आमच्या समस्या सुटत नसतील तर आम्ही मतदान करायचे तरी कसे? असा सवाल विचारत नागपुरात एका संपूर्ण कॉलनीने महापालिका निवडणूक बहिष्कार घालण्याचा निर्णय घेतला आहे...* प्रभाग 34 मधील मध्यमवर्गीय आणि सुशिक्षितांची कॉलोनी मानल्या जाणाऱ्या "दर्शना को-ऑपरेटिव हाऊसिंग सोसायटी"च्या सर्व नागरिकांनी महापालिका तसेच नागपूर सुधार प्रन्यासाच्या दुर्लक्षाचा निषेध करत मतदानावर बहिष्कार घालण्याचा निर्णय घेतला आहे.. * परिसरात महापालिकेकडून स्वच्छता केली जात नाही. * कचरा उचलला जात नाही.. * खड्डे युक्त रस्ते असून ही महिनोन्महिने दुरुस्ती केली जात नाही * दिवाबत्तीची योग्य सोय केली जात नाही.. * परिसरातील रिकाम्या प्लॉट्सवर महापालिका आणि नागपूर सुधार प्रन्यासच्या दुर्लक्षामुळे अनधिकृत बांधकाम झाले आहे.. * अनधिकृत बांधकाम करणाऱ्यांचे धाडस एवढे वाढले आहे की त्यांनी चक्क "दर्शना को-ऑपरेटिव हाऊसिंग सोसायटी"च्या सरकार मान्य रस्त्यांवर बांधकाम करत रस्तेच बंद केले आहे... या सर्व समस्यांबद्दल दर्शना को-ऑपरेटिव्ह हाऊसिंग सोसायटीच्या नागरिकांनी वारंवार स्थानिक नगरसेवक तसेच महापालिकेतील संबंधित विभागांकडे तक्रारी केल्या.. मात्र, नागरिकांच्या तक्रारीवर महापालिका आणि नागपूर सुधार प्रन्यासने काहीच केले नसल्याचे नागरिकांचे आरोप आहे.. अखेरीस दर्शना को-ऑपरेटिव्ह हाऊसिंग सोसायटीचे सर्व नागरिकांनी मतदानावर बहिष्कार घालण्याचा निर्णय घेतला आहे... सध्या परिसरातील प्रत्येक घरावर मतदानावर बहिष्कार घालण्यासंदर्भातले मोठमोठे बॅनर लागले आहे.. *काहीही झाले तरी आम्ही मतदान करायला जाणार नाही असे या सोसायटीतील सुशिक्षित नागरिकांचे म्हणणे* आहे...