जालना : महापालिका निवडणुथकीत दोन्ही सेना आणि दोन्ही राष्ट्रवादी 19 ठिकाणी एकमेकांसमोर उभे अँकर : जालना महानगरपालिकेच्या आखाड्यात राज्याच्या राजकारणातील सर्वात मोठी आणि उत्कंठावर्धक लढत पाहायला मिळणार आहे. महायुती आणि महाविकास आघाडीत जागावाटपाचे पेच सुटले असले, तरी जालन्यातील 19 जागांवर मात्र दोन्ही सेना आणि दोन्ही राष्ट्रवादीचे गट एकमेकांसमोर उभे ठाकले आहेत. यामुळे 'पक्ष कोणाचा आणि ताकद कोणाची?' याचा फैसला आता जालन्याच्या गल्लीबोळात होणार आहे. नगर परिषदेचे महापालिकेत रूपांतर झाले. त्यानंतर पहिल्यांदाच ही निवडणूक होत आहे. 16 प्रभागातील 65 सदस्यांसाठी होणाऱ्या या निवडणुकीत तब्बल 454 उमेदवार मैदानात आहेत. यात राज्यात महायुती असणारे भाजप, राष्ट्रवादी अजित पवार गट आणि शिंदेसेना स्वबळावर लढत आहेत. तर दुसऱ्या बाजूला महाविकास आघाडी करून काँग्रेस, उद्धवसेना आणि राष्ट्रवादी शरद पवार गट मैदानात आहेत.