ડ્રગ્સના વેપારમાં જોડાયેલા એક શાતિર આરોપી જે હિન્દૂ નામ ધારણ કરીને લાંબા સમયથી પોલીસને ચકમો આપતો હતો, અંતે એસઓજીના હાથ ચઢ્યો છે. આ આરોપીનું નામ નવાબ ઉર્ફે મહારાજ ઇશાકઅલી સૈયદ હોવાનો ખુલ્યો છે. 'મહારાજ' તરીકે ઓળખાતો હતો અને મુંબઈથી સુરત સુધી મેથાએમફેટામાઇન (Methamphetamine) પ્રકારની ખતરનાક ડ્રગ્સ સપ્લાય કરતો હતો. લગભગ નવ મહિના પહેલા, પોલીસે 52.770 ગ્રામ મેથાએમફેટામાઇન ડ્રગ્સ સાથે એક વ્યક્તિ, ભરતભાઈ ભગવાનભાઈ પટેલ,ને ઝડપી પાડ્યો હતો. તપાસ દરમિયાન જાણવા મળ્યું કે આ ડ્રગ્સ ભરતભાઈને મહારાજ નામના વ્યક્તિએ આપ્યા હતા. પોલીસના દબાણ બાદ મહારાજ ફરાર થયો હતો. એસઓજીએ તેને વોન્ટેડ જાહેર કર્યો હતો. પરંતુ તાજેતરમાં મળેલી ગુપ્ત બાતમીના આધારે પોલીસેએ તેની ચુસ્ત તપાસ હાથ ધરી. તપાસ દરમિયાન ખબર પડી કે નવાબ ઉર્ફે મહારાજ 25 દિવસ પહેલા મુંબઈ પરત આવ્યો હતો અને ત્યાંથી સુરતમાં આવતો હતો. એસઓજીએ સીસીટીવી ફૂટેજ તથા અન્ય પુરાવાઓના આધારે ધરપકડ કરી છે. હવે તેના નેટવર્ક અને ડ્રગ્સ સપ્લાય ચેઇન અંગે વધુ તપાસ શરૂ કરવામાં આવી છે. પોલીસના જણાવ્યા મુજબ આરોપી લાંબા સમયથી ધર્મના નામે છદ્મ વેશ ધારણ કરી લોકોની આંખમાં ધૂળ નાખતો હતો. એસઓજીની આ કામગીરીથી ડ્રગ્સના રેકેટ પર મોટો ਪ੍ਰહાર માનવામાં આવી રહ્યો છે.