અપ્રુવલ: વિશાલ ભાઈ વિઝ્યુઅલ બાઇટ whatsapp કરેલ છે એંકર: સુરત શહેરના ભેસાણ રોડ પર આવેલી પ્રેમભારતી સાકેત હિન્દી વિદ્યાલયની માન્યતા જીલ્લા શિક્ષણ અધિકારી દ્વારા રદ કરવામાં આવી છે. DEOએ શાળાની સરપ્રાઈઝ વિઝિટ દરમિયાન પ્રાથમિક સુવિધાઓનો સદંતર અભావ અને જર્જરિત માલખંડ જોયા બાદ આ કડક પગલું લીધું છે. વીઓ:1 જિલ્લા શિક્ષણ અધિકારીએ શાળાની અચાનક મુલાકાત લીધી ત્યારે શાળાની ભયાનક સ્થિતિ સામે આવી હતી. શાળાનું મકાન એકદમ ખંડેર અને જર્જરિત હાલતમાં જોવા મળ્યું હતું, જયાં જોખમી સ્થિતિમાં વિદ્યાર્થીઓને ભણાવવામાં આવતા હતા. શાળાના બારી-દરવાજા તૂટેલી હાલતમાં હતા. વિધાર્થીઓ માટે ટોયલેટ-બાથરૂમની સુવિધાનો સદંતર અભાવ હતો. પંખા, પીવાના પાણી સહિતની અનેક પ્રાથમિક સુવિધાઓનો અભાવ જોવા મળ્યો હતો. વીઓ:2 ઓછી સંખ્યા છતાં ખોટી દર્શાવીને ચાલાવાતી હતી શાળા સ્થળ તપાસ દરમિયાન DEOને માલૂમ પડ્યું હતું કે શાળામાં વિદ્યાર્થીઓની વાસ્તવિક સંખ્યા ઘણી ઓછી હોવા છતાં, વહીવટી લાભો મેળવવા માટે ખોટી સંખ્યા દર્શાવીને શાળા ચલાવવામાં આવી હતી. આ ગેરરીતિ સામે પણ DEOએ ગંભીર નોંધ લીધી હતી. 1-2-1: ડો ભગીરથસિંહ પરમાર (DEO, સુરત) વીઓ:3 ગ્રાન્ટેડ શાળામાં સુવિધાઓના અભાવ અંગે અગાઉ પણ DEO દ્વારા શાળાને નોટિસ આપવામાં આવી હતી. તેમ છતાં શાળા સંચાલકો દ્વારા સ્થિતિ સુધારવા માટે કોઈ પગલાં લેવામાં આવ્યા નહોતા. DEOએ સ્થળ તપાસ અને ગંભીર ગેરરીતિઓ જોયા બાદ તાત્કાલિક અસરથી પ્રેમભારતી સાકેત હિન્દી વિદ્યાલયની માન્યતા રદ કરવાનો આદેશ આપ્યો છે. આ કાર્યવાહી અન્ય ગ્રાન્ટેડ શાળાઓ માટે પણ એક ચેતવણીરૂપ છે કે તેઓ વિદ્યાર્થીઓને લઘુત્તમ સુવિધાઓ પૂરી પાડીના નીતિઓના પાલન કરે. પ્રશાંત ઢીવરે - સુરત