जालना : जालन्यात रावसाहेब दानवे विरुद्ध कल्याण काळे(पॅकेज) मि 2 आमदारांचा बाप आहे. जालना महानगरपालिका भाजपच्या ताब्यात द्या, वाट्टेल तेवढा निधी आणतो. कल्याणने 2 वर्षात 2 लाखांचाही निधी आणला नसल्याची टिका भाजप नेते रावसाहेब दानवेंनी खासदार कल्याण काळे यांच्यावर केलीय. बघूया हा स्पेशल रिपोर्ट. भाजपचे जालन्यातील नेते आणि माजी केंद्रीय मंत्री रावसाहेब दानवे यांनी जालना लोकसभा मतदार संघाचे खासदार कल्याण काळे यांच्यावर जोरदार टिका करत त्यांच्यावर निशाणा साधलाय. सध्या जालना महानगरपालिका निवडणुकीची रणधुमाळी जोरात सुरुय. भाजप, शिवसेना स्वतंत्र लढतायत. तर काँग्रेस, राष्ट्रवादी शरद पवार पक्ष आणि शिवसेना उबाठा हे आघाडी करून लढतायत. त्यामुळे जालना महानगरपालिका ताब्यात घेण्यासाठी सर्वच राजकिय पक्षांचे नेते एकमेकांवर टिका करून कुरघोडी करतायत. अशातच भाजप उमेदवारांच्या प्रचारासाठी दानवे मैदानात उतरले आणि त्यांनी महाविकास आघाडीची कमान सांभाळणाऱ्या खासदार कल्याण काळेंवर जोरदार टिका केली. मि आमदार नाही. पण एक नाही तर 2 आमदारांचा बाप आहे, लोकसभा निवडणुकीत माझा पराभव झाला. कल्याण निवडून आला. परंतु 2 वर्षात 2 लाखांचाही निधी त्यांनी आणला नाही. घ्या आता कल्याण असं म्हणत दानवेंनी काळे यांच्यावर निशाणा साधत दानवेंनी लोकसभा निवडणुकीत झालेल्या त्यांच्या पराभवाचं शल्य बोलून दाखवलं. शिवाय जालना महापालिका भाजपच्या ताब्यात दिल्यास हवा तेवढा निधी आणतो असं आश्वासन उपस्थितांना दिलं. लोकसभा निवडणुक होऊन 2 वर्ष उलटली. मात्र या दोन वर्षात दानवेंनी काळे यांच्यावर फारशी टिका केली नाही. आता काळे यांच्या विरोधात दानवे महापालिका निवडणुकि तोंडावर मात्र आक्रमक झालेले दिसुन येतायत. आगामी काळात पुन्हा जालन्यात दानवे विरुद्ध काळे असा सामना पाहायला मिळू शकतो.