अँकर:महाराष्ट्र शासनाच्या महत्त्वाकांक्षी रब्बी हंगाम ई-पीक पाहणी उपक्रमाची सुरुवात १० डिसेंबर २०२५ पासून करण्यात आली आहे.या उपक्रमांतर्गत शेतकऱ्यांनी आपल्या ७/१२ उताऱ्यावर रब्बी पिकांची नोंद स्वतः मोबाईलद्वारे करायची आहे.शेतकरी स्तरावर ई-पीक पाहणी पूर्ण करण्याची अंतिम मुदत २४ जानेवारी २०२६ असून,आता केवळ दोन दिवस शिल्लक आहेत.रब्बी हंगाम २०२५ ई-पीक पाहणी अंतर्गत जिल्ह्यात ‘ओनर्स प्लॉट’ची एकूण संख्या ३ लाख ६६ हजार १२३ इतकी आहे. २२ जानेवारीपर्यंत जिल्ह्यातील ५५.२१ टक्के क्षेत्रावर ई-पीक पाहणीची नोंदणी पूर्ण झाली आहे.ई-पीक पाहणीद्वारे पिकांची नोंद न केल्यास ७/१२ उताऱ्यावर पीक पेरा कोरा राहील व नंतर तो भरता येणार नाही. त्यामुळे शेतकऱ्यांनी अंतिम मुदतीपूर्वी वेळेत आपल्या पिकांची नोंदणी पूर्ण करावी, असे आवाहन महसूल विभागाकडून करण्यात आले आहे.