జైపూర్: చుక్కల దుప్పిని రక్షించిన గ్రామస్థులు

జైపూర్ మండలంలో చుక్కల దుప్పిని కుక్కలు తరుముతుండగా గ్రామస్థులు రక్షించి అటవీ అధికారులకు అప్పగించారు. ముదిగుంట గ్రామ నీలగిరి ప్లాంటేషన్ లో చుక్కల దుప్పిని కుక్కలు తరుముతుండగా వాటి నుంచి తప్పించుకునే క్రమంలో పరిగెడుతూ దుప్పి స్పృహ తప్పిపోయింది. గమనించిన గ్రామస్థులు కుక్కలను తరిమేసి ఆ దుప్పిని రక్షించారు. అటవీ శాఖ అధికారులకు సమాచారం అందించగా వారు దుప్పిని అటవీ ప్రాంతంలో వదిలేశారు.