वंदेमातरम गीताच्या १५० वर्षानिमित्त देशात ‘वंदे मातरम सार्धशताब्दी महोत्सव’ साजरा करण्यात येत आहे. त्यानिमित्त वाशीम जिल्हा क्रीडा संकुलावर शासकीय औद्योगिक प्रशिक्षण संस्थेच्यावतीने भव्य कार्यक्रमाचे आयोजन करण्यात आले. जिल्ह्यातील हजारो विद्यार्थ्यांनी एकत्र येत ‘वंदे मातरम’चे सामूहिक गायन करून देशभक्तीचा जागर केला. उद्घाटन, मान्यवरांचा सत्कार, लघुनाटिका सादरीकरण, तसेच समूहगायन आदी उपक्रमांनी कार्यक्रमाला देशभक्तीची रंगत आणली. विद्यार्थीय, शिक्षक व नागरिकांच्या उत्स्फूर्त सहभागाने हा ऐतिहासिक सोहळा प्रेरणादायी ठरला.