भागवत एकादशी निमित्त पालखी सोहळ्याचे आयोजन. शेकडो वारकरी झाले होते सहभागी. काल भागवत एकादशी व कार्तिक स्नान निमित्ताने अवघी पंढरी नगरी दुमदुमून गेली होती. याच पार्श्वभूमीवर टिटवाळा येथील विठ्ठल मंदिरात देखील विविध धार्मिक कार्यक्रमांचे आयोजन करण्यात आले होते. संपूर्ण टिटवाळा गावातून विठ्ठू माऊलींची भव्य पालखी मिरवणूक काढण्यात आली. ज्ञानोबा माऊली तुकारामांच्या जयघोषात संपूर्ण टिटवाळा नगरी दुमदुमून गेली होती. पंचक्रोशीतील शेकडो महिला, पुरूष व तरुण वारकरी व ग्रामस्थ या पालखी सोहळ्यात सहभागी झाले होते. रात्री उशिरापर्यंत पालखी सोहळा सुरू होता.