गेल्या अनेक वर्षांपासून नोकरीच्या प्रतीक्षेत असलेल्या अनुकंपाधारकांना नोकरीचे संधी मिळाली आहे. धुळे जिल्हाधिकारी कार्यालयाच्या वतीने अनुकंपा, तसेच एमपीएससीतर्फे नियुक्त 171 उमेदवारांना नियुक्ती आदेश देण्यात आले. राज्य शासनाच्या नवीन अनुकंपा नियुक्ती धोरणानुसार अनुकंपाधारकांना नोकरीची संधी मिळाली आहे. 100 दिवसांच्या कार्यक्रमांतर्गत या उमेदवारांना नियुक्ती आदेश वितरणाचा मेळावा झाला. या कार्यक्रमात पालकमंत्री जयकुमार रावल हे मुंबई येथून दूरदृश्य संवाद प्रणालीने सहभागी झाले होते. एवढी जिल्हाधिकारी भाग्यश्री विसपुते, पोलीस अधीक्षक श्रीकांत धिवरे, महापालिका आयुक्त अमिता दगडे पाटील उपस्थित होते. यावेळी 2012 पासून नियुक्तीच्या प्रतीक्षेत असलेल्या उमेदवारांना मान्यवरांच्या हस्ते नोकरीचे नियुक्तीपत्र देण्यात आले.