भिवंडी महापालिकेचे ११७९ कोटींचे अर्थसंकल्प सादर... शिक्षण, ई-बस आणि पायाभूत सुविधांवर विशेष भर... भिवंडी महानगरपालिकेचा सन २०२६-२७ साठी ११७९ कोटींचा अर्थसंकल्प महासभेसमोर सादर करण्यात आला असून २०२६-२७ चे सुधारित अंदाजपत्रक १११७ कोटींचे आहे. या अर्थसंकल्पात शिक्षण, सार्वजनिक वाहतूक आणि पायाभूत सुविधांवर विशेष भर देण्यात आला आहे. ‘एपीजे अब्दुल कलाम शिक्षण अभियानासाठी १ कोटींची तरतूद करण्यात आली असून विद्यार्थ्यांना शैक्षणिक साहित्य दिले जाणार आहे. शहरात १०० ई-बस सुरू करण्यासाठी पीएम ई-बस सेवेसाठी ५ कोटींची तरतूद करण्यात आली आहे. जीआयएस सर्वेसाठी १० कोटी, शाळा दुरुस्तीसाठी ४ कोटी आणि ‘अमृत २.०’ अंतर्गत १०० एमएलडी पाणी योजनेसाठी २५ कोटींची तरतूद प्रस्तावित आहे. रस्ते विकास व विद्युत खांब स्थलांतरासाठी २ कोटी तर महिला, बालकल्याण व दिव्यांगांसाठी ३.२६ कोटींची तरतूद करण्यात आली आहे. या अर्थसंकल्पावर महासभेत लवकरच चर्चा होणार आहे.