ભાવનગર રેન્જ પોલીસ વિભાગ દ્વારા શરદપૂર્ણિમા મહોત્સવ નિમિત્તે ભવ્ય ઉજવણીનું આયોજન કરવામાં આવ્યું હતું. જેમાં ભાવનગર રેંજના ત્રણ જિલ્લામાં પોલીસ વિભાગમાં ફરજ બજાવતી મહિલા પોલીસની ટિમો વચ્ચે ગરબા સ્પર્ધા યોજવામાં આવી હતી. ભાવનગર, બોટાદ અને અમરેલી જિલ્લા અને તાલુકા કક્ષાએથી કુલ 10 ટિમોએ ભાગ લીધો હતો. ભાવનગર પોલીસ પરેડ ગ્રાઉન્ડ ખાતે ભાવનગર રેન્જ પોલીસ દ્વારા આવડકૃપા કન્ટેનર હબ ના સહયોગથી કરાયેલા આયોજનમાં ગુજરાત રાજ્યના ડીજીપી વિકાસ સહાય તેમના પત્ની અનુરાધા સહાય સાથે ખાસ ઉપસ્થિત રહ્યા હતા. તેમજ આ કાર્યક્રમમાં કેન્દ્રીય રાજયમંત્રી નિમુબેન બાંભણીયા, ધારાસભ્ય જીતુભાઈ વાઘાણી, આઈજી ગૌતમ પરમાર તેમજ ભાવનગર, બોટાદ અને અમરેલીના પોલીસ વડા સહિતના અધિકારીઓ ઉપસ્થિત રહ્યા હતા. શરદપૂર્ણિમા પર્વે ભાવનગર રેન્જ હેઠળના ભાવનગર, બોટાદ અને અમરેલી ડિવિઝનની મહિલા پوليس કર્મીઓની 10 રાસ મંડળીએ રાસગરબા પ્રતિયોગિતામાં ભાગ લીધો હતો. જેમાં ત્રણેય જિલ્લાની બહેનોની ટીમે પારંપરિક ગરબા અવનવી થીમ સાથે રજૂ કર્યા હતા. જેમાં પ્રથમ સ્થાને બોટાદ ડિવિઝન, બીજા ક્રમે ભાવનગર પોલીસ હેડક્વાર્ટર જેવા ત્રીજા ક્રમે બોટાદ પોલીસ હેડક્વાર્ટરની ટીમે બાજી મારી હતી, જેમાં ત્રણેય ટીમોએ ક્રમશ: 51000, 31000 તથા 21000 રૂ. ના રોકડ પુરસ્કાર પ્રાપ્ત કર્યા હતા. આ તકે ડીજીપી વિકાસ સહાયે કહ્યું કે આજે ભાવનગર રેંજની મહિલા પોલીસકર્મીઓની કૃતિથી તેઓ ખુબજ ગર્વની લાગણી અનુભવાઈ રહી છે, પોલીસ વિભાગની મહિલા ટિમોએ કાયદો વ્યવસ્થા જાળવવા સાથે સર્વાંગી ક્ષમતા, સર્વાંગી કુશળતાનું ઉત્તમ ઉદાહરણ પૂરું પાડ્યું છે, ગુજરાત મહિલા Polizei ઓ હે જીવનમાં માતા-પત્ની-બહેન કે દીકરીનો રોલ નિભાવતી આ અધિકારીઓના પ્રયાસો પ્રશંસનિય છે.