Feed  send by 2c Reporter-sagar gaikwad Slug-nsk_girl_rape पोटच्या मुलीवर जन्मदात्या पित्याने केला अत्याचार अँकर जन्मदात्या पित्याने नात्याला काळिमा लावणारे कृत्य करत आपल्या अल्पवयीन मुलीसोबत लैंगिक अत्याचार करत तिला गर्भवती केल्याची धक्कादायक घटना नाशिकच्या  गंगापूर पोलिस ठाण्याच्या हद्दीत घडलीये.. सोनोग्राफीनंतर उजेडात आलेल्या या संवेदनशील गैरकृत्याचा गंगापूर पोलिसांनी गांभीर्याने तपास करत 'डीएनए' नमुन्यांची चाचणी अहवालावरून आरोपी पित्याला बेड्या ठोकल्या आहेत.एका परप्रांतीय कुटुंबातील सतरा वर्षीय मुलीला महिनाभरापूर्वी डोकेदुखीचा त्रास होऊ लागल्याने सातपूरच्या कामगार विमा रुग्णालयात उपचारासाठी तिच्या आईने दाखल केले. तेथे तपासणी केल्यानंतर पोटदुखी व पोट स्वच्छ होत नसल्याची तक्रार तिने सांगितली. यामुळे डॉक्टरांनी सोनोग्राफी केली असता ती मुलगी सात आठवड्यांची गर्भवती असल्याचे निदान झाले. त्यामुळे तिला तत्काळ जिल्हा रुग्णालयात हलविण्यात आले. यानंतर पोलिसांनी दाखल होत पीडित मुलगी व तिच्या आईसोबत संवाद साधण्याचा प्रयत्न केला; मात्र या मायलेकींसह तिच्या वडिलांनी माहिती देण्यास टाळाटाळ केली. वरिष्ठ पोलिस निरीक्षक जग्वेंद्रसिंग राजपूत यांनी गुन्हे शोध पथकाचे उपनिरीक्षक मोतीलाल पाटील, सहायक निरीक्षक पूनम पाटील, परिविक्षाधिन उपनिरीक्षक प्रियंका कवाद यांची दोन पथके तयार केली. पथकांनी पीडित मुलगी, व गर्भाचे डीएनए नमुने संकलित करत तपासणीला पाठविले...