वाशिम: अँकर:दिवसेंदिवस वाढत चाललेल्या शहरीकरण आणि जंगलांचा होतोला ऱ्हास यामुळे वन्य प्राणी मानवी वस्त्यांकडे वळत आहेत पुणे जिल्ह्यातील शिरूर येथे घडलेल्या बिबट्याच्या हल्ल्याच्या घटनेनंतर आता वाशिमजिल्ह्यातील मंगरुळपीर तालुक्यातील वनोजा गावात कोल्ह्याने हल्ला केल्याची धक्कादायक घटना समोर आली आहे. काल सायंकाळी सातच्या सुमारास गावात अचानक आलेल्या कोल्ह्याने गावकऱ्यांवर हल्ला केला. या हल्ल्यात दोन लहान मुले आणि दोन प्रौढ व्यक्ती जखमी झाले. जखमींना तातडीने प्राथमिक उपचार करून मंगरुळपीर ग्रामीण रुग्णालयात दाखल करण्यात आले. आज सकाळी पुन्हा या कोल्ह्याने गावात प्रवेश करून आणखी पाच जणांना चावा घेतला. आतापर्यंत तीन लहान मुले,तीन महिला आणि तीन पुरुष असे एकूण नऊ जण जखमी झाले आहेत. या घटनेमुळे वनोजा गावात दहशतीचे वातावरण पसरले असून, नागरिकांमध्ये भीतीचे वातावरण आहे. गावकऱ्यांनी तातडीने या कोल्ह्याला पकडून बंदोबस्त करण्याची मागणी वन विभागाकडे केली आहे.