రోడ్డు ప్రమాదంలో ఒక వ్యక్తి మృతి

ఏలూరు జిల్లా జంగారెడ్డిగూడెం మండలం వేగవరం సమీపంలో తల్లాడ , దేవరపల్లి జాతీయ రహదారిపై శనివారం ఉదయం రోడ్డు ప్రమాదం చోటుచేసుకుంది. ద్విచక్ర వాహనంపై వెళుతున్న ఇద్దరినిు లారీ ఢీకొనడంతో చుండ్రు దేవా (22) అనే వ్యక్తి ఘటనా స్థలంలో మృతి చెందాడు. మరొకరి పరిస్థితి విషమంగా ఉండటంతో జంగారెడ్డి గూడెం ఏరియా ఆసుపత్రికి చికిత్స నిమిత్త తరలించారు. జంగారెడ్డిగూడెం పోలీసులు కేసు నమోదు చేసి దర్యాప్తు చేస్తున్నారు.