Headline : देहूत आमदार रोहित पवार यांच्या लाक्षणिक उपोषणाला सुरुवात टाळ मृदुंगाचा गजर करत सरकारला शेतकऱ्यांच्या कर्जमाफी साठी जाग आणण्यासाठी उपोषण Anchor : शेतकऱ्यांना सरसकट कर्जमाफीची अंमलबजावणी व्हावी या मागणीसाठी देहूत राष्ट्रवादी शरद पवार गट आणि वारकरी आध्यात्मिक आघाडीच्या वतीने लाक्षणिक उपोषणाला देहूच्या मुख्य मंदिरासमोर सुरुवात झाली आहे. या उपोषणाला आमदार रोहित पवार, वारकरी अध्यात्मिक आघाडीचे ह.भ.प दत्तमहाराज डोन्हे पाटील यांच्यासह अनेक शेतकरी व वारकरी यांनी उपस्थिती दर्शवली आहे. या उपोषणाला आमदार रोहित पवार यांनी हाती टाळ घेत सरकारला जाग करण्यासाठी भजन करण्यास सुरुवात केली आहे. झोपलेले सरकार जागे व्हावे आणि शेतकऱ्यांना सरसकट कर्जमाफी द्यावी यासाठी टाळ मृदुंगाचा गजर करण्यात येत आहे. तर संत तुकाराम महाराजांच्या काळात देखील भयंकर दुष्काळ निर्माण झाला होता. त्यावेळी संत तुकोबारायांनी आपल्या खतावण्यांच्या वह्या इंद्रायणीच्या डोहात बुडवल्या आणि तेव्हाच सर्व शेतकऱ्यांचे कर्ज माफ व्हावे ही तुकोबांची करुण प्रार्थना होती. त्याच भावनेतून देहूतून शेतकऱ्यांच्या कर्जमुक्तीसाठी तुकोबारायांच्या नगरीत विठ्ठल चरणी साकडे घालण्याचा हा लाक्षणिक प्रयत्न आहे.