આ વર્ષ રવિ સિઝનમાં ઘઉં, ચણા અને સરસવની વાવણીમાં વધારો થયો છે જ્યારે મગફળીના વાવેતરમાં તીવ્ર ઘટાડો જોવા મળ્યો છે. ગયા વર્ષની સરખામણીમાં મગફળીનું વાવેતર ઓછું કરીને અન્ય પાકો તરફ વળ્યા છે. જે પાકમાં ઘઉંમાં આ વર્ષે નોંધપાત્ર વધારો થયો છે. ગયા વર્ષની સરખામણીમાં કઠોળ અને બરછટ અનાજનું વાવેતર વધી રહ્યું છે. જોકે મગફળીનું વાવેતર ઘટાડવાના અનેક કારણો સામે આવ્યા છે જેમાં કૃષિ વિજ્ઞાનિકો અને ખેડૂતોના ઘણા મંતવ્યો સામે આવ્યા છે. દાંતીવાડા કૃષિ યુનિવર્સિટીના તેલિલિયાં સંશોધન કેન્દ્રના સંશોધન વૈજ્ઞાનિક ડોક્ટર એલ.ડી પરમારનું કહેવું છે કે ચોમાસુ વહેલું આવ્યું અને સતત વરસાદ અને માવઠું પડવાથી ખેડૂતોના મગફળીના પાકને નુકસાન થયું હતું તો ખેતરોમાં વધુ વરસાદના કારણે સતત પાણી ભરાઈને પડી રહેવાથી ખેડૂતોએ મગફળીનું વાવેતર ટાળ્યું. ઉત્તર ગુજરાતમાં મગફળી પછી રાઈના અને બટાટાના પાક લેવાના કારણે ખેડૂતોએ મગફળીનું વાવેતર ઓછું કર્યું, ઉત્તર પૂર્વ ગુજરાતના ભાગમાં સોયાબીન અને કપાસના પાકના કારણે મગફળીનું વાવેતર ઓછું થયું. બાજી ખેડૂતોએ ખેતરોમાં સતત વરસાદના કારણે મગફળીના પાક બગડ્યો હતો તો ખેતરોમાં પાણીભેજ હોવાથી મગફળીના ઉત્પાદનમાં ઘટાડો થયો છે અને તેમના દ્વારા મગફળી સિવાયના પાકો વાવેતર કરવામાં આવ્યો છે. આ વર્ષે ખેડૂતોના મગફળીના વાવેતરમાં ઘટાડાના ઘણા કારણો સામે આવ્યા છે.