વલસાડ જિલ્લામાં ઉમરગામના દરિયાકિનારે હાલ ઉત્સવ જેવો માહોલ જોવા મળી રહ્યો છે. ઉમરગામના બીચને નવી ઓળખ મળે અને સ્થાનિક લોકોને રોજગારીની તકો ઊભી થાય તેવા હેતુ સાથે 'નૈયા સાગર શક્તિ ઉત્કર્ષ મહિલા મંડળ' દ્વારા બીચ ફેસ્ટિવલનું આયોજન કરવામાં આવ્યું છે. આ ફેસ્ટિવલને સારો પ્રતિસાદ મળી રહ્યો છે અને મોટી સંખ્યામાં લોકો પરિવાર સાથે અહીં મોજ માણવા ઉમટી રહ્યા છે. વલસાડ જિલ્લો આશરે 70 કિલોમીટર લાંબો દરિયાકિનારો ધરાવે છે. અત્યાર સુધી વલસાડનું નામ પડತಿ હોવાથી પ્રવાસીઓના મનમાં માત્ર 'તિથલ બીચ'નો વિચાર આવતો હતો. પરંતુ હવે મહારાષ્ટરની સરહદે આવેલો ઉમરગામનો દરિયાકિનારો પણ પર્યટકોનું આકર્ષણ કેન્દ્ર બની રહ્યો છે. અહીં ભવ્ય બીચ ફેસ્ટિવલ યોજાયો છે. મહત્વપૂર્ણ છે કે આ આયોજન પાછળ 'નૈયા સાગર શક્તિ ઉત્કર્ષ મહિલા મંડળ'નો સેવાકીય ઉદ્દેશ્ય છુપાયેલો છે. જરૂરિયાતમંદ પરિવારના બાળકોના ઉચ્ચ શિક્ષણ અને સમાજ સેહ્યના કામો માટે આ મંડળ કાર્યરત છે. સતત ત્રીજા વર્ષે યોજાઈ રહેલા આ ફેસ્ટિવલમાં ઉમરગામ અને આસપાસના નાના વેપારીઓ તેમજ ગૃહ ઉદ્યોગ સાથે જોડાયેલી મહિલાઓ દ્વારા 70 થી વધુ સ્ટોલ્સ લગાવવામાં આવ્યા છે. આ ફેસ્ટિવલમાં ઘર સજાવટ, હસ્તકલાની નમૂના, કપડાં અને ખાણીપીણીની વિવિધતા જોવા મળી રહી છે. સુંદર દરિયાકિનારા ના કુદરતી નજારામાં લોકોને ખરીદી અને મનોરંજનનો આનંદ માણી રહ્યો છે. આ આયોજનને કારણે સ્થાનિક કારીગરો અને નાના મેન્યુફેક્ચરર્સને તેમના ઉત્પાદનો વેચવા માટે એક મોટું પ્લેટફોર્મ મળ્યું છે, જેનાથી તેમની રોજગારીમાં વધારો થયો છે. મુલાકાતી