The inaugural event of the Swachhata Hi Seva campaign was held at the Golf Course, Gulmarg Meadows, and inaugurated by Agriculture Minister Javed Ahmed Dar. گلمرگ کے گالف کورس میں سوچھتا ہی سیوا مہم کی افتتاحی تقریب منعقد ہوئی جس کا افتتاح وزیر زراعت ورورل ڈیولپمنٹ جاوید احمد ڈار نے کیا۔یہ پروگرام دیہی ترقی اور پنچایتی راج محکمہ کی جانب سے منعقد کیا گیا۔ افتتاحی تقریب میں ایم ایل اے گلمرگ فاروق احمد شاہ، ایم ایل اے پٹن ریاض بیدار، ایم ایل اے واگورہ عرفان حفیظ لون اور ڈی ڈی سی چیئرپرسن بارہمولہ سفینہ بیگ موجود تھیں۔ افتتاح کے بعد گلمرگ گالف کلب میں ایک تقریب منعقد ہوئی جس میں وزیر جاوید احمد ڈار اور دیگر شخصیات نے خطاب کیا اور ماحول کی صاف ستھرائی کولیکر تبادلہ خیال کیا۔اس موقع پر مختلف محکموں کے افسران کو اعزاز سے بھی نوازا گیا۔یہ پندرہ روزہ مہم صفائی ستھرائی کے پروگراموں، صفائی مہمات اور بیداری سرگرمیوں پر مرکوز رہے گی۔ خاص توجہ عوامی مقامات، سیاحتی مقامات، بازاروں، اسکولوں اور صحت مراکز کی صفائی پر دی جائے گی۔ مقامی رضاکار، رہائشی اور طلباء بھرپور شرکت کریں گے تاکہ اس پہل میں کمیونٹی کی شمولیت کو یقینی بنایا جا سکے۔ مہم کا ایک مقصد سنگل یوز پلاسٹک کے استعمال کو کم کرنا، کچرے کو منبع پر الگ الگ کرنے کو فروغ دینا اور ری سائیکلنگ کے طریقوں کی حوصلہ افزائی کرنا بھی ہے۔ بیداری پروگراموں کے ذریعے صفائی ستھرائی کو برقرار رکھنے اور گلمرگ و ملحقہ علاقوں کی قدرتی خوبصورتی کو محفوظ رکھنے کی اہمیت اجاگر کی جائے گی۔ visual and btye official