Frog Found in Ice Cream Video: వేసవి కాలంలోనో లేదా కాస్త చల్లదనం కోసమో ఐస్‌క్రీమ్ తినడం అందరికీ ఇష్టమే.. ముఖ్యంగా చిన్న పిల్లల నుంచి పెద్దల వరకు పుల్ల ఐస్ (Ice Candy) అంటే ఎంతగానో ఇష్టపడి తింటూ ఉంటారు.. అయితే, ప్రస్తుతం సోషల్ మీడియాలో వైరల్ అవుతున్న ఒక వీడియో చూస్తే మాత్రం.. ఇకపై ఐస్‌క్రీమ్ తినే ముందు వంద సార్లు ఆలోచించాల్సిందే.. ఎందుకంటే ఒక వ్యక్తి ఎంతో ఇష్టంగా కొనుక్కున్న ఐస్‌క్రీమ్‌లో ఏకంగా ఒక చనిపోయిన కప్ప ప్రత్యక్షమైంది.. ఈ షాకింగ్ దృశ్యం ఇప్పుడు నెటిజన్లను తీవ్ర భయాందోళనలకు గురిచేస్తోంది. అయితే, దీనికి సంబంధించిన పూర్తి వివరాలు ఇప్పుడు మనం తెలుసుకుందాం..

తింటుండగా బయటపడ్డ కప్ప..
వైరల్ అవుతున్న వీడియో వివరాల్లోకి వెళితే... ఒక వ్యక్తి రోడ్డు పక్కన ఐస్‌క్రీమ్ కొనుక్కుని తింటున్నాడు. సగం ఐస్‌క్రీమ్ తిన్న తర్వాత.. అతనికి అందులో ఏదో తేడాగా అనిపించింది. రంగు మారి, వింతగా కనిపిస్తున్న ఆ భాగాన్ని గమనించగా.. అది మరేదో కాదు.. ఐస్‌క్రీమ్‌తో పాటే గడ్డకట్టుకుపోయిన ఒక చిన్న చనిపోయిన కప్ప అని తేలింది. అంతేకాకుండా మీరు కూడా ఈ వీడియో ఆ చనిపోయిన నల్ల కప్పను చూడొచ్చు..

దీంతో సదరు వ్యక్తి ఒక్కసారిగా ఆశ్చర్యానికి గురయ్యాడు.. వెంటనే ఆ ఐస్ పుల్లను అక్కడే ఉన్న స్థానికులకు చూపించాడు. ఐస్‌క్రీమ్ మధ్యలో కప్ప కాళ్లు, శరీరం స్పష్టంగా కనిపిస్తుండటంతో చుట్టుపక్కల వారు సైతం ఆశ్చర్యపోయిన్నట్లు తెలుస్తోంది.. ఇదేం ఘోరం.. ఇలాంటి ఐస్‌క్రీమ్‌లు తింటే ప్రాణాలు పోవాల్సిందేనా? అంటూ స్థానికులు ఆందోళన వ్యక్తం చేయడం వీడియోలో మీరు క్లియర్‌గా వినొచ్చు..

Hyderabad Free Breakfast: ఎందరికో ఆశ్రయాన్ని ఇవ్వడమే కాకుండా.. ఆకలితో అలమటించే వారికి ఇంత అన్నం పెట్టే సేవా నిలయంగా హైదరాబాద్ నిలవనుంది. అలాంటి ఒక గొప్ప సేవా దృక్పథంతో, గత కొంతకాలంగా నిరుపేదల ఆకలిని తీరుస్తోంది 'ఆహార్ సేవ' అనే స్వచ్ఛంద సంస్థ. ముఖ్యంగా కాచిగూడ రైల్వే స్టేషన్ సమీపంలో, ఎలాంటి విరామం లేకుండా సంవత్సరంలో 365 రోజులూ ఉచితంగా రుచికరమైన అల్పాహారాన్ని (టిఫిన్) అందిస్తూ ఈ సంస్థ నగర ప్రజల మన్ననలు పొందుతోంది.

ఈ అద్భుతమైన మహత్ కార్యానికి వ్యవస్థాపకుడు రంజన్ గాంధీ శ్రీకారం చుట్టారు. ప్రతిరోజూ ఉదయం 3 గంటల నుంచే వంటశాలలో టిఫిన్‌ల తయారీ ప్రారంభమవుతుంది. వర్షం పడినా, చలి వణికించినా, సెలవు రోజైనా ఈ సేవకు ఎటువంటి ఆటంకం కలగదు. సరిగ్గా ఉదయం 7:30 గంటలకల్లా పంపిణీ కేంద్రాల వద్దకు వేడివేడి ఆహారం చేరుకుంటుంది. నిరుపేదలు, రోజువారీ కూలీల కోసం ఇడ్లీ, బోండా, ఊతప్ప, ఉప్మా వంటి నాలుగు రకాల వైవిధ్యమైన, పోషకాలతో కూడిన టిఫిన్‌లను ఇక్కడ వడ్డిస్తారు.

ప్రస్తుతం ఈ సంస్థ తన సేవా పరిధిని కేవలం కాచిగూడకే పరిమితం చేయకుండా, హైదరాబాద్‌లోని మరో 5 నుంచి 6 కీలక ప్రాంతాలకు విస్తరించింది. నాంపల్లిలోని శ్యామ్ మందిర్ ఎదురుగా, నిలోఫర్ హాస్పిటల్ వద్ద, పబ్లిక్ గార్డెన్ సమీపంలో, నాంపల్లి సుభాన్ బేకరీ వద్ద, ఉస్మాన్‌గంజ్‌లోని బాలసదన్‌లో ఈ ఉచిత అల్పాహార కేంద్రాలు నడుస్తున్నాయి. వీటితో పాటు బేగంపేట్‌లోని దేవనార్ బ్లైండ్ స్కూల్, మలక్‌పేట్‌లోని డెఫ్ అండ్ డంబ్ పాఠశాలలకు కూడా సంస్థ నిత్యం అల్పాహారాన్ని సరఫరా చేస్తోంది.

ఇంత పెద్ద ఎత్తున ప్రతిరోజూ వేలాది మందికి నాణ్యమైన ఆహారాన్ని అందించడానికి రోజుకు సుమారు రూ.20,000 వరకు ఖర్చు అవుతుందని నిర్వాహకులు తెలిపారు. ఈ ఖర్చంతా పూర్తిగా మానవతావాదులు, దాతలు అందించే విరాళాల ద్వారానే సమకూరుతోంది. కేవలం అల్పాహారమే కాకుండా, అనాథాశ్రమాలు, ప్రత్యేక అవసరాలు గల పిల్లల పాఠశాలలకు కూడా ఆహార్ సేవ నిరంతరం తోడ్పాటునందిస్తోంది.

ఆకలి లేని సమాజ స్థాపనే ధ్యేయంగా రంజన్ గాంధీ నాయకత్వంలో సాగుతున్న "ఆహార్ సేవ" ప్రయాణం నిజంగా అభినందనీయం. ఆకలితో ఉన్న పేదవాడి ముఖంలో ఈ సంస్థ నింపుతున్న నవ్వులు ఎందరికో స్ఫూర్తిదాయకం. భవిష్యత్తులో ఇలాంటి మరిన్ని కేంద్రాలు ఏర్పాటై, మరింత మంది నిరుపేదలకు ఆకలి బాధలు తప్పాలని ఆశిద్దాం.

Nothing Phone 4b Launch Date In India: ప్రముఖ స్మార్ట్‌ఫోన్ తయారీ సంస్థ  నథింగ్ (Nothing) టెక్ తమ వినియోగదారులను ఆకర్షించడానికి ఎప్పుడూ ముందే ఉంటుంది. తన అద్భుతమైన ట్రాన్స్‌పరెంట్ డిజైన్‌తో మార్కెట్లో ప్రత్యేక గుర్తింపు తెచ్చుకుంది. ఇప్పుడు సరికొత్త డిజైన్‌తో మార్కెట్‌లోకి మరో అద్భుతమైన మొబైల్‌ను విడుదల చేసేందుకు సిద్ధమైన్నట్లు తెలుస్తోంది. దీనిని కంపెనీ నథింగ్ ఫోన్ 4b (Nothing Phone 4b) పేరుతో మార్కెట్‌లోకి మరో కొత్త స్మార్ట్‌ఫోన్‌ విడుదల చేయబోతోంది.. జూలై 7న భారత మార్కెట్లో గ్రాండ్‌గా విడుదల కానున్న ఈ స్మార్ట్‌ఫోన్ అఫీషియల్ డిజైన్ లుక్‌ను కంపెనీ తాజాగా రివీల్ చేయడం విశేషం.. ఈ కొత్త మొబైల్‌కు సంబంధించిన డిజైన్, ఫీచర్ల వివరాలు ఇప్పుడు తెలుసుకుందాం.

సిగ్నేచర్ ట్రాన్స్‌పరెంట్ లుక్..
Nothing ఫోన్ అనగానే అందరికీ గుర్తొచ్చేది.. దాని వెనుక భాగంలో ఉండే ట్రాన్స్‌పరెంట్ డిజైన్.. నథింగ్ ఫోన్ (4b)లో కూడా కంపెనీ తన సిగ్నేచర్ ట్రాన్స్‌పరెంట్ రియర్ ప్యానెల్‌ను కొనసాగించిన్నట్లు తెలుస్తోంది.. ఈసారి అద్భుతమైన బ్లూ కలర్ ఆప్షన్‌తో తీసుకు రాబోతున్నట్లు తెలుస్తోంది.. ఫోన్ వెనుక భాగంలో స్క్రూలతో పాటు ఇండస్ట్రియల్ యాక్సెంట్లు స్పష్టంగా కనిపిస్తూ ఉంటాయి. ఈ మొబైల్‌కు ప్రీమియంతో పాటు క్లాసీ లుక్‌ను అందిస్తుంది.. ఎక్కువ సమయం ఫోన్ వాడినా చేతికి సౌకర్యవంతంగా ఉండేలా సాఫ్ట్-టచ్ ఫినిషింగ్‌ను అందించారు..

మెరిసిపోయే గ్లిఫ్ బార్..
ఈ నథింగ్ ఫోన్ (4b) ఫోన్ వెనుక భాగంలో కెమెరా మాడ్యూల్ పక్కన అడ్డంగా (Horizontal) ఉండే గ్లిఫ్ లైటింగ్ బార్‌ను కూడా అందుబాటులోకి తీసుకు రాబోతున్నట్లు తెలుస్తోంది.. ఇది నథింగ్ బ్రాండ్ ప్రత్యేకతగా ఉండబోతోంది.. నోటిఫికేషన్లు, కాల్స్ వచ్చినప్పుడు ఈ గ్లిఫ్ లైట్లు మెరుస్తూ యూజర్లకు సరికొత్త అనుభూతిని అందించేందుకు ఎంతగానో సహాయపడుతుంది. కెమెరా సెటప్ విషయానికి వస్తే.. వెనుక భాగంలో ఎడమ వైపు పైభాగంలో ఓవల్ షేప్‌లో కెమెరాలను కూడా అందుబాటులోకి తీసుకు రాబోతోంది.. దీనితో పాటు ఎల్‌ఈడీ ఫ్లాష్, అదనపు సెన్సార్లను కూడా అందుబాటులో ఉంచారు..

బడ్జెట్ ధరలోనే B సిరీస్ ప్రారంభం..
నథింగ్ సంస్థ ఇప్పటివరకు ప్రీమియం సిరీస్‌తో పాటు బడ్జెట్ విభాగాల్లో a-సిరీస్ ఫోన్లను అందిస్తూ వచ్చింది. అయితే, ఈసారి మరింత మంది కస్టమర్లను ఆకర్శించేందుకు B సిరీస్‌ను పరిచయం చేయబోతున్నట్లు తెలుస్తోంది.. ఇది a-సిరీస్ కంటే తక్కువ ధరలో, అంటే సుమారు రూ.25,000 బడ్జెట్ ధరలో అందుబాటులోకి వచ్చే అవకాశం ఉందని మార్కెట్ వర్గాల అంచనా.. ఫ్లిప్‌కార్ట్ (Flipkart)లో దీనికి సంబంధించిన మైక్రోసైట్ కూడా లైవ్ అవ్వడం విశేషం..

AP Power Sector Notification 2026: ఆంధ్రప్రదేశ్‌లో ప్రభుత్వ ఉద్యోగం కోసం ఎదురుచూస్తున్న నిరుద్యోగ యువతకు కూటమి ప్రభుత్వం శుభవార్త చెప్పింది. రాష్ట్రంలోని విద్యుత్ రంగాన్ని బలోపేతం చేయడంతో పాటు యువతకు ఉపాధి కల్పించాలని నిర్ణయంతో ముఖ్యమంత్రి నారా చంద్రబాబు నాయుడు నేతృత్వంలోని ప్రభుత్వం 629 అసిస్టెంట్ ఎగ్జిక్యూటివ్ ఇంజనీర్ పోస్టుల భర్తీ ప్రక్రియను ప్రారంభించింది. ఈ మేరకు విద్యుత్ సంస్థలు అధికారికంగా నోటిఫికేషన్ విడుదల చేశాయి. 

రాష్ట్ర ఇంధన శాఖ మంత్రి గొట్టిపాటి రవికుమార్ ఈ విషయమై మాట్లాడుతూ.. "గత కొంతకాలంగా ఉద్యోగాల కోసం నిరీక్షిస్తున్న యువతకు ఇచ్చిన మాట నెరవేర్చుకున్నందుకు సంతోషంగా ఉంద"ని అన్నారు. రాబోయే రోజులు జాబ్ క్యాలెండర్ ద్వారా అత్యంత పారదర్శకంగా, ఎటువంటి అవినీతికి తావు లేకుండా ఉద్యోగాలను భర్తీ చేస్తామని ఆయన స్పష్టం చేశారు. 

విద్యుత్ శాఖలో ఖాళీల వివరాలు.. 
ఈ భార్తీ నియామక ప్రక్రియలో భాగంగా ఏపీ ట్రాన్స్‌కో, ఏపీ జెన్‌కో లతోపాటు వివిధ విద్యుత్ పంపిణీ సంస్థలలో (డిస్కమ్స్) ఖాళీలను భర్తీ చేయనున్నారు. మొత్తం 629 పోస్టులను విభజన చేసి వివిధ సంస్థలకు కేటాయించారు. ఏపీ ట్రాన్స్‌కోలో 200, ఏపీ జెన్‌కోలో 100, ఏపీఎస్పీడీసీఎల్‌లో 134, ఏపీసీపీడీసీఎల్‌లో 60, ఏపీఈపీడీసీఎల్‌లో 135 ఏఈఈ పోస్టులను భర్తీ చేయాలని నిర్ణయించారు. 

దరఖాస్తు తేదీలు
APSPDCL పరిధిలో దరఖాస్తులు: దక్షిణ ప్రాంత విద్యుత్ పంపిణీ సంస్థ (APSPDCL) పరిధిలోని పోస్టులకు అర్హులైన అభ్యర్థులు జూన్ 30 నుండి జూలై 27 వరకు ఆన్‌లైన్ ద్వారా దరఖాస్తు చేసుకోవచ్చు. ఈ రిక్రూట్‌మెంట్‌లో ఎలక్ట్రికల్, సివిల్, మెకానికల్, ఎలక్ట్రానిక్స్, టెలికాం విభాగాల ఇంజనీరింగ్ గ్రాడ్యుయేట్లకు పెద్ద పీట వేశారు. ఎలాంటి అక్రమాలకు తావులేకుండా పూర్తి పారదర్శక విధానంలో రిక్రూట్‌మెంట్ పరీక్షలు జరుగుతాయని ప్రభుత్వం భరోసా ఇచ్చింది.

ఆంధ్రప్రదేశ్ రాష్ట్ర పారిశ్రామిక, ఆర్థిక ప్రగతిలో విద్యుత్ రంగం అత్యంత కీలకమైనది. ఈ నియామకాల ద్వారా అటు విద్యుత్ సంస్థల పనితీరు మెరుగవడమే కాకుండా, వేలాది కుటుంబాల్లో సరికొత్త వెలుగులు నిండనున్నాయి. కొన్నేళ్లుగా లైబ్రరీలలో రాత్రింబవళ్లు కష్టపడుతున్న మధ్యతరగతి నిరుద్యోగ యువతకు ఇది ఒక సువర్ణావకాశం. అర్హులైన అభ్యర్థులందరూ పట్టుదలను ఆయుధంగా చేసుకుని తమ కలల ఉద్యోగాన్ని చేజిక్కించుకోవాలని ప్రభుత్వం ఆకాంక్షిస్తోంది.

తుంగభద్రలో మన నీటి వాటాకు తూట్లు పొడిచే పనికి రేవంత్ రెడ్డి మద్దతు ఇస్తున్నాడని తెలంగాణ రక్షణ సేన పార్టీ అధ్యక్షురాలు కవిత ఆరోపించారు. ఆర్డీఎస్ చుట్టూ కర్ణాటక చేపట్టే ప్రాజెక్టులతో తెలంగాణ నీటి హక్కును కోల్పోతామని ఆందోళన వ్యక్తం చేశారు. మన హక్కులను కాపాడాల్సిన రేవంత్‌ రెడ్డి కర్ణాటక దోపిడీకి వంత పాడుతున్నాడని ఆగ్రహం వ్యక్తం చేశారు. ఆర్డీఎస్ మీద నిర్మించి ప్రాజెక్టుల ప్రారంభోత్సవానికి తెలంగాణ ముఖ్యమంత్రిగా రేవంత్‌ రెడ్డి వెళ్లవద్దని సూచించారు.

తుంగభద్ర నీటి వ్యవహారాల్లో రేవంత్‌ రెడ్డి తెలంగాణకు ద్రోహం చేసేలా వ్యవహరిస్తుండడంతో మాజీ ఎమ్మెల్సీ కవిత స్పందిస్తూ వీడియో సందేశం విడుదల చేశారు. తుంగభద్ర జలాల్లో తెలంగాణ హక్కుల పరిరక్షణ కోసం కృషి చేయాలని రేవంత్‌ రెడ్డికి సూచించారు. కేంద్ర జల సంఘం వద్దకు అఖిలపక్షాన్ని తీసుకెళ్లి పోరాటం చేయాలని విజ్ఞప్తి చేశారు. ఉమ్మడి మహబూబ్‌నగర్, రంగారెడ్డి, నల్గొండ, ఖమ్మం జిల్లాలకు అన్యాయం చేయవద్దని కాంగ్రెస్‌ ప్రభుత్వానికి హితవు పలికారు.

'తెలంగాణ సాధించుకొని 12 ఏళ్లు గడిచిన తర్వాత కూడా మనం పూర్తిస్థాయిలో కృష్ణా, తుంగభద్రలో మన నీటిని వాడుకోలేదు. ఆర్డీఎస్ ప్రాజెక్ట్ నడిగడ్డను బతికించి ఉమ్మడి మహబూబ్‌నగర్‌కు ఉపయోగపడే ప్రాజెక్ట్. ఆర్డీఎస్‌లో మనకు 16 టీఎంసీల వాటా ఉంటే ఉమ్మడి రాష్ట్రంలో, తెలంగాణ వచ్చిన తర్వాత గానీ 6 టీఎంసీల కన్నా ఎక్కువ వాడుకోలేదు. మన నీటిని పూర్తిస్థాయిలో వాడుకునేందుకు ఆర్డీఎస్ చుట్టుపక్కల రిజర్వాయర్లను బలోపేతం చేయాల్సి ఉంది' అని మాజీ ఎమ్మెల్సీ కవిత గుర్తుచేశారు. దురదృష్టవశాత్తు రేవంత్ రెడ్డి సర్కార్ దాన్ని పట్టించుకోలేదని ఆగ్రహం వ్యక్తం చేశారు. దీంతో నడిగడ్డకు దశాబ్దాలుగా అన్యాయం జరుగుతూనే ఉందని ఆవేదన వ్యక్తం చేశారు. 

'తెలంగాణకు ఆర్డీఎస్‌లో 16 టీఎంసీలు వచ్చినట్లే ఏపీకి సుంకేశుల నుంచి 16 టీఎంసీల వాటా ఉంది. కానీ వాళ్లు దాన్ని 32 టీఎంసీలు చేసుకోని బీభత్సంగా నీటిని వాడుకుంటున్నారు. మనం మాత్రం ఆ పని చేయలేదు. మౌలిక సదుపాయాలు ప్రాజెక్టులు కట్టుకునేలోపే కర్ణాటక తుంగభద్ర మీద మూడు ప్రాజెక్టులు కడుతోంది. కురిడి, కల్పగల్ గ్రామాల్లో 2 టీఎంసీల సామర్థ్యం గల రిజర్వాయర్లు నిర్మిస్తోంది ఆర్డీఎస్‌కు  15 కిలోమీటర్‌ ఎగువన చిక్కాలపర్వి వద్ద 2.50 టీఎంసీల నిల్వ సామర్థ్యంతో బ్యారేజ్ నిర్మిస్తోంది. ఆర్డీఎస్‌కు  దిగువన రాయిచూరు జిల్లాలోని చిక్క మంచాల సమీపంలో 5 టీఎంసీల కెపాసిటీతో మరో బ్యారేజి నిర్మిస్తోంది. మొత్తంగా ఆర్డీఎస్‌కు ఎగువన, దిగువ 10 టీఎంసీల నీటిని వినియోగించుకునేలా కర్ణాటక ప్రాజెక్టులు చేపడుతోంది' అని కవిత వివరించారు.

'వాస్తవానికి కర్ణాటకకు ఆర్డీఎస్‌లో 1.20 టీఎంసీ వాటా నీళ్లు మాత్రమే ఉన్నాయి. కానీ పది టీఎంసీల నీళ్లు వినియోగించుకునే ప్రయత్న చేస్తోంది. అలాంటి కార్యక్రమానికి రేవంత్ రెడ్డి వెళ్లి చంద్రబాబు, డీకే శివకుమార్‌లను కూర్చొబెట్టుకుని తెలంగాణకు అన్యాయం చేస్తున్నాడు. కర్ణాటక ఈ ప్రాజెక్టులను పూర్తి చేస్తే తుంగభద్రలో మన వాటా హక్కును పర్మినెంట్‌గా కోల్పోతాం' అని కాంగ్రెస్‌ ప్రభుత్వానికి మాజీ ఎమ్మెల్సీ కవిత హెచ్చరించారు. 

'కాంగ్రెస్‌ పార్టీ మళ్లీ మీరు అధికారంలోకి రాదు. మేము అధికారంలోకి వచ్చిన తర్వాత ఈ అంశంపై చర్యలు తీసుకుంటే తెలంగాణ ముఖ్యమంత్రే మా ప్రాజెక్టులకు అంగీకారం తెలిపారని కర్ణాటక వాదిస్తుంది. రేవంత్‌ రెడ్డి చేసే ఈ పని నడిగడ్డ ప్రజలకు అతిపెద్ద గుదిబండగా మారుతుంది' అని మాజీ ఎమ్మెల్సీ కవిత తెలిపారు. కేంద్ర జల సంఘం దగ్గరకు అఖిలపక్షాన్ని తీసుకెళ్లాలని మరోమారు విజ్ఞప్తి చేశారు. అందరం కలిసి కేంద్రంతో మన నీటి వాటా హక్కుల కోసం పోరాడుదామని.. కృష్ణా, తుంగభద్రలో మన వాటాను కాపాడుకుందాం అని పిలుపునిచ్చారు. రాష్ట్రానికి శాశ్వతంగా తాగు, సాగు నీరు వచ్చేలా చేసుకుందామని సూచించారు.

Vivo T5x 5g Offer News: స్మార్ట్‌ఫోన్ ప్రియులకు ప్రముఖ ఈ-కామర్స్ కంపెనీ ఫ్లిప్‌కార్ట్ అదిరిపోయే శుభవార్త అందించింది. ప్రముఖ మొబైల్ బ్రాండ్  Vivo నుంచి మార్కెట్లోకి వచ్చిన ప్రీమియం ఫీచర్ల స్మార్ట్‌ఫోన్ Vivo T5x 5Gపై ప్రస్తుతం కళ్లు చెదిరే డిస్కౌంట్లు, బ్యాంక్ ఆఫర్లు లభిస్తున్నాయి. ఎన్నో అత్యాధునిక ఫీచర్లతో అందుబాటులో ఉన్న ఈ 5G ఫోన్‌ను సొంతం చేసుకోవడానికి ఇదే సరైన సమయమని టెక్ నిపుణులు చెబుతున్నారు. భారీ తగ్గింపుల కారణంగా ఈ ఫోన్ స్టాక్ వేగంగా అమ్ముడవుతోంది. అయితే, ఈ స్మార్ట్‌ఫోన్‌కి సంబంధించిన పూర్తి వివరాలు ఇప్పుడు మనం తెలుసుకుందాం..

ఏకంగా రూ.6,000 ఫ్లాట్ డిస్కౌంట్..
మార్కెట్లో Vivo T5x 5G స్మార్ట్‌ఫోన్ అసలు ధర (MRP) రూ.28,999 కాగా.. అయితే, ఫ్లిప్‌కార్ట్‌లో నడుస్తున్న ప్రత్యేక సేల్ ఆఫర్లలో భాగంగా ఈ ఫోన్‌పై ఏకంగా రూ.6,000 వరకు ఫ్లాట్ తగ్గింపు లభిస్తోంది.. ఈ మెగా డిస్కౌంట్ తర్వాత స్మార్ట్‌ఫోన్ ధర నేరుగా రూ.22,999కే సొంతం చేసుకోవచ్చు.. ఇది నేరుగా ఫ్లాట్‌ డిస్కౌంట్‌ ఆఫర్స్‌తో లభించడం విశేషం.. ఇవే కాకుండా దీనిపై ఫ్లిప్‌కార్ట్ దిమ్మతిరిగే అద్భుతమైన బ్యాంక్‌ క్రెడిట్ కార్డ్‌ ఆఫర్స్‌ను అందిస్తూ వస్తోంది. ఇందులో భాగంగా కొనుగోలు చేసేవారికి చాలా చీప్‌ ధరకే సొంతం చేసుకోవచ్చు.  

బోలెడు బ్యాంక్‌ ఆఫర్స్‌..
ఫ్లాట్ డిస్కౌంట్‌తో పాటు కస్టమర్లకు మరింత లాభం చేకూర్చేందుకు ఫ్లిప్‌కార్ట్ పలు క్రెడిట్ కార్డ్‌ ఆఫర్స్‌ కూడా అందిస్తూ వస్తోంది.. ఇందులో భాగంగా మీరు ఈ ఫోన్‌ను కొనుగోలు చేసేటప్పుడు ఫ్లిప్‌కార్ట్ యాక్సిస్ బ్యాంక్ (Flipkart Axis Bank) లేదా SBI బ్యాంక్ క్రెడిట్ కార్డ్‌లను ఉపయోగించి పేమెంట్ చేస్తే.. అదనంగా దాదాపు రూ.1,150 వరకు ఇన్స్టంట్ డిస్కౌంట్ పొందవచ్చు. దీనివల్ల ఫోన్ ధర మరింత తగ్గుతుంది.

కర్నూలు జిల్లాలో బంగారు గనులు..తమ గ్రామాలను బుగ్గిపాలు చేస్తున్నాయనీ అక్కడి ప్రజలు గగ్గోలు పెడుతున్నారు. జొన్నగిరిలోని గోల్డ్ మైన్స్ తవ్వకాలు ఒకరికి  మోదం..మరొకరికి ఖేదం అన్నట్లుగా వుంది. తమ పొలాల్లో బంగారు నిక్షేపాలున్నా..వాటి వల్ల తమకేమీ ఉపయోగం లేకపోగా..గనుల తవ్వకాల్లో కెమికల్స్ వాడకంతో భూగర్భ జలాలు కలుషితమవుతున్నాయని, వాటి వాడకం వల్ల తమకు చర్మసంబదిత రోగాలు వస్తున్నాయని వాపోతున్నారు.

కర్నూలు జిల్లా జొన్నగిరి గ్రామంలో భారీ బంగారు నిక్షేపాలను గుర్తించడమే కాకుండా, వెలికితీత పనులు కూడా అధికారికంగా ప్రారంభమయ్యాయి. స్వాతంత్ర్యం తర్వాత దేశంలోనే అతిపెద్ద ప్రైవేట్ రంగ బంగారు గనుల ప్రాజెక్ట్‌గా ఇది నిలవనుంది. జియోమైసూర్ సర్వీసెస్ ఇండియా ప్రైవేట్ లిమిటెడ్ సంస్థ రూ.400 కోట్లకు పైగా పెట్టుబడితో ఈ 'జొన్నగిరి గోల్డ్ ప్రాజెక్ట్‌'ను చేపట్టింది. సుమారు 598 హెక్టార్ల విస్తీర్ణంలో తవ్వకాలు జరుపుతున్నారు. ఒక్క జొన్నగిరిలోనే దాదాపు 50 టన్నుల బంగారు నిల్వలు ఉన్నాయని అంచనా. పూర్తిస్థాయిలో ఉత్పత్తి మొదలయ్యాక, రాబోయే 15 ఏళ్ల పాటు ఏటా 1000 కిలోల (ఒక టన్ను) శుద్ధి చేసిన బంగారాన్ని ఉత్పత్తి చేయవచ్చని అధికారులు అంచనా వేస్తున్నారు.

కర్నూలు జిల్లా తుగ్గలి మండలంలోని జొన్నగిరి, పగిడిరాయి, ఎర్రగుడి గ్రామాల పరిధి లో 1477 ఎకరాల్లో జియో మైసూర్ సర్వీసెస్ ఇండియా ప్రైవేటు లిమిటెడ్ సంస్థ తవ్వకాలకు అనుమతులు పొందింది. ఆ సంస్థకు పలు రాష్ట్రాల్లో 35 వేల చదరపు కిలోమీటర్ల విస్తీర్ణంలో ఖనిజాలు తవ్విన అనుభవం ఉంది. బంగారు గనులున్న జొన్నగిరి ప్రాంతంలోనే ఉత్పత్తికి అవసరమైన పరిశ్రమను 320 కోట్ల రూపాయలతో చేపట్టింది. 2006లోనే తవ్వకాలకు అనుమతులు పొందినప్పటికీ ఇక్కడ దొరికే బంగారం నాణ్యత, తవ్వకాలు లాభదాయకమా? కాదా? నిర్ధారించుకుని కర్మాగారం నిర్మించడానికి ఆ సంస్థకు ఏకంగా 19 ఏళ్లు పట్టింది.

ఒక మినీప్లాంట్‌లో ఖనిజం శుద్ధి చేసి, బంగారం నాణ్యత నిర్ధరించుకుంది. సంతృప్తికర ఫలితాలు రావడంతో పూర్తిస్థాయి ప్లాంట్ నిర్మించింది. జియో మైసూర్ సర్వీసెస్ సర్వే ప్రకారం ఈ ప్రాంతంలో కోటి టన్నుల బంగారం ఖనిజ నిల్వలు ఉన్నట్లు అంచనా. తూర్పు బ్లాక్‌లో భూమి అడుగున దాదాపు 180 మీటర్ల లోతులో 6.8 మిలియన్ టన్నుల బంగారు ఖనిజం ఉన్నట్లు గుర్తించింది. 2043 వరకు ఈ ప్రాంతంలో తవ్వకాలకు అనుమతి తీసుకోవడంతో పాటు ఆ తరువాత మరో 50 సంవత్సరాల పాటు వాటిని కొనసాగించడానికి కూడా ముందస్తు అనుమతులు పొందింది.

బంగారం, వెండి తదితర ఖనిజాల వెలికితీతలో అపార అనుభవమున్న జియో మైసూర్ సర్వీసెస్ ఇండియా ప్రైవేట్ లిమిటెడ్ ఈ కర్మాగారాన్ని ఏర్పాటు చేసింది. కొన్నేళ్లుగా ప్రారంభానికి నోచుకోని ఈ కర్మాగారాన్ని పట్టా లెక్కించడానికి ప్రభుత్వం చర్యలు చేపట్టి, ఎట్టకేలకు ముఖ్యమంత్రి చంద్రబాబు కర్మాగారం ప్రారంభించారు. ఇక్కడ మొదటి ఏడాది 600 కిలోలు, మరుసటి ఏడాది 1500 కిలోలు బంగారాన్ని ఇక్కడ ఉత్పత్తి చేయనున్నారు. ఇంత పెద్ద బంగారు పరిశ్రమ ఏర్పాటు వల్ల తమకు ఉపాధి లభిస్తుందని ఇక్కడి వారు ఆశపడ్డారు. కానీ పరపతి,సిఫారసు లేనిదే పరిశ్రమలో ఉపాధి కూడా దొరకడం లేదని ఆందోళన చెందుతున్నారు.

శ్రీకృష్ణదేవరాయల కాలంలో రాయలసీమలో రతనాలు రాశులుగా పోసి అమ్మేవారని పెద్దలు చెబుతుంటారు. ఇప్పటికే జొన్నగిరి పరిసర ప్రాంతాల్లో తొలకరి వర్షాలు కురుస్తే బీడు భూముల్లో వజ్రాలు దొరుకుతుంటాయి. వీటికోసం ప్రజలు రోజూ ఉదయమే పొలాల వెంట అన్వేషణ చేస్తుంటారు. అలాంటి జొన్నగిరి ప్రాంతంలో బంగారు ఖనిజాలు కూడా లభ్యమవడం విశేషం. జొన్నగిరి ఇక స్వర్ణగిరిగా మారుతున్నందుకు తమకు చాలా సంతోషంగా ఉన్నా..బంగారం కోసం చేస్తున్న మైనింగ్ వల్ల తమ గ్రామాలు, ప్రజల ఆరోగ్యాలు దెబ్బ తింటున్నాయని స్థానికులు అభిప్రాయ పడుతున్నారు. తాగు నీటి సమస్య కూడా తీవ్రమైందని, డబ్బులు పెట్టీ నీళ్లు కొనాల్సిన పరిస్థితి వచ్చిందని పరిసర గ్రామాల ప్రజలు ఆవేదన వ్యక్తం చేస్తున్నారు.

దాదాపు 1500 ఎకరాలు రైతుల వద్ద భూములను కొని, మరి కొందరి వద్ద లీజుకు తీసుకుని తవ్వకాలు చేస్తున్నారు. ఇక్కడ గోల్డ్ మైనింగ్ చేయడం వల్ల ఈ ప్రాంత ప్రజలకు మేలు జరుగుతుందని అందరూ అనుకున్నారు. కానీ క్షేత్ర స్థాయిలో ఇక్కడి ప్రజల పరిస్థితి మరోలా కనిపిస్తోంది.  జొన్నగిరి బంగారు గని కార్పొరేట్ కంపెనీలకు ఉపయోగ పడుతుంది తప్ప, సామాన్య ప్రజలకు ఏవిధమైన లాభం లేదని అంటున్నారు.

కోరిన కోరికలు తీర్చే కొంగు బొంగారంగా.. ఇల వైకుంఠంగా ప్రఖ్యాతిగాంచిన తిరుమల వెంకటేశ్వర స్వామి ఆలయానికి భక్తుల రద్దీ కొనసాగుతోంది. వేసవి సెలవులు ముగిసిన అనంతరం మొన్నటి దాకా భారీ ఎత్తున భక్తులు ఉండగా.. ఇప్పుడు కొంత రద్దీ తగ్గింది. కానీ సాధారణం కన్నా అధికంగానే భక్తుల రద్దీ కొనసాగుతుండగా.. పలువురు ప్రముఖులు కూడా దర్శించుకున్నారు. గురువారం స్వామిని దర్శించుకునేందుకు సినీ నటుడు నాని, కర్ణాటక మంత్రి, ఇతర ప్రముఖులు వచ్చారు.

తెలుగు సినీ నటుడు నాని తన కుటుంబసభ్యులతో కలిసి తిరుమల శ్రీవారిని దర్శించుకున్నారు. గురువారం ఉదయం వీఐపీ బ్రేక్‌ దర్శనంలో ఆలయంలోకి వచ్చిన ఆయన శ్రీవారిని దర్శించుకుని మొక్కులు తీర్చుకున్నారు. వారికి ఆలయ అధికారులు ప్రత్యేక దర్శనం చేయించారు. దర్శనం అనంతరం రంగనాయకుల మండపంలో వేద పండితులు ఆశీర్వచనం అందించారు. ఆలయ అధికారులు తీర్థ ప్రసాదాలు అందజేశారు. స్వామివారి దర్శనం అనంతరం నాని కుటుంబసభ్యులు మాట్లాడుతూ స్వామి వారి దర్శనం బాగా జరిగిందని తెలిపారు. ఇక నానిని చూసేందుకు అతడి అభిమానులు ఎగబడ్డారు. కొందరు ఫొటోలు తీసుకునేందుకు ప్రయత్నించారు.

ఇక కర్ణాటక రాష్ట్ర మంత్రి రామలింగారెడ్డి, జాతీయ ఎస్టీ కమిషన్ సభ్యుడు జాటోతు హుస్సేన్ నాయక్ తిరుమల శ్రీవారిని దర్శించుకుని ప్రత్యేక పూజల్లో పాల్గొన్నారు. అనంతరం ఆలయ అధికారులు వారికి వేద ఆశీర్వచనం అందించి.. తీర్థ ప్రసాదాలు, శ్రీవారి చిత్రపటాన్ని బహూకరించారు.

భక్తుల రద్దీ
తిరుమలలో భక్తుల రద్దీ సాధారణంతో పోలిస్తే అధికంగానే ఉంది. వైకుంఠంలోని వేచి ఉన్న 31 కంపార్ట్మెంట్లు వరకు క్యూలైన్లలో భక్తులు వేచి ఉన్నారు. ఉచిత సర్వదర్శనానికి సుమారు 12 గంటల సమయం పడుతోంది. టోకెన్‌ పొందిన టైమ్ స్లాట్ (ఎస్‌ఎస్‌డీ) దర్శనానికి 12 గంటలు సమయం పడుతుండగా.. రూ.300 ప్రత్యేక ప్రవేశ దర్శనానికి సుమారు 3-5 గంటల సమయం పడుతోందని టీటీడీ అధికారులు తెలిపారు. నిన్న 24వ తేదీన 70,139 మంది భక్తులు స్వామివారిని దర్శించుకున్నారు. 34,940 మంది భక్తులు స్వామివారికి తలనీలాలు సమర్పించారు. స్వామివారి హుండీ ఆదాయం రూ.4.63 కోట్లు లభించిందని టీటీడీ అధికారులు వెల్లడించారు.

VW 32 inch Smart TV 2025 Edition Flipkart Offer: డిజిటల్ కాలంలో ప్రతి ఇంట్లోనూ ఒక మంచి స్మార్ట్ టీవీ ఉండటం సర్వసాధారణం అయిపోయింది. అయితే, బడ్జెట్ ధరలో ప్రీమియం ఫీచర్లు ఉన్న టీవీని కొనుగోలు చేయడం అనేది కాస్త కష్టమైన పనే.. అలాంటి వారికోసం ప్రముఖ ఈ-కామర్స్ దిగ్గజం ఫ్లిప్‌కార్ట్ ఒక అదిరిపోయే సువర్ణావకాశాన్ని అందిస్తోంది.. విసియో వరల్డ్ (VW) బ్రాండ్‌కు సంబంధించిన VW NA 80 cm (32 inch) HD Ready LED TV 2025 Edition (VW32A) స్మార్ట్‌టీవీపై ఊహించని రేంజ్‌లో భారీ డిస్కౌంట్లు, ఆఫర్లు అందుబాటులో ఉన్నాయి.. అయితే, దీనిపై లభిస్తున్న ఆఫర్స్‌ ఏంటో పూర్తి వివరాలు ఇప్పుడు తెలుసుకుందాం.

రూ.12,999 టీవీ ఇప్పుడు రూ.7,699 లకే..
సాధారణంగా ఈ వీడబ్ల్యూ (VW) 32 అంగుళాల 2025 ఎడిషన్ స్మార్ట్ టీవీ అసలు ధర (MRP) రూ. 12,999తో అందుబాటులో ఉంది.. కానీ ప్రస్తుతం ఫ్లిప్‌కార్ట్‌లో నడుస్తున్న స్పెషల్ సేల్ ఆఫర్స్‌లో భాగంగా ఈ టీవీపై ఏకంగా రూ.5,300 వరకు ఫ్లాట్ డిస్కౌంట్‌ లభిస్తోంది.. ఈ బంపర్ డిస్కౌంట్ కారణంగా కస్టమర్లు ఈ సరికొత్త స్మార్ట్ టీవీని కేవలం రూ.7,699 లోపే సొంతం చేసుకునే అద్భుతమైన అవకాశం అందుబాటులో ఉండడం విశేషం..

బ్యాంక్ ఆఫర్ల వివరాలు ఇవే..
ఫ్లాట్ డిస్కౌంట్ మాత్రమే కాకుండా..ఈ టీవీని ఇప్పుడే కొనుగోలు చేయాలనుకుంటున్నవారికి మరింత ఆకర్షించడానికి అదనపు బ్యాంక్ ఆఫర్లను కూడా ఫ్లిప్‌కార్ట్ అందిస్తూ వస్తోంది.. ఈ టీవీని కొనుగోలు చేసే సమయంలో మీరు యాక్సిస్ బ్యాంక్ (Axis Bank) క్రెడిట్ కార్డ్‌ ఉపయోగించి పేమెంట్ చేస్తే దాదాపు.. దాదాపు రూ.385 వరకు అదనపు ఇన్స్టంట్ తగ్గింపు లభిస్తుంది. దీనితో టీవీ ధర మరింత తగ్గుతుంది.

కేవలం రూ.5,000 లోపే మీ ఇంటికి..
ఈ డీల్‌లో అన్నిటికంటే హైలైట్ ఏమిటంటే.. భారీ ఎక్స్చేంజ్ ఆఫర్ అందుబాటులో ఉండటం.. మీ ఇంట్లో ఉన్న పాత వర్కింగ్ కండిషన్ టీవీని ఎక్స్చేంజ్ చేస్తే.. దాదాపు రూ. 2,090 వరకు అదనపు ఎక్స్చేంజ్ బోనస్ లభిస్తోంది.. ఈ ఎక్స్చేంజ్ ఆఫర్‌ను పూర్తిగా వినియోగించుకుంటే.. ఈ సరికొత్త 2025 ఎడిషన్ స్మార్ట్ టీవీని కస్టమర్లు నెట్ ఎఫెక్టివ్ ధర రూ. 5,000 లోపే పొందవచ్చు.. అయితే, ఈ ఎక్స్చేంజ్ బోనస్ అనేది మీరు ఎక్స్చేంజ్ చేసే పాత స్మార్ట్‌టీవీ మోడల్‌తో పాటు దాని కండీషన్‌పై పూర్తిగా ఆధారపడి ఉంటుంది. పాత టీవీ కండిషన్ బాగుంటే గరిష్ట తగ్గింపు లభిస్తుంది.

Redmi K90 Ultra to Launch: ప్రముఖ చైనీస్ స్మార్ట్‌ఫోన్ కంపెనీ షావోమి (Xiaomi) సబ్-బ్రాండ్ అయిన  రెడ్‌మి (Redmi) గ్లోబల్ మార్కెట్లో సరికొత్త స్మార్ట్‌ఫోన్‌ను విడుదల చేసేందుకు సిద్ధమైంది.. మొబైల్ ప్రియులు ఎంతగానో ఎదురుచూస్తున్న తమ ఫ్లాగ్‌షిప్ స్మార్ట్‌ఫోన్  రెడ్‌మి K90 అల్ట్రా (Redmi K90 Ultra) విడుదలకు ఖరారైంది. వచ్చే వారం చైనా మార్కెట్లో ఈ ఫోన్‌ను గ్రాండ్‌గా లాంచ్ చేయబోతున్నట్లు సంస్థ అధికారికంగా ప్రకటించింది. మైక్రోబ్లాగింగ్ ప్లాట్‌ఫారమ్  వైబో (Weibo) ద్వారా రెడ్‌మి ఈ సమాచారాన్ని వెల్లడించింది.. జూన్ 30వ తేదిన విడుదల చేయబోతున్నట్లు తెలిపింది..

స్నాప్‌డ్రాగన్ 8 ఎలైట్ ప్రాసెసర్‌..
Redmi K90 Ultra స్మార్ట్‌ఫోన్ క్వాల్కమ్ (Qualcomm)కు చెందిన అత్యంత శక్తివంతమైన స్నాప్‌డ్రాగన్ 8 ఎలైట్ (Snapdragon 8 Elite) చిప్‌సెట్‌తో మార్కెట్‌లోకి విడుదల కాబోతోంది.. హెవీ గేమింగ్‌తో పాటు మల్టీ టాస్కింగ్ కోసం ఈ ప్రాసెసర్ అద్భుతంగా పనిచేస్తుందని కంపెనీ క్లైమ్‌ చేస్తోంది.. గేమింగ్ ఆడే సమయంలో ఫోన్ వేడెక్కకుండా ఉండేందుకు ఇందులో సరికొత్త అప్‌గ్రేడెడ్ థర్మల్ మేనేజ్‌మెంట్ సొల్యూషన్‌ను కూడా అందిస్తోంది.. ఫోన్‌ను కూల్‌గా ఉంచేందుకు ఇందులో యాక్టివ్ కూలింగ్ సిస్టమ్ (కూలింగ్ ఫ్యాన్) కూడా ఉండే అవకాశాలు ఉన్నట్లు తెలుస్తోంది..

అద్భుతమైన డిస్‌ప్లే.. 
ఈ స్మార్ట్‌ఫోన్ లుక్‌తో పాటు డిజైన్ పరంగా చాలా క్లాసీగా ఉండబోతున్నట్లు తెలుస్తోంది.. కంపెనీ ఇప్పటికే దీనికి సంబంధించిన సిల్వర్ కలర్ వేరియంట్‌ను రివీల్ చేసిన సంగతి తెలిసిందే.. ఫోన్ వెనుక భాగంలో పెద్ద హారిజాంటల్ కెమెరా మాడ్యూల్‌ను అందుబాటులోకి తీసుకు రాబోతున్నట్లు తెలుస్తోంది.. ఇది చూడటానికి ఇటీవల మార్కెట్లోకి వచ్చిన రెడ్‌మి K90 మ్యాక్స్ (Redmi K90 Max) మోడల్‌ను పోలి ఉంటుందని తెలుస్తోంది. ఇక డిస్‌ప్లే విషయానికొస్తే.. ఇందులో 165Hz రిఫ్రెష్ రేట్‌తో కూడిన 6.59-ఇంచుల 1.5K LTPS OLED డిస్‌ప్లే ఉండే అవకాశం ఉందని లీక్‌ అయిన వివరాలు చెబుతున్నాయి.

సూపర్ ఫాస్ట్ ఛార్జింగ్..
రెడ్‌మి K90 అల్ట్రా (Redmi K90 Ultra) స్మార్ట్‌ఫోన్ చైనాకు చెందిన 3C సర్టిఫికేషన్ ప్లాట్‌ఫారమ్‌లో లిస్ట్ అయిన్నట్లు కూడా తెలుస్తోంది.. దీని ప్రకారం.. ఈ ఫోన్ 100W ఫాస్ట్ ఛార్జింగ్ సపోర్ట్‌తో అందుబాటులోకి రాబోతోంది.. దీనివల్ల నిమిషాల వ్యవధిలోనే బ్యాటరీ ఫుల్ అవుతుందని సమాచారం. అలాగే వినియోగదారుల సెక్యూరిటీని దృష్టిలో పెట్టుకుని.. ఇందులో సరికొత్త అల్ట్రాసోనిక్ ఫింగర్‌ప్రింట్ స్కానర్ (Ultrasonic Fingerprint Scanner)ను అందుబాటులోకి తీసుకు వచ్చింది.

Gold Rate: బంగారం ధరలు ఎవరూ ఊహించని స్థాయిలో భారీగా తగ్గుముఖం పడుతున్నాయి. గడిచిన మూడు నాలుగు రోజులుగా గమనించినట్లయితే ధరలు అంతర్జాతీయ మార్కెట్లో భారీగా తగ్గుతున్నట్లు మనం గమనించవచ్చు. ప్రస్తుతం ఒక ఔన్స్ బంగారం ధర న్యూయార్క్ కమోడిటీ ఎక్స్చేంజ్ లో 4100డాలర్ల దిగువకు పడిపోయింది. ప్రస్తుతం దేశీయ మార్కెట్లో గమనిస్తే 24 క్యారెట్ల 10 గ్రాముల బంగారం ధర 1,44లక్షల వద్ద కొనసాగుతోంది. ఒకే నెలలో సుమారు 6 శాతం వరకు బంగారం ధర తగ్గినట్లు మనము గమనించవచ్చు.  జూన్ నెలలో బంగారం ధర గరిష్టంగా 1. 55 లక్షల రూపాయల వరకు పెరిగింది. అంటే ఒకే నెలలో సుమారు 10వేల రూపాయల వరకు తగ్గినట్లు మనం గమనించవచ్చు.

 అయితే బంగారం ధరలు తగ్గడానికి ప్రధాన కారణం అమెరికా ఇరాన్ మధ్య కుదిరిన శాంతి ఒప్పందం అని చెప్పాలి. దీనికి తోడు డాలర్ విలువ పెరగడం కూడా బంగారం ధరలు తగ్గుముఖం పట్టేందుకు ప్రధాన కారణంగా నిపుణులు పేర్కొంటున్నారు.  అన్నిటికంటే ప్రధానమైనది బంగారం దగ్గర తగ్గడానికి ఫెడరల్ రిజర్వ్ వడ్డీరేట్లు భవిష్యత్తులో భారీగా పెంచుతుంది అన్న వార్తలు వస్తున్నాయి.  ఇవి కూడా ఇన్వెస్టర్లను బంగారం నుంచి బయటకు వచ్చేందుకు దోహదం చేస్తున్నాయని చెప్పవచ్చు.  

సాధారణంగా బంగారం ధర అనేది ఎక్కువగా డాలర్ విలువపై ఆధారపడి ఉంటుంది.  ఎప్పుడైతే డాలర్ విలువ పడిపోతుందో అప్పుడు బంగారం ధర భారీగా పెరుగుతుంది. ఎందుకంటే పెట్టుబడిదారులు తమ పెట్టుబడులను అమెరికా జారీ చేసే ట్రెజరీ బాండ్ల నుంచి బయటకు తీసి బంగారంలో పెట్టుబడి పెడుతుంటారు. ఎప్పుడైతే అమెరికా డాలర్ విలువ పెరుగుతుందో అప్పుడు ధర బంగారం ధర మళ్ళీ తగ్గుముఖం పడుతుంది. 

ఎందుకంటే అమెరికా డాలర్ బలపడితే.. అమెరికా జారీ చేసే ట్రెజరీ బాండ్లపై వచ్చే రాబడి కూడా పెరుగుతుంది.  అప్పుడు ఇన్వెస్టర్లు తమ పెట్టుబడులను బంగారం నుంచి తీసి ట్రెజరీ బాండ్లలో ఇన్వెస్ట్ చేసేందుకు ఆసక్తి చూపిస్తుంటారు. ఈ కారణంగా కూడా బంగారం ధరలు హెచ్చుతగ్గులకు లోన్ అవుతున్నాయని నిపుణులు చెబుతున్నారు. ఇక గ్లోబల్ మార్కెట్లో క్రూడాయిల్ ధరలు కూడా భారీగా తగ్గడం కూడా  బంగారం పైన ప్రభావం చూపుతోందని చెప్పాలి.  దీనికి తోడు జూలైలో బంగారం ధరలు తగ్గుతాయా లేదా అనే అంశంపై ప్రస్తుతం చర్చ నడుస్తుంది.

 అయితే అమెరికా విడుదల చేసే కీలకమైన ఆర్థిక డేటా పర్సనల్ కాన్సెప్షన్ ఎక్స్పెండిచర్ల నివేదికలో సానుకూలంగా వచ్చినట్లయితే బంగారంపై ఒత్తిడి పెరిగి ధరలు మరింత తగ్గే ఛాన్స్ ఉంటుంది. అంతర్జాతీయ మార్కెట్లో ప్రస్తుతం టెక్నికల్ గా చూస్తే బంగారం ధర 450డాలర్లుగా ఉంది. జూలై నెలలో ఈ స్థాయి వద్ద బంగారానికి బలమైన సపోర్టు లభించే ఛాన్స్ కనిపిస్తుంది. అందుకే ధరలు జూలై నెలలో భారీగా తగ్గడం అంత సులభం కాదని నిపుణులు కూడా చెబుతున్నారు. ఆనంద్ రాఠి సంస్థ విడుదల చేసిన కమ్యూనిటీ నివేదిక ప్రకారము ప్రస్తుతం వచ్చినటువంటి ఈ కరెక్షన్ తాత్కాలికం మాత్రమే అని దీర్ఘకాలిక ట్రేడ్ ఇంకా బలంగానే ఉంటుందని.. బంగారం ధరలో మళ్లీ వేగం పంచుకునే అవకాశం ఉంటుందని అంచనా వేశారు.

Venus Transit Effect On Zodiac Latest News: జ్యోతిష్య శాస్త్రంలో అత్యంత శుభప్రదమైన గ్రహాలుగా భావించే శుక్రుడు అతి త్వరలోనే ఒక అరుదైన సంచారం చేయబోతున్నాడు. ఒకే రోజు శుక్ర గ్రహం రాశితో పాటు నక్షత్ర సంచారం చేయబోతోంది.  జ్యోతిష్య నిపుణుల అభిప్రాయం ప్రకారం.. శుక్రుడి ఈ అరుదైన గ్రహ చలనం కారణంగా కొన్ని రాశుల వారి జీవితాల్లో ఊహించని సానుకూల మార్పులు రాబోతున్నాయని జ్యోతిష్యులు తెలుపుతున్నారు. ముఖ్యంగా ఈ సమయంలో 5 రాశులవారికి ఈ సమయం ఎంతో లాభదాయకంగా ఉంటుంది. కోరుకున్న కొరికలు నెరవేరడమే కాకుండా అనుకున్న పనుల్లో అద్భుతమైన విజయాలు సాధించే అవకాశాలు కనిపిస్తున్నాయి. అయితే, ఈ సమయంలో ఏయే రాశులవారికి అద్భుతమైన లాభాలు కలుగుతాయో ఇప్పుడు మనం తెలుసుకుందాం. 

సుఖసంతోషాలు, ప్రేమ, ఐశ్వర్యం, శృంగారం, విలాసవంతమైన జీవితానికి కారకుడైన శుక్రుడి ఈ డబుల్ ట్రాన్సిట్ వల్ల ఆయా రాశుల వారి ఆర్థిక స్థితి, ప్రేమ జీవితం, దాంపత్య బంధం, కెరీర్, సామాజిక గౌరవం విపరీతంగా పెరుగుతాయని జ్యోతిష్యులు తెలుపుతున్నారు. ముఖ్యంగా జీవితంలో అద్భుతం జరుగుతుంది..

ఈ క్రింది రాశులవారికి బంపర్ జాక్‌ఫాట్:
1. వృషభ రాశి (Taurus):
శుక్రుడి శుభ ప్రభావంతో వృషభ రాశి వారికి ఆర్థికంగా భారీ పురోగతి లభిస్తుందని జ్యోతిష్యులు తెలుపుతున్నారు. ముఖ్యంగా చాలా కాలంగా నిలిచిపోయిన పనులు ఎట్టకేలకు పూర్తవుతాయి.. వ్యాపారస్తులకు సరికొత్త అవకాశాలు తలుపుతట్టే సూచనలు కనిపిస్తున్నాయి. కుటుంబంలో సుఖశాంతులు ఊహించని స్థాయిలో పెరుగుతాయి..

2. మిథున రాశి (Gemini):
ఉద్యోగ, వ్యాపార రంగాల్లో ఉన్న మిథున రాశి వారికి ఈ సమయం ఎంతో అనుకూలంగా ఉండబోతోందని జ్యోతిష్యులు తెలుపుతున్నారు. నూతన ఆదాయ వనరులు లభించడమే కాకుండా.. ఆర్థిక పరిస్థితులు ఊహించని స్థాయిలో మెరుగుపడే సూచనలు కనిపిస్తున్నాయి. ప్రేమికుల మధ్య బంధం మరింత బలపడే అవకాశాలు కూడా ఉన్నాయి..

3. సింహ రాశి (Leo):
సమాజంలో సింహ రాశి వారి గౌరవ ప్రతిష్టలు పెరుగుతాయి. కార్యాలయంలో కీర్తి ప్రతిష్టలతో పాటు ఉన్నతాధికారుల పూర్తి సపోర్ట్ కూడా అద్భుతంగా పెరుగుతుంది.. గతంలో చేసిన పెట్టుబడుల నుంచి ఊహించని లాభాలు వచ్చే అవకాశాలు కూడా కనిపిస్తున్నాయి. అంతేకాకుండా ఆరోగ్యం కూడా మెరుగుపడుతుంది.

4. తులా రాశి (Libra):
తులా రాశికి అధిపతి శుక్రుడే కావడం వల్ల ఈ రాశి వారికి ఈ సమయం అత్యంత అదృష్టాన్ని అందిస్తుందని జ్యోతిష్యులు తెలుపుతున్నారు.. దాంపత్య జీవితంలో ఆనందం విపరీతంగా పెరుగుతుంది.. కొత్త ఇల్లు, భూమి లేదా వాహనం కొనుగోలు చేసే అవకాశాలు కూడా కనిపిస్తున్నాయని జ్యోతిష్యులు తెలుపుతున్నారు.

5. మీన రాశి (Pisces):
మీన రాశి వారికి ఈ సమయంలో అదృష్టం పూర్తిగా ఊహించని స్థాయిలో పెరుగుతుంది.. ఆర్థికంగా పురోగతి సాధించడంతో పాటు.. ఉద్యోగస్తులకు ప్రమోషన్ లేదా అదనపు బాధ్యతలు దక్కే అవకాశం ఉందని జ్యోతిష్యులు తెలుపుతున్నారు. సమాజంలో మంచి గుర్తింపు కూడా లభిస్తుందని జ్యోతిష్యులు తెలుపుతున్నారు. 

Rahu Ketu Transit Effect On Zodiac: మానవ జీవితంలో నవగ్రహాల స్థానాలకు, వాటి సంచారానికి అత్యంత ప్రాధాన్యత ఉంటుంది.. జాతకంలో గ్రహాల స్థితి బాగుంటే సామాన్యుడు కూడా రాత్రికి రాత్రే అపర కుబేరుడు కాగలడని జ్యోతిష్య శాస్త్రం చెబుతూ వస్తోంది.. ముఖ్యంగా  ఛాయా గ్రహాలుగా పిలిచే.. రాహువు, కేతువుల ప్రభావం మానవ జీవితాలపై చాలా ఎక్కువగా ఉంటుందని జ్యోతిష్య శాస్త్రం చెబుతోంది.. ఈ క్రమంలోనే త్వరలోనే జరగబోయే రాహు-కేతువుల మహా సంచారం కారణంగా మొత్తం 12 రాశుల వారి జీవితాల్లో కీలక మార్పులు చోటుచేసుకోనున్నాయని జ్యోతిష్య శాస్త్ర నిపుణులు తెలుపుతున్నారు.. అయితే, ప్రత్యేకంగా ఐదు రాశుల వారికి ఈ ఊహించని అదృష్టంతో పాటు ఆర్థిక పురోగతి, అఖండ విజయాలు చేకూరుతాయని జ్యోతిష్యులు తెలుపుతున్నారు..

డిసెంబర్ 5న మహా అద్భుతం..
జ్యోతిష్య శాస్త్రం ప్రకారం.. రాహు-కేతువులు ఎల్లప్పుడూ వక్ర మార్గంలో ఒక గ్రహం నుంచి ఇతర గ్రహంలోకి ప్రయాణం చేస్తూ ఉంటాయి.. ప్రతి 18 నెలలకు ఒకసారి రాశి మారుతుంటారు. రాబోయే డిసెంబర్ 5వ తేదీన రాహువు కుంభ రాశి నుంచి మకర రాశిలోకి ప్రవేశించనుండగా.. అదే రోజున కేతువు సింహ రాశి నుంచి కర్కాటక రాశిలోకి సంచారం చేయబోతోంది.. ఈ మార్పు వల్ల కింది ఐదు రాశుల వారు విశేష ప్రయోజనాలు కలుగుతాయని జ్యోతిష్యులు తెలుపుతున్నారు.

ఈ రాశులవారికి బంపర్‌ లాభాలు:
1.మేష రాశి (Aries) 
రాహువు ఈ సమయంలో కర్మ స్థానంలోకి సంచారం చేయబోతున్నాడు. కాబట్టి ఈ సమయంలో వృత్తితో పాటు ఉద్యోగ రంగాల్లో అపారమైన విజయాలు సాధించే అవకాశాలు కనిపిస్తున్నాయి. అంతేకాకుండా వీరికి  కీర్తి ప్రతిష్టలు, సమాజంలో ప్రభావం పెరుగుతాయి. ఉన్నత పదవులు లభించే అవకాశాలు మెండుగా ఉన్నాయని జ్యోతిష్యులు తెలుపుతున్నారు. అంతేకాకుండా ప్రభుత్వ ఉద్యోగాలు, రాజకీయాలు లేదా మేనేజ్‌మెంట్ రంగాల్లో ఉన్నవారికి ఇది సువర్ణ కాలంగా మారబోతోందని జ్యోతిష్యులు చెబుతున్నారు. వీరికి ఈ సమయంలో నిలిచిపోయిన ప్రాజెక్టులు వేగంగా పూర్తవుతాయి.

2. వృషభ రాశి (Taurus) 
వృషభ రాశి వారికి రాహువు తొమ్మిదవ స్థానంలో ప్రవేశించబోతున్నాడు. అలాగే కేతువు మూడో స్థానంలో ఉంటాడని జ్యోతిష్యులు తెలుపుతున్నారు. ఈ గ్రహాల అనుకూలత వల్ల పెండింగ్‌లో ఉన్న పనులన్నీ వేగంగా, ఎంతో సులభంగా పూర్తవుతాయి.. ఉన్నత చదువులు చదవాలనుకునే వారికి, విదేశీ ప్రయాణాలు చేయాలనుకునే వారికి ఈ సమయం చాలా శుభప్రదంగా ఉంటుంది. వ్యాపారాన్ని విస్తరించాలనుకునే వారికి ఈ సమయం ఎంతో అనుకూలంగా ఉంటుంది.. ఉద్యోగస్తులకు పెద్ద ఎత్తున పదోన్నతులు లభించే అవకాశాలు ఉన్నాయి..

3. సింహ రాశి (Leo) 
సింహ రాశి వారికి రాహువు ఆరో స్థానంలో ఉండడం వల్ల.. కేతువు పన్నెండో స్థానంలో ఉండడంతో అద్భుతమైన లాభాలు కలుగుతాయి. దీనివల్ల న్యాయపరమైన వివాదాలు లేదా ఆఫీసులో ఉండే మనస్పర్ధల నుంచి విజయం సాధించే అవకాశాలు కనిపిస్తున్నాయి. దీర్ఘకాలికంగా వేధిస్తున్న ఆరోగ్య సమస్యల నుంచి విముక్తి లభిస్తుందని జ్యోతిష్యులు తెలుపుతున్నారు. విదేశీ సంబంధాలు లేదా వ్యాపారాల ద్వారా మంచి లాభాలు ఆర్జించే అవకాశాలు కనిపిస్తున్నాయి..

4. కన్యా రాశి (Virgo)
కన్యా రాశి వారి జాతకంలో రాహువు ఐదో స్థానంలో.. కేతువు లాభ స్థానమైన పదకొండో స్థానంలో ఉండడం కారణంగా అద్భుతమైన లాభాలు కలుగుతాయి.. ఈ గ్రహ సంచారాలతో వీరికి ఊహించని విధంగా ఆకస్మిక ధనలాభాలు కలుగుతాయని జ్యోతిష్యులు తెలుపుతున్నారు. కొత్త ఆలోచనలు, సృజనాత్మకత పెంపొందుతాయి. నైపుణ్యాల వల్ల కార్యాలయంలో ప్రత్యేక గుర్తింపు, ప్రశంసలు లభిస్తాయి..

5. మీన రాశి (Pisces) 
మీన రాశి వారికి రాహువు ఆదాయ స్థానంలో ఉండడం వల్ల వీరికి అద్భుతమైన లాభాలు కలుగుతాయి.. ఇది ఆర్థికంగా అత్యంత లాభదాయకమైన సమయంగా భావించవచ్చు.. మీ ఆదాయం అకస్మాత్తుగా పెరుగుతుందని జ్యోతిష్యులు తెలుపుతున్నారు. దీర్ఘకాలికంగా ఉన్న కోరికలు, ఆశయాలు నెరవేరుతాయి.. సమాజంలో పెద్దలతో పరిచయాలు, మీ నెట్‌వర్క్ విస్తరించడం వల్ల భవిష్యత్‌లో అద్భుతమైన ప్రయోజనాలు పొందుతారని జ్యోతిష్యులు తెలుపుతున్నారు.

BRS Party: తెలంగాణలో ఎప్పుడు ఎన్నికలు జరిగినా అన్ని స్థానాల్లో కారు గుర్తుదే గెలుపు అని.. కరీంనగర్ జిల్లాలో కారు గుర్తు సునామీ ఖాయం అని బీఆర్‌ఎస్‌ పార్టీ వర్కింగ్‌ ప్రెసిడెంట్‌ కేటీఆర్ సంపూర్ణ విశ్వాసం వ్యక్తం చేశారు. కరీంనగర్ జిల్లా అనాదిగా బీఆర్ఎస్ పార్టీకి కోట అని గుర్తుచేశారు. కాంగ్రెస్ పార్టీ అరాచకాలను ఎండగట్టేందుకు మరింత పెద్ద ఎత్తున ప్రజల్లోకి పోవాలని గులాబీ పార్టీ సైన్యానికి సూచించారు. కాంగ్రెస్ పార్టీ వైఫల్యాల పైన కదం తొక్కాలని మాజీ మంత్రి కేటీఆర్ పిలుపునిచ్చారు.

హైదరాబాద్‌లోని బీఆర్‌ఎస్‌ పార్టీ ఎమ్మెల్యే గంగుల కమలాకర్‌ నివాసంలో ఉమ్మడి కరీంనగర్‌ జిల్లా నాయకులతో పార్టీ వర్కింగ్‌ ప్రెసిడెంట్‌ కేటీఆర్‌ సమావేశమయ్యారు. పార్టీ క్షేత్రస్థాయి బలోపేతంతోపాటు సమకాలీన రాజకీయాలపై దిశానిర్దేశం చేశారు. కరీంనగర్ మొదటి నుంచి బీఆర్‌ఎస్‌ పార్టీకి ఒక కోట మాదిరిగా అండగా ఉందని గుర్తు చేశారు. దురదృష్టవశాత్తు గత అసెంబ్లీ ఎన్నికల్లో కాంగ్రెస్ పార్టీ అడ్డగోలు హామీలు మోసాలతో కొన్ని స్థానాలు కోల్పోవాల్సి వచ్చిందని తెలిపారు. కాంగ్రెస్ పార్టీ రెండున్నరేళ్ల విఫల పరిపాలన తర్వాత తిరిగి ప్రజలంతా బీఆర్‌ఎస్‌ పార్టీ వైపు, తెలంగాణ తొలి ముఖ్యమంత్రి కేసీఆర్ వైపు చూస్తున్నారని చెప్పారు. పార్టీ నిర్వహించిన అంతర్గత సర్వేలో కరీంనగర్ జిల్లాలో కారు గుర్తు మరోసారి సునామీ సృష్టించబోతుందని మాజీ మంత్రి కేటీఆర్ ధీమా వ్యక్తం చేశారు. 

కరీంనగర్ జిల్లాలో అత్యంత కీలకమైన సింగరేణిపై బీజేపీ, కాంగ్రెస్ కలిసి చేస్తున్న కుట్రలు, అవినీతిని ఎక్కడికక్కడ ప్రజల ముందుకు, సింగరేణి కార్మికుల ముందుకు తీసుకురావాల్సిన అవసరం ఉందని బీఆర్‌ఎస్‌ పార్టీ కార్యవర్గానికి మాజీ మంత్రి కేటీఆర్‌ సూచించారు. కాంగ్రెస్, బీజేపీ కలిసి చేస్తున్న అరాచకాలను, అవినీతిని ఎక్కడికక్కడ ఎండగట్టాలని దిశానిర్దేశం చేశారు. ఇక పార్టీ నిర్మాణానికి సంబంధించి బూత్‌ల వారీగా ప్రత్యేక కార్యాచరణ తీసుకొని ముందుకుపోవాలని చెప్పారు. గ్రామస్థాయి పార్టీ కార్యాచరణ కాకుండా బూత్‌ల వారీగా పార్టీని బలోపేతం చేసుకుంటూ ముందుకు పోవాలన్నారు. అధికారం ఉన్నా లేకున్నా మన వెంట నాయకుల వెంట నిలబడిన ప్రతి ఒక్క కార్యకర్తను గుండెల్లో పెట్టి చూసుకోవాల్సిన బాధ్యతను గుర్తించాలి. కార్యకర్తలతోనే పార్టీ బలంగా నిలబడిందనే విషయాన్ని గ్రహించి ముందుకుపోవాలి' అని సూచించారు. 

కరీంనగర్‌లో కాళేశ్వరం ప్రాజెక్టు అందించిన ప్రతిఫలాలను ప్రజలకి గుర్తు చేయాల్సిన అవసరం ఉందని మాజీ మంత్రి కేటీఆర్‌ గుర్తుచేశారు. కరువు వచ్చినప్పుడే కాళేశ్వరం ప్రాజెక్టు విలువ తెలుస్తుందని.. ఆ విషయం ముమ్మాటికి నిజమవుతున్నదని చెప్పారు. కాంగ్రెస్ పార్టీ రాష్ట్ర స్థాయిలోనే కాకుండా ప్రతి ఒక్క కాంగ్రెస్ నాయకుడు అందిన కాడికి దోచుకుంటున్న తీరును ప్రజల్లో ఎండగట్టాలని పార్టీ నాయకత్వానికి సూచించారు. పార్టీ నాయకులంతా మారుతున్న ప్రస్తుత కాలానికి అనుగుణంగా సామాజిక మాధ్యమాలను వినియోగించుకుని ప్రజల మనసులను గెలుచుకునే ప్రయత్నం చేయాలని బీఆర్‌ఎస్‌ పార్టీ వర్కింగ్‌ ప్రెసిడెంట్‌ కేటీఆర్‌ చెప్పారు.