अँकर: जून ते सप्टेंबरदरम्यान झालेल्या अतिवृष्टीमुळे वाशिम जिल्ह्यात खरीप पिकांचे मोठे नुकसान झाले. सोयाबीन,तूर, मूग,ज्वारी, भाजीपाला व फळबागांचे मोठ्या प्रमाणात नुकसान झालं असून शेतकरी आर्थिक संकटात आहेत.राज्याचे कृषिमंत्री दत्तात्रेय भरणे यांनी रिसोड आणि मालेगाव तालुक्यात पाहणी करून मदतीचे आश्वासन दिले होते. मात्र, नुकत्याच जाहीर झालेल्या शासन निर्णयानुसार वाशिम,कारंजा आणि मानोरा या तालुक्यांचा समावेश करण्यात आला असून अतिवृष्टीचा सर्वाधिक फटका ज्या तालुक्यांना बसला ते रिसोड, मालेगाव आणि मंगरूळपीर या अतिवृष्टीग्रस्त तालुक्यांना वगळण्यात आले आहे.या शासन निर्णयाचा निषेध म्हणून काँग्रेस पदाधिकाऱ्यांनी जिल्हाधिकारी कार्यालया समोर शासन निर्णयाची होळी केली.रिसोडचे आमदार अमित झनक म्हणाले,“जोपर्यंत वगळलेल्या तिन्ही तालुक्यांचा मदत योजनेत समावेश होत नाही, तोपर्यंत आम्ही सभागृहात आणि रस्त्यावर लढा देऊ. याचविषयी काँग्रेसचे आमदार अमित झनक यांच्याशी अधिक बातचीत केली आमचे प्रतिनिधी गणेश मोहळे यांनी.