण्यात आलं. नगरपरिषद निवडणुकीसाठी सोमवारपासून अर्ज भरण्यास सुरुवात होणार असून, युती होणार की नाही याबाबत अद्यापही अनिश्चितता कायम आहे. मात्र गेवराईतल्या या निवडणुकीकडे आता संपूर्ण जिल्ह्याचं लक्ष लागलं आहे.