नागपूर *सर्वोच्च न्यायालयाने नागपूरच्या फुटाळा तलावाला वेटलँड म्हणजेच पाणथळ जमीन मानण्यास नकार देत फुटाळा तलावामध्ये नागपूर सुधार प्रन्यास म्हणजेच एनआयटी द्वारे काही तात्पुरते स्ट्रक्चर्स उभारून सुरू करण्यात आलेले कारंजे आणि इतर विकास कामांचा मार्ग मोकळा केला आहे...* नागपूर मधील एनजीओ स्वच्छ असोसिएशनने आधी मुंबई उच्च न्यायालयाच्या नागपूर खंडपीठा समोर आणि नंतर सर्वोच्च न्यायालयासमोर याचिका दाखल करत फुटाळा तलावा मधील आणि जवळपासच्या विकास कामांना थांबवण्याची मागणी केली होती. नागपूरचा *फुटाळा तलाव वेटलँड म्हणजेच पाणथळ जमीन असून 2017 च्या कायद्याप्रमाणे त्या ठिकाणी अशा पद्धतीचे विकास काम करणे पर्यावरणीय नियमांचा उल्लंघन असल्याचा दावा स्वच्छ असोसिएशन आपल्या याचिकेत केला होता...* मुंबई उच्च न्यायालयाच्या नागपूर खंडपीठाने आधीच ही याचिका फेटाळून लावली होती.. त्यानंतर सर्वोच्च न्यायालयासमोर प्रदीर्घ सुनावणी होऊन *सर्वोच्च न्यायालयाने सुद्धा स्वच्छ असोसिएशनची याचिका फेटाळून लावत नागपूरचा फुटाळा तलाव निसर्गनिर्मित म्हणजेच पाणथळ जमीन नाही, तर ते मानवनिर्मित तलाव आहे, त्यामुळे त्या ठिकाणी नागपूरचा इतिहास सांगणारे कारंजे आणि इतर विकास कामांचा मार्ग आता मोकळा* झाला आहे...