भिवंडी पुलिस उपायुक्त परिमंडळ क्षेत्रात सर्व पोलिस ठाणे अंतर्गत रन फॉर युनिटी या विशेष दौड कार्यक्रमाचे आयोजन ठिकठिकाणी करण्यात आले होते. शांतीनगर व कोनगांव पोलिस ठाण्याच्या वतीने राजनोली नाका ते भादवड पोलिस ग्राऊंड पर्यंत दौडचे आयोजन करण्यात आले होते. पोलिस उपायुक्त शशिकांत बोराटे यांनी या दौडला हिरवा झेंडा दाखवला. वरिष्ठ पोलिस निरीक्षक विनायक गायकवाडा, नेताराम मस्के यांच्या नेतृत्वाखाली झालेल्या या कार्यक्रमात अनेक पोलिस अधिकारी, कर्मचारी, नागरिक मोठ्या संख्येने सहभागी झाले होते. तर शहरात छत्रपती शिवाजी महाराज चौक येथे निजामपूर पोलिस ठाणे व वऱ्हाळ देवी तलाव येथे शहर पोलिस ठाणे यांनी या दौड कार्यक्रमाचे आयोजन केले होते. ज्यामध्ये आमदार महेश चौघुले यांसह अनेक पोलिस अधिकारी, कर्मचारी, नागरिक व विद्यार्थी सहभागी झाले.