गेल्या आठवड्यात मंत्रिमंडळ बैठकीत मुख्यमंत्र्यांनी शेतकऱ्यांसाठी केवायसी ची अट रद्दण्यात आलेली आहे, ई केवायसी मुळे कुठल्याही शेतकऱ्याला आता त्रास होणार नाही अशा पद्धतीची घोषणा केली होती मात्र खरंच ही अट रद्द केली आहे का तर याचे उत्तर साफ नाही आहे... कारण प्रशासन पातळीवर अजूनही लाखो शेतकऱ्यांचे पैसे फक्त इ-केवायसी मुळे अडकून पडलेले आहेत..छत्रपती संभाजी नगर विभागीय प्रशासनांना जून ते ऑगस्ट या दरम्यान अतिवृष्टी मुळे शेतीचे जे नुकसान झालं होतं त्यासाठी राज्य सरकारकडे नुकसान भरपाईची मागणी केली होती त्यानुसार 1418 कोटी रुपये विभागीय आयुक्त प्रशासनाला मिळाले... छत्रपती संभाजीनगर विभागातील आठही जिल्ह्यांसाठीचे हे पैसे आहेत.. त्यापैकी प्रशासनाने दिलेल्या माहितीनुसार 885 करोड मागणीच्या यादी 8 ही जिल्ह्यातून या पोर्टलवर अपलोड झाले आहे आणि त्यापैकी फक्त आतापर्यंत 88.22 करोड रुपयांचं वाटप झालं आहे तर 746.43 कोटी हे वाटप फक्त ई-केवायसी पेंडिंग असल्यामुळे झालं नाहीये, हा निधी येऊन आता 15 दिवस उलटले आहे , मुळात हा निधी कमी आल्याची ओरड आहे त्यात 1418 कोटीपैकी प्रशासन कडे 885 कोटींच्या यादी आल्यात म्हणजे 40 टक्के अजून यादीच अपलोड नाही त्यात 90 टक्के पैसे ई-केवायसी मुळे अडकले असतील तर ही शेतकऱ्यांना तातडीची मदत आहे का असाच प्रश्न पडतोय सोबतच मुख्यमंत्र्यांनी ही केवायसी ची अट रद्द केली अशी घोषणा केली होती त्याचं काय झालं असाही सवाल या निमित्ताने उपस्थित होतोय त्यामुळे मदतीची ही संथगती शेतकऱ्यांच्या मुळावर उठली आहे.... मुळावर कशी हे ही बघा शेतकऱ्याच्या आत्महत्येची धक्कादायक आकडेवारीची आहे. मराठवाड्यात ऑगस्ट आणि सप्टेंबर या दोन महिन्यात 150 शेतकऱ्यांनी आत्महत्या करत आपलं जीवन संपवलं आहे. मराठवाड्यात अतिवृष्टी काळात म्हणजेच ऑगस्ट आणि सप्टेंबर महिन्यात रोज 2 ते 3 शेतकऱ्यांनी टोकाचे पाऊल उचलत जीवन संपवलं आहे. विशेष म्हणजे ऑक्टोबर महिन्याच्या सुरवातीला देखील पाच पेक्षा अधिक आत्महत्या झाल्या असल्याने चिंतेचा विषय बनला आहे. तर जानेवारी ते सप्टेंबर या नऊ महिन्यात मराठवाड्यातील 781 शेतकऱ्यांनी आत्महत्या केली आहे. ऑगस्ट आणि सप्टेंबर महिन्यात आत्महत्यांचा उच्चांक झाला आहे....