बल्याणी व उंभर्णीच्या विकासासाठी करोडोंचा निधी मंजूर... मयूर पाटील यांच्या हस्ते कामांचा शुभारंभ... विकास कामांची दिवाळी भेट... कल्याण तालुक्यातील बल्याणी व उंभर्णी येथील अनेक विकासकामे आज तागायत प्रलंबित होती. रस्ते, गटार व पायवाट सुस्थितीत नसल्यामुळे येथील नागरिकांना याचा नाहक त्रास सहन करावा लागत होता. हीच बाब लक्षात घेऊन कृषी उत्पन्न बाजार समितीचे संचालक मयूर पाटील व माजी नगरसेविका नमिता पाटील यांच्या प्रयत्नाने शासनाच्या विविध हेड खालून या ठिकाणी करोडो रुपयांचा निधी आणला गेलायं. यामुळे या परिसराचा विकास होऊन नागरीकांना सोयीसुविधा मिळणार आहेत. या विविध कामांचा शुभारंभ सोहळा संपन्न झाला. दिवाळीच्या मुहूर्तावर कामांचा शुभारंभ झाल्याने ही दिवाळी भेटच असल्याचे नागरिकांतून बोलले‌ जाते. या कार्यक्रमास नागरिक, शिवसैनिक, पदाधिकारी तसेच स्थानिक रहिवाशांनी मोठ्या संख्येने उपस्थित राहून शिवसेनेच्या कार्यकर्तृत्वाला दाद दिली.