भिवंडी गुन्हे शाखेकडून दुचाकी चोरीचे 41 गुन्हे उघड केले असून 10 लाख 60 हजार रुपये किमतीच्या चोरीच्या एकूण 58 दुचाकी जप्त केल्या आहेत. या दुचाकी चोरी प्रकरणी 3 आरोपींना ताब्यात घेऊन अटक करण्यात आली आहे. गणेश उर्फ गणू राज मोरे (21), साहेबअली उर्फ छोटू सुलतान अली शेख (19), सुनील उर्फ बाळा शंकर राठोड (20) अशी चोरट्यांची नावे असून चोरटे या दुचाकी आर्थिक फायद्यासाठी चोरी करून लातूर, परभणी, भंडारा व पुणे अशा वेगवेगळ्या ठिकाणी विक्री करीत असल्याची माहिती गुन्हे शाखेने दिली आहे.