Manish Shanker Mohali 23 ਲੱਖ ਲੈਣ ਤੋਂ ਬਾਅਦ ਵੀ ਨਹੀਂ ਭੇਜਿਆ ਵਿਦੇਸ਼ ਹੋਰ ਪੈਸੇ ਦੇਣ ਲਈ ਸੱਦਿਆ ਤਾਂ ਕਰ ਲਿਆ ਕਾਬੂ ਟ੍ਰੈਪ 'ਚ ਫਸਿਆ ਐਸਪਾਇਰ ਐਡਵਾਇਜ਼ਰ ਕੰਪਨੀ ਦਾ ਮੁਲਾਜ਼ਮ ਥਾਣਾ ਮਟੌਰ ਅਧੀਨ ਪੈਂਦੇ ਸੈਕਟਰ-70 ਵਿਚਲੇ ਜੁਬਲੀ ਵਾਕ 'ਚ ਸਥਿਤ ਐਸਪਾਇਰ ਅਡਵਾਇਜ ਇੰਮੀਗ੍ਰੇਸ਼ਨ ਕੰਪਨੀ ਦੇ ਪ੍ਰਬੰਧਕਾਂ ਵੱਲੋਂ ਲੋਕਾਂ ਨਾਲ ਵਿਦੇਸ਼ ਭੇਜਣ ਦੇ ਨਾਮ 'ਤੇ ਲੱਖਾਂ ਰੁਪਏ ਦੀ ਠੱਗੀ ਮਾਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਮਾਮਲੇ 'ਚ ਦੋ ਪੀੜਤਾਂ ਵੱਲੋਂ ਉਕਤ ਕੰਪਨੀ ਦੇ ਇਕ ਕਰਮਚਾਰੀ ਨੂੰ ਹੋਰ ਪੈਸੇ ਦੇਣ ਲਈ ਬੁਲਾਇਆ ਗਿਆ ਅਤੇ ਉਸ ਨੂੰ ਕਾਬੂ ਕਰ ਲਿਆ ਗਿਆ। ਇਸ ਦੌਰਾਨ ਲੋਕਾਂ ਦੀ ਭੀੜ ਇਕੱਠੀ ਹੋ ਗਈ ਅਤੇ ਪੀੜਤਾਂ ਨੇ ਪੁਲਸ ਨੂੰ ਸੂਚਨਾ ਦਿੱਤੀ ਤੇ ਉਕਤ ਵਿਅਕਤੀ ਜਿਸ ਨੇ ਆਪਣਾ ਨਾਮ ਮਨਪ੍ਰੀਤ ਸਿੰਘ ਦੱਸਿਆ ਨੂੰ ਮੌਕੇ 'ਤੇ ਪਹੁੰਚੇ ਪੁਲਸ ਕਰਮਚਾਰੀਆਂ ਦੇ ਹਵਾਲੇ ਕਰ ਦਿੱਤਾ। ਇਸ ਸਬੰਧੀ ਇਕਬਾਲ ਸਿੰਘ ਵਾਸੀ ਪਿੰਡ ਮਜਾਤ ਨੇ ਦੱਸਿਆ ਕਿ ਇੰਸਟਾਗ੍ਰਾਮ 'ਤੇ ਉਕਤ ਕੰਪਨੀ ਦਾ ਇਸ਼ਤਿਹਾਰ ਦੇਖ ਕੇ ਉਹ ਪ੍ਰਭਜੋਤ ਸਿੰਘ ਅਤੇ ਕਰਨ ਸਿੰਘ ਨੂੰ ਮਿਲੇ ਸਨ। ਦੋਵਾਂ ਕੰਪਨੀ ਪ੍ਰਬੰਧਕਾਂ ਨੇ ਉਸ ਦੀ ਭੈਣ ਸੰਦੀਪ ਕੌਰ ਨੂੰ ਨਿਊਜ਼ੀਲੈਂਡ ਭੇਜਣ ਲਈ ਹਾਮੀ ਭਰੀ ਅਤੇ 8 ਲੱਖ ਰੁਪਏ ਲੈ ਕੇ ਇਕ ਐਗਰੀਮੈਂਟ ਸਾਈਨ ਕਰਕੇ ਉਨ੍ਹਾਂ ਨੂੰ ਦਿੱਤਾ ਅਤੇ ਕਿਹਾ ਕਿ ਜਲਦ ਉਨ੍ਹਾਂ ਦੀ ਵੀਜ਼ਾ ਆ ਜਾਵੇਗਾ। ਇਸ ਤੋਂ ਬਾਅਦ ਕੰਪਨੀ ਪ੍ਰਬੰਧਕਾਂ ਨੇ ਉਸ ਕੋਲ ਹੋਰ 5 ਲੱਖ ਰੁਪਏ ਦੀ ਮੰਗ ਰੱਖੀ। ਉਸ ਨੂੰ ਸ਼ੱਕ ਹੋਇਆ ਤਾਂ ਉਹ ਦਫ਼ਤਰ ਗਏ ਪ੍ਰੰਤੂ ਦਫ਼ਤਰ ਬੰਦ ਸੀ। ਉਨ੍ਹਾਂ ਨੇ ਫੋਨ ਕਰਕੇ ਕੰਪਨੀ ਪ੍ਰਬੰਧਕਾਂ ਨੂੰ ਪੈਸੇ ਦੇਣ ਲਈ ਸੋਹਾਣੇ ਕੋਲ ਬੁਲਾਇਆ, ਜਿੱਥੇ ਪਹਿਲਾਂ ਤੋਂ ਉਹ ਇਕ ਹੋਰ ਪੀੜਤ ਵਿਅਕਤੀ ਪੰਕਜ ਸ਼ਰਮਾ ਵਾਸੀ ਗੁਲਾਬ ਨਗਰ ਕੈਂਪ (ਯਮੁਨਾਨਗਰ) ਨਾਲ ਮੌਜੂਦ ਸਨ। ਜਿਵੇਂ ਹੀ ਕੰਪਨੀ ਦਾ ਇਕ ਕਰਮਚਾਰੀ ਮੌਕੇ 'ਤੇ ਆਇਆ ਤਾਂ ਉਨ੍ਹਾਂ ਨੇ ਉਕਤ ਕਰਮਚਾਰੀ ਨੂੰ ਕਾਬੂ ਕਰ ਲਿਆ। ਉੱਧਰ ਦੂਜੇ ਪੀੜਤ ਪੰਕਜ ਨੇ ਦੱਸਿਆ ਕਿ ਉਸ ਨੇ ਆਪਣੇ ਲੜਕੇਨਿਖਿਲ ਨੂੰ ਨਿਊਜ਼ੀਲੈਂਡ ਭੇਜਣ ਲਈ ਉਕਤ ਕੰਪਨੀ ਪ੍ਰਬੰਧਕਾਂ ਨਾਲ ਸੰਪਰਕ ਕੀਤਾ ਸੀ । ਉਕਤ ਕੰਪਨੀ ਪ੍ਰਬੰਧਕਾਂ ਨੇ ਉਸ ਦੇ ਲੜਕੇ ਨੂੰ ਨਿਊਜ਼ੀਲੈਂਡ ਭੇਜਣ ਲਈ ਕਰੀਬ ਤਿੰਨ ਮਹੀਨੇ ਪਹਿਲਾਂ 15 ਲੱਖ ਰੁਪਏ ਲੈ ਲਏ ਸਨ ਅਤੇ ਉਸ ਤੋਂ ਬਾਅਦ ਪਹਿਲਾਂ ਕੰਪਨੀ ਪ੍ਰਬੰਧਕ ਲਾਰਾ ਲਗਾਉਂਦੇ ਰਹੇ, ਮਗਰੋਂ ਉਨ੍ਹਾਂ ਨੇ ਫੋਨ ਬੰਦ ਕਰ ਲਿਆ । ਪੀੜਤ ਇਕਬਾਲ ਦਾ ਕਹਿਣਾ ਹੈ ਕਿ ਕਾਬੂ ਆਏ ਕੰਪਨੀ ਕਰਮਚਾਰੀ ਕੋਲੋਂ ਕਈ ਜਾਅਲੀ ਆਫਰ ਲੈਟਰ ਬਰਾਮਦ ਹੋਏ ਹਨ, ਜਿਸ ਬਾਰੇ ਜਾਂਚ ਕੀਤੀ ਜਾਣੀ ਚਾਹੀਦੀ ਹੈ ਕਿ ਉਨ੍ਹਾਂ ਨੇ ਹੋਰ ਕਿਸ-ਕਿਸ ਨਾਲ ਠੱਗੀ ਮਾਰੀ ਹੈ। ਇਸ ਸਬੰਧੀ ਥਾਣਾ ਮਟੌਰ ਦੇ ਮੁਖੀ ਅਮਨਦੀਪ ਕੰਬੋਜ ਨੇ ਦੱਸਿਆ ਕਿ ਮਾਮਲਾ ਉਨ੍ਹਾਂ ਦੇ ਧਿਆਨ 'ਚ ਆਇਆ ਹੈ ਪੁਲਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। 1-2-1 Victims Shorts of Detained agent Shorts of police station Byte-SHO Amandeep Kamboj