मदरशांमध्ये अतिरेकी तयार करण्याचं केंद्र असल्याचा आरोप करत राज्याचे मंत्री नितेश राणे यांनी केलेल्या वक्तव्यानंतर राज्याच्या राजकारणात नव्या वादाला तोंड फुटलं आहे. या विधानावरून राजकीय वातावरण तापलं असून विविध पक्षांकडून तीव्र प्रतिक्रिया उमटत आहेत. राष्ट्रवादी काँग्रेस शरद पवार पक्षाच्या वतीने या वक्तव्याचा जोरदार निषेध करण्यात आला आहे. पक्षाचे राज्य प्रवक्ते फैजान मिर्झा यांनी नितेश राणे यांच्या विधानावर कठोर शब्दांत टीका केली. त्यांनी नितेश राणे यांची तुलना ‘गटार’ आणि बडबडणाऱ्या कोंबड्याशी करत हे वक्तव्य अत्यंत बेजबाबदार असल्याचं म्हटलं आहे. राज्याचे मंत्रीपद भूषवणाऱ्या व्यक्तीकडून अशा प्रकारचं विधान होणं दुर्दैवी असल्याचं सांगत मिर्झा यांनी याचा तीव्र निषेध केला. प्रसिद्धी मिळवण्यासाठी आणि आपल्या नेत्यांना खुश करण्यासाठी नितेश राणे अशा प्रकारची वक्तव्यं करत असल्याचा आरोपही त्यांनी केला आहे. या प्रकरणामुळे राज्यातील राजकीय वातावरण पुन्हा एकदा ढवळून निघාලं असून पुढील काही दिवसांत हा वाद आणखी चिघळण्याची शक्यता व्यक्त केली जात आहे.