जळगाव ,चाळीसगाव खासदार सुप्रिया सुळे यांची स्व. माजी आमदार राजीव देशमुख यांच्या कुटुंबीयांना सांत्वनपर भेट राष्ट्रवादी काँग्रेस (शरद पवार गट) यांच्या खासदार सुप्रिया सुळे यांनी आज स्व. माजी आमदार राजीव देशमुख यांच्या कुटुंबीयांची भेट घेऊन त्यांचे सांत्वन केले. राजीव देशमुख यांचे काही दिवसांपूर्वी हृदयविकाराने निधन झाले होते. सुप्रिया सुळे या चाळीसगाव शहरातील ‘राजगड’ निवासस्थानी भेट देऊन देशमुख परिवाराच्या दुःखात सहभागी झाल्या. यावेळी त्यांनी राजीव देशमुख यांच्याबरोबरच्या जुन्या आठवणींना उजाळा देत त्यांच्या सामाजिक आणि राजकीय कार्याची आठवण केली. भेटीदरम्यान परिसरातील अनेक कार्यकर्ते आणि नागरिक उपस्थित होते.