शुक्रवारના રોજ રાત્રે 10 થી 10:15 વાગ્યા આસપાસ રાજકોટ શહેરના નાના મૌવા સર્કલ પાસે આવેલી મારવાડી શેર એન્ડ ફાઇનાન્સની કોર્પોરેટ ઓફિસમાં આગ લાગી હોાની ઘટના સામે આવી હતી. આગની ઘટના સામે આવતા મોટી સંખ્યામાં લોકો કોર્પોરેટ ઓફિસની બહાર ઉમટી પડ્યા હતા. સમગ્ર મામલાની જાણ થતા તાત્કાલિક અસરથી રાજકોટ મહાનગરપાલિકાનો ફાયર વિભાગ, માલવીયા નગર પોલીસ સ્ટેશનના અધિકારીઓ તેમજ કર્મચારીઓ તેમજ ઇમર્જન્સી સાથે જોડાયેલી 108ની ટીમ ઘટના સ્થળ ખાતે દોડી ગઈ હતી. પાંચ જેટલા ફાયર ટેન્ડર દ્વારા પાણીનો મારો ચલાવી આગ પર કાબુ મેળવવામાં આવ્યો હતો. તેમજ ઘટનાની જાણ થતા રાજકોટ મહાનગરપાલિકાના ડેપ્યુટી કમિશનર સહિતના ઉચ્ચ અધિકારીઓ સ્થળ પર દોડી ગયા હતા. જેમ કે સાબિત થયું કે આગ એલેક્ટ્રીક પેનલમાં શૉર્ટ સર્કિટથી લાગી હતી.