અપ્રુવલ:વિશાલ ભાઈ PACKAGE FEED_LIVE_U FOLEDR_DAKSHESHWAR_PANI એંકર:સુરતમાં વહેલી સવારથી શરૂ થયેલા ધોધમાર વરસાદે અનેક લોકોની મુશ્કેલીઓ ઊભી કરી છે. શહેરના નીચાણવાળા વિસ્તારોમાં પાણી ભરાતા વાહનચાલકો અને રાહદારીઓને ભારે હાલાકીનો સામનો કરવો પડ્યો. ખાસ કરીને, પાંડેસરા વિસ્તારમાં આવેલ દક્ષેશ્વર મંદિર પાસે વરસાદી પાણી ભરાઈ જવાથી ટ્રાફિક જામના દૃશ્યો સર્જાયા હતા. ​વીઓ:1 સતત વરસી રહેલા વરસાદને કારણે પાંડેસરા વિસ્તારમાં ઠેર ઠેર પાણી ભરાયા હતા. દક્ષેશ્વર મંદિર પાસે તો જાણે નદી વહેતી હોય તેવા દૃશ્યો જોવા મળ્યા. પાણી ભરાવાને કારણે વાહનચાલકોને ભારે મુશ્કેલી પડી હતી. અનેક વાહનો રસ્તા વચ્ચે બંધ પડી ગયા હતા. જેના કારણે લોકોને ગાડીઓને ધક્કા મારવાની નોબત આવી હતી. વાહનો ધીમી ગતિએ ચલાવવાની ફરજ પડતા ટ્રાફિક જામની સમસ્યા પણ ઊભી થઈ હતી. જેના લીધે નોકરિયાત અને અન્ય લોકોને સમયસર તેમના ગંતવ્ય સ્થાને પહોંચવામાં વિલંબ થયો હતો. WKT: પ્રશાંત ઢીવરે બાઈટ:લોકો સાથે વાતચીત કરતા ​વીઓ:2 દર વર્ષે ચોમાસામાં પાણી ભરાવાની સમસ્યાનો સામનો સુરતની જનતાને કરવો પડે છે. આ વર્ષે પણ પરિસ્થિતિમાં કોઈ સુધારો જોવા ન મળતા લોકોમાં મહાનગરપાલિકાની કામગીરી સામે રોષ જોવા મળ્યો છે. સ્થાનિકોનું કહેવું છે કે પ્રી-મોન્સૂન કામગીરીના દાવાઓ પોકળ સાબિત થયા છે. જો યોગ્ય આયોજન કરવામાં આવ્યું હોત તો દર વર્ષે આ પ્રકારની સમસ્યા ઊભી ન થાત. લોકોએ તંત્ર પાસે આ સમસ્યાનો કાયમી ઉકેલ લાવવાની માંગ કરી છે. જેથી ભવિષ્યમાં આવી સ્થિતિનો સામનો ન કરવો પડે. પ્રશાંત ઢીવરે - સુરત PACKAGE