कोपरखैरणे परिसरात गुरुवारी सायंकाळी घडलेल्या भीषण दुर्घटनेत एका १४ वर्षीय विद्यार्थ्याचा दुर्दैवी मृत्यू झाला आहे. सेक्टर-२ मधील 'विद्याभवन' या तीन मजली इमारतीचा पहिल्या मजल्याचा स्लॅब तळमजल्यावरील घरगुती ट्युशन क्लासवर कोसळला. या घटनेत एकूण १३ जण ढिगाऱ्याखाली अडकले होते. मदतकार्यानंतर सर्वांना बाहेर काढण्यात आले, मात्र गंभीर जखमी झालेल्या एका विद्यार्थ्याने उपचारादरम्यान प्राण गमावला. कोपरखैरणे, सेक्टर-२, प्लॉट नंबर १२ येथील 'विद्याभवन सोसायटी' या २८ वर्षे जुन्या इमारतीत सायंकाळी ५:२० च्या सुमारास ही घटना घडली. इमारतीच्या तळमजल्यावर शिक्षिका शामली चौधरी (५३) या मुलांचा ट्यूशन घेत होत्या. त्याचवेळी पहिल्या मजल्याचा स्लॅब अचानक खाली कोसळला. या दुर्घटनेत मनीष राहुल म्हसे (वय १४ वर्ष) हा विद्यार्थी गंभीर जखमी झाला होता. त्याला तातडीने वाशी येथील महानगरपालिका रुग्णालयात दाखल करण्यात आले, मात्र उपचारादरम्यान त्याचा मृत्यू झाल्याचे डॉक्टरांनी घोषित केले. या बातमीमुळे संपूर्ण नवी मुंबईत हळहळ व्यक्त केली जात आहे. घटनेची माहिती मिळताच वाशी, कोपरखैरणे आणि ऐरोली अग्निशमन दलाच्या गाड्या तातडीने घटनास्थळी दाखल झाल्या. ढिगाऱ्याखाली अडकलेल्या १२ विद्यार्थी आणि १ शिक्षिका अशा एकूण १३ जणांना जवानांनी शर्थीचे प्रयत्न करून बाहेर काढले. बाईट- पुरुषोत्तम जाधव - अग्निशमन अधिकारी बाईट- डॉ.कैलास शिदे - म्हापलीक आयुक्त रेस्क्यू करण्यात आलेल्यांची नावे: सिद्धांत गुप्ता (८), प्रिन्स सोनी (११), आयशा, कुसूम (१५), निष्का धनवाडे (१४), मनीष म्हसे (१४ - मृत), आराध्या बोडसे (१४), तन्वी श्रीवास्तव (७), देवांश पुजारी (१२), राजदीप वानखडे (१०), पार्थ खैरनार (१४), रुद्र येलूरकर (५) आणि शिक्षिका शामली चौधरी (५३). इमारतीच्या सुरक्षेचा प्रश्न पुन्हा ऐरणीवर मुख्य अग्निशमन अधिकारी पुरुषोत्तम जाधव यांनी दिलेल्या माहितीनुसार, ही इमारत २८ वर्षे जुनी असून तिची अवस्था धोकादायक होती. या इमारतीमध्ये १६ कुटुंबे राहत होती. या दुर्घटनेमुळे जुन्या इमारतींच्या स्ट्रक्चरल ऑडिटचा आणि सुरक्षेचा प्रश्न पुन्हा एकदा गंभीर झाला आहे.