अतिवृष्टी व पूर आपत्तीमुळे बाधितांना विशेष मदत पॅकेजच्या शासन निर्णयात यवतमाळ जिल्ह्यातील अतिवृष्टीने सर्वाधिक बाधित पुसद, महागाव, उमरखेड या तालुक्यांनाच वगळण्यात आले आहे. पालकमंत्री संजय राठोड यांनी याच तालुक्यातील नुकसानग्रस्त भागात पाहणी करून आढावा घेतला होता. याच तालुक्यांमध्ये पैनगंगा नदीच्या पुरामुळे मोठ्या प्रमाणात शेतजमिनी खरडून निघाल्या, पिके पाण्याखाली बुडाल्या, मानव आणि पशुहानी देखील झाली. तरीही हे तालुके मदतीपासून वंचित ठेवण्यात आल्याने शेतकऱ्यांमध्ये रोष व्यक्त होत आहे。