IPL Scripted Controversy: ప్రపంచవ్యాప్తంగా క్రేజ్‌ సంపాదించుకున్న ఐపీఎల్‌లో జరిగే పబ్లిసిటీ స్టంట్లు, రేటింగ్‌ కోసం తాము ఎలా చేస్తామనే విషయాలను ఐపీఎల్‌ వ్యవస్థాపకుడు లలిత్‌ మోదీ వెల్లడించాడు. ఐపీఎల్‌కు రేటింగ్‌.. గుర్తింపు వచ్చేందుకు తాము చేసిన ఒక ఉదంతాన్ని లలిత్‌ వివరించాడు. ఐపీఎల్‌లో రేటింగ్‌ కోసం తాము ఒక స్టార్‌ క్రికెటర్‌కు ఓ చీర్‌ లీడర్‌కు మధ్య సంబంధం ఉందని తామే ఒక కథనం సృష్టించామని లలిత్‌ మోదీ బహిర్గతం చేశాడు. ఈ వ్యాఖ్యలు క్రీడా ప్రపంచంలో చర్చనీయాంశంగా మారాయి.

భారతదేశ క్రికెట్‌కు ఫ్రాంచైజీని పరిచయం చేసి ఐపీఎల్‌ను లలిత్‌ మోదీ ప్రారంభించాడు. ఐపీఎల్‌ వ్యవస్థాపకుడిగా ఉన్న లలిత్‌ మోదీ అనంతరం కొన్ని అవినీతి పనులు, మనీలాండరింగ్‌ తదితర నేరాలకు పాల్పడడంతో అతడు 2010లో విదేశాలకు పారిపోయాడు. ప్రస్తుతం లండన్‌లో నివసిస్తూ విలాసవంతమైన జీవితాన్ని పొందుతున్నాడు. అక్కడ బహిరంగంగా తిరుగుతూ.. ఇంటర్వ్యూలు ఇచ్చుకుంటూ హాయిగా ఉన్నాడు. ఈ క్రమంలోనే తన సోషల్‌ మీడియాలో పంచుకున్న ఓ ఇంటర్వ్యూలో కొన్ని ఆసక్తికర విషయాలు పంచుకున్నాడు.

ఐపీఎల్‌లో గ్రౌండ్‌లో జరిగేదాని కన్నా మైదానం బయట జరిగేవన్నీ పక్కా ప్రణాళిక ప్రకారం చేసినవేనని ఐపీఎల్‌ మాజీ ఛైర్మన్ లలిత్ మోదీ ప్రకటించాడు. తన దగ్గర కొంత మంది వ్యక్తులు.. రాజకీయ నాయకులు ఉన్నప్పుడు ప్రతిది ప్రణాళిక ఉంటుందని లలిత్‌ మోదీ తెలిపాడు. 'రేటింగ్స్‌ పడిపోతున్నప్పుడు మేం కొన్ని వివాదాస్పద కథనాలను సృష్టిస్తాం. దాన్ని వివాదంలాగా బయటపెడుతాం' అని వివరించాడు.

పక్కా ప్రణాళికగా బయటపెట్టిన ఒక వివాదాన్ని తెలపాలని హోస్ట్‌ కోరగా.. లలిత్‌ మోదీ కీలక విషయాన్ని బయటపెట్టాడు. 'ఒక ప్రధాన జట్టుకు కెప్టెన్‌ ఉండేవాడు. అతడు దక్షిణాఫ్రికాకు చెందినవాడు. అతడికి చీర్‌లీడర్‌తో అఫైర్ ఉండేది. దాన్ని కావాలని లీక్ చేశాం' అని తెలిపాడు. దానివలన ఐపీఎల్‌ రేటింగ్స్ బాగా పెరిగాయని చెప్పుకొచ్చాడు. అయితే అఫైర్‌ పెట్టుకున్న చీర్‌లీడర్‌ను ఆ క్రికెటర్‌ను తర్వాత ఆమెను పెళ్లి చేసుకున్నాడు. 'రేటింగ్స్ పడిపోయినప్పుడల్లా వివాదం సృష్టిస్తాం. కాంట్రవర్సీ అనే నంబర్‌-1 పిల్లర్ మీదే ఐపీఎల్‌ నిర్మితమైంది’ అని లలిత్‌ మోదీ తెలిపాడు.

Capital MAVIGUN: రాజధాని అమరావతి పేరిట రైతులను బలవంతపెట్టడం మంచి పద్ధతి కాదని కూటమి ప్రభుత్వానికి మాజీ సీఎం వైఎస్‌ జగన్ హితవు పలికారు. ‘రైతుల అభిప్రాయాలకు అనుగుణంగా ముందుకు వెళ్తాం. రైతులను బలవంతం పెట్టడం మంచిది కాదు. రైతులకు అవసరమైన సహాయ సహకారాలు అందిస్తాం' అని హామీఇచ్చారు. రైతులకు సంతోష పెట్టేలా చేయాలని.. వారిని కష్ట పెట్టేలా చేయకూడదని చంద్రబాబు ప్రభుత్వానికి సూచించారు.

తాడేపల్లిలోని వైఎస్సార్‌సీపీ కార్యాలయంలో మంగళవారం రాజధాని రైతులు ఆ పార్టీ అధినేత వైఎస్‌ జగన్‌ మోహన్‌ రెడ్డితో సమావేశమయ్యారు. ఉండవల్లి, పెనుమాక, నిడమర్రు, ఎర్రపాలెం, కుర్రగల్లు గ్రామాలకు చెందిన రైతులు తమ గోడును జగన్‌ ముందు వెళ్లబోసుకున్నారు. రైతుల సమస్యలు, వారి బాధను సావధానంగా విన్న మాజీ సీఎం వైఎస్‌ జగన్‌ కీలక వ్యాఖ్యలు చేశారు. 'రాజధాని పేరిట మొదట తీసుకున్న 50 వేల ఎకరాలకే దిక్కులేదు. ఇప్పుడు మళ్లీ 50 వేల ఎకరాలు అంటున్నారు. అందుకే ప్రత్యామ్నాయంగా మావిగన్‌ను సూచించాం' అని గుర్తుచేశారు.

'విజయవాడలో ఇంటర్నేషనల్‌ ఎయిర్‌పోర్టు ఉంది. అది ఉండి కూడా మరొక ఎయిర్‌పోర్టు అంటున్నారు. ఇప్పుడ అక్కడ పనులు కూడా జరుగుతున్నాయి. వచ్చే కొద్ది నెలల్లో పూర్తయ్యే అవకాశాలు ఉన్నాయి. మచిలీపట్నంలో పోర్టు కూడా వచ్చింది. మన హయాంలో మొదలుపెట్టాం, నిధుల కొరతలేకుండా చూశాం. జాతీయ రహదారులు ఉన్నాయి, రైల్వే స్టేషన్లు ఉన్నాయి. కాని ఇవేమీ చంద్రబాబుకు పట్టదు' అని విమర్శించారు. భవిష్యత్తులో కూడా రాజధాని అనేది లేకుండా చేస్తున్నారని ఆందోళన వ్యక్తం చేశారు. 

'కనీస మౌలిక సదుపాయాల కల్పన కోసం ఎకరాకు రూ.2 కోట్లు ఖర్చు చేయాలి. జీవితమంతా రోడ్లు వేయడానికి, డ్రైనేజీ తవ్వడానికి, నీళ్లు ఇవ్వడానికి, కరెంటు ఇవ్వడానికే ఖర్చుపెట్టాలి. దాదాపు రూ.రెండు లక్షల కోట్లు ఖర్చు చేయాలి' అని రాజధాని పనులపై మాజీ సీఎం వైఎస్‌ జగన్‌ అసంతృప్తి వ్యక్తం చేశారు. అమరావతి రాజధానిలో భారీగా అవినీతి జరుగుతోందని ఆరోపించారు. ఏది చూసినా కుంభకోణమే కనిపిస్తోందని తెలిపారు. రాజధాని పేరుతో స్కాములు మీద స్కాములు చేస్తున్నారని తీవ్ర ఆరోపణలు చేశారు. 

'మావిగన్‌ను గ్రోత్‌ కారిడర్‌గా ప్రకటిస్తే చాలు వెంటనే అభివృద్ధి. 110 కిలో మీటర్‌ అటు ఇటూ గ్రోత్‌ కారిడర్‌కు అటు ఇటూ.. ఈ డబ్బు పెడితే మొత్తం కారిడర్‌ అభివృద్ధి చెందుతుంది’ అని రాజధానిపై మాజీ సీఎం వైఎస్‌ జగన్‌ వ్యాఖ్యానించారు. అమరావతి ప్రాంత రైతులకు అండగా ఉంటామని, కూటమి ప్రభుత్వ ఆగడాలను అడ్డుకుంటామని వైఎస్సార్‌సీపీ అధినేత, మాజీ సీఎం వైఎస్‌ జగన్ భరోసా ఇచ్చారు.

ప్రభుత్వం దౌర్జన్యం చేస్తోంది: రైతులు
మాజీ సీఎం వైఎస్‌ జగన్‌తో మాట్లాడుతూ రాజధాని రైతులు ఆవేదన వ్యక్తం చేశారు. 'భూములు ఇవ్వని వారిని ప్రభుత్వం తీవ్రంగా ఇబ్బందిపెడుతోంది. భూ సేకరణకు నోటిఫికేషన్లు ఇచ్చి దౌర్జన్యం చేస్తోంది. భూములు ఇవ్వని రైతుల పొలాల్లో దారుణాలకు పాల్పడుతున్నారు. అభివృద్ధి పేరు చెప్పి మా పొలాలను ధ్వంసం చేస్తోంది' అని రైతులు తెలిపారు. భూసమీకరణకు అంగీకరించకపోతే భూసేకరణకు సిద్ధమవుతున్నారని.. ఈ పరిస్థితుల్లో తమకు మీరే అండ అని జగన్‌తో రైతులు వాపోయారు. తొలి విడత సమీకరణలో భూములిస్తే ఏ మాత్రం అనుకూలంగా లేని లోతట్టు ప్రాంతాల్లో ప్లాట్లు చూపారని.. ఇప్పుడు రెండో విడత సమీకరణలో మళ్లీ భూముల కోసం వేధిస్తున్నారని వెల్లడించారు.

Annamalai Resignation: అసెంబ్లీ ఎన్నికలు ముగిసిన అనంతరం తమిళనాడు రాజకీయాలు సంచలనాలకు కేంద్రంగా మారింది. ఇప్పటికే అన్నాడీఎంకే ఎమ్మెల్యేలు అధికార టీవీకే పార్టీలో చేరుతుండగా.. ఇతర పార్టీలలో కూడా కీలక పరిణామాలు చోటుచేసుకుంటున్నాయి. తాజాగా బీజేపీకి భారీ షాక్‌ తగిలింది. అసెంబ్లీ ఎన్నికల్లో ఘోరంగా విఫలమైన బీజేపీకి ఆ రాష్ట్ర అధ్యక్షుడు అన్నామలై రాజీనామా చేశారు. త్వరలో ఆయన కొత్త రాజకీయ పార్టీ ప్రారంభించబోతున్నారని చర్చ జరుగుతోంది.

తమిళనాడు రాజకీయాల్లో అన్నామలై రాజీనామాతో కీలక పరిణామాలు చోటుచేసుకుంటున్నాయి. తమిళనాడు బీజేపీ మాజీ అధ్యక్షుడు అన్నామలై ఆ పార్టీకి రాజీనామా చేస్తూ 5 పేజీల లేఖ రాశారు. తమిళనాడులో బీజేపీని బలోపేతం చేయడంలో కీలక పాత్ర పోషించిన అన్నామలై అనూహ్యంగా రాజీనామా చేయడం కలకలం రేపింది. రాజ్యసభ అవకాశం కల్పిస్తామని బీజేపీ ఇచ్చిన ఆఫర్‌ను కూడా ఆయన తిరస్కరించినట్లు సమాచారం. లేఖను పార్టీ జాతీయ అధ్యక్షుడు నితిన్ నబిన్‌కి పంపారు. రాజ్యసభ సభ్యత్వం ఇచ్చేందుకు సిద్ధమైనా కూడా అన్నామలై రాజీనామా చేయడం వెనుక ఆయన తీవ్ర మనస్తాపం చెందినట్లు స్పష్టమవుతోంది.

రాజీనామా చేసిన అనంతరం ఢిల్లీలో కేంద్ర హోంమంత్రి అమిత్ షాతో అన్నామలై సమావేశమయ్యారు. అధిష్టానం బుజ్జగించే ప్రయత్నాలు చేసినా కూడా అన్నామలై వెనక్కి తగ్గకపోవచ్చని తెలుస్తోంది. ప్రస్తుతం జరుగుతున్న సమాచారం ప్రకారం అన్నామలై త్వరలోనే సొంతంగా ఒక కొత్త రాజకీయ పార్టీని ప్రకటించే అవకాశం ఉందని రాజకీయ వర్గాల్లో గట్టిగా ప్రచారం జరుగుతోంది. ఈ తాజా పరిణామాలతో తమిళనాడు రాజకీయాలతోపాటు దేశవ్యాప్తంగా ఆయన తదుపరి అడుగులపై తీవ్ర ఉత్కంఠ నెలకొంది.

ఇదే కారణమా?
రాజీనామా చేయడం వెనుక చాలా కారణాలు ఉన్నాయని తెలుస్తోంది. అసెంబ్లీ ఎన్నికల సమయంలో అసెంబ్లీ సీట్‌ ఇవ్వకపోవడంతో అన్నామలై తీవ్ర నిరాశకు గురయ్యారు. అన్నాడీఎంకేతో పొత్తు కుదుర్చుకోవడంతో అతడికి పోటీ చేసే అవకాశం దక్కలేదు. అప్పటి నుంచి అసంతృప్తితో రగులుతున్న అన్నామలై చివరకు పార్టీని వీడారు. ఐపీఎస్ అధికారి ఉద్యోగానికి రాజీనామా చేసి బీజేపీ శ్రేణులతో సింగం అని పిలిపించుకున్న వ్యక్తి అర్ధాంతరంగా బీజేపీ నుంచి వైదొలిగాడు. అయితే ప్రత్యక్ష ఎన్నికల్లో పోటీచేసిన ప్రతిసారి అన్నామలై ఓటమి పాలయ్యారు. అయితే టీవీకే పార్టీ స్థాపించిన కొన్ని నెలల్లోనే అధికారంలోకి వచ్చిన విజయ్‌ మాదిరి అన్నామలై పార్టీని స్థాపించాలని భావిస్తున్నట్లు తెలుస్తోంది.

 Monkey Drinking Brandy Viral Video Watch: సోషల్ మీడియాలో నిత్యం రకరకాల వింత వీడియోలు వైరల్ అవుతూ ఉంటాయి. కొన్ని నవ్వు పుట్టిస్తుంటే మరికొన్ని ఆశ్చర్యాన్ని కలిగిస్తూ ఉంటాయి. కానీ తాజాగా వెలుగులోకి వచ్చిన ఒక వీడియో మాత్రం చూసి ప్రతి ఒక్కరిని తీవ్ర దిగ్భ్రాంతితో పాటు ఆగ్రహానికి గురి చేసేలా చేస్తోంది. ఎండల తీవ్రతకు నీడ కోసం వచ్చిన ఒక మూగ జీవికి నీళ్లు ఇవ్వాల్సింది పోయి. మద్యం తాగించిన ఒక వ్యక్తి వికృతి చేష్టలు ఇప్పుడు తీవ్ర చర్చనీయాంశంగా మారాయి. ఇప్పుడు ఈ ఘటనకు సంబంధించిన వీడియోనే సోషల్ మీడియాలో సంచలనంగా మారింది. దీనికి సంబంధించిన అన్ని వివరాలు ఇప్పుడు తెలుసుకుందాం..

వైరల్ అవుతున్న వీడియో ప్రకారం.. వేసవికాలం కావడంతో ఎండన తీవ్రతకు తట్టుకోలేక కోతుల మంద ఒకచోట పెద్ద చెట్టు కింద ఆశ్రయం పొందడం మీరు చూడొచ్చు.. తీవ్రమైన దాహంతో పాటు అలసటతో ఉన్న ఒక కోతిని చూసి అక్కడున్న ఒక వ్యక్తి అత్యంత ధారణంగా ప్రవర్తించారు.. మానవత్వాన్ని మరిచి.. ఆ కోతి ముందు ఒక గ్లాసులో చల్లని బ్రాందీ ఉంచాడు... అంతే ఆ కోతి ఏం చేసిందో చూస్తే మీరు ఆశ్చర్యపోతారు..

తీవ్రమైన దాహంతో ఉందో.. లేక అది కూల్డ్రింక్ అనుకుందో ఏమో కానీ. ఆ కోతి మాత్రం ఆ గ్లాసును చేత్తో పట్టుకొని గటగటా తాగేయడం మీరు ఈ వీడియోలో చూడొచ్చు. అంతటితో ఆ వ్యక్తి ఆగలేదు.. ఆ కోతి తాగుతున్న కొద్ది.. గ్లాసులో బ్రాందీ పోస్తూనే ఉన్నాడు.. ఇలా ఆ కోతి దాదాపు మూడు నుంచి నాలుగు గ్లాసుల వరకు బ్రాందీ తాగేసింది. మద్యం మత్తు తలకెక్కడంతో ఆ కోతి అటు ఇటు ఆడడం మీరు ఈ వైరల్ అవుతున్న వీడియోలో చూడొచ్చు..

 Massive Python Fights Video Watch: ప్రకృతిలో బలవంతుడిదే మనుగడ అనే సూత్రం అడవికి వర్తిస్తూ ఉంటుంది. అడవికి రాజు అయిన సింహాన్ని చూస్తే ఎంతటి క్రూర మృగాలైనా తోక ముడుచుకొని అక్కడి నుంచి వారి పోతూ ఉంటాయి. అలాంటిది ఒకేసారి ఐదు సింహాలు చుట్టుముడితే ఇక ఆ జీవి పని అయిపోయినట్లే అని అందరూ భావిస్తూ ఉంటారు. కానీ తాజాగా సోషల్ మీడియాలో వైరల్ అవుతున్న ఒక వీడియో ఈ అంచనాలను తలకిందులు చేస్తోంది.. ఐదు ఆకలిగా ఉన్న సింహాల మధ్య చిక్కుకున్న ఒక భారీ కొండచిలువ.. ప్రాణాలకు తెగించి పోరాడిన తీరు సోషల్ మీడియా వినియోగదారులను ఆశ్చర్యానికి గురిచేస్తోంది..

వైరల్ అవుతున్న ఈ వీడియోలో.. అడవి మధ్యలో ఒక భారీ కొండచిలువ వెళ్తుండగా ఐదు సింహాలు దానిని గమనించాయి.. సాధారణంగా పాములను వేటాడేందుకు సింహాలు పెద్దగా ఆసక్తి చూపవు.. కానీ ఇక్కడ సింహాల గుంపు ఆ కొండచిలువను ఆహారంగా మార్చుకోవాలని నిర్ణయించుకున్నట్లు తెలుస్తోంది.. ఒకదాని తర్వాత ఒకటిగా ఐదు సింహాలు ఆ అత్యంత ప్రమాదకరమైన కొండచిలువను చుట్టుముత్తాయి. ముందుగా ఒక సింహం తన పనిజాతం కొండచిలువను కొట్టేందుకు ప్రయత్నించింది..

సాధారణంగా ఇలాంటి సమయంలో ఏదైనా జీవి భయంతో పారిపోవడానికి ప్రయత్నిస్తుంది.. కానీ ఆ కొండచిలువ మాత్రం వెనక్కి అస్సలు తగ్గలేకపోయింది.. సింహాలు దాడికి వస్తున్న కొద్ది.. అది తన శరీరాన్ని గాల్లోకి లేపి.. పడగ విప్పినట్లుగా నోరు తెరిచి ఎదురుదాడికి దిగింది.. ఒక సింహం దగ్గరికి రాగానే మెరుపు వేగంతో దానిపై దూసుకు వెళ్లి తన బలమైన  పళ్ళతో పాము కొరికేందుకు ప్రయత్నించింది. కొండచిలువ ఉగ్రరూపాన్ని చూసి అడవికి రాజులైన సింహాలే షాక్కు గురైనట్లు తెలుస్తోంది.

Telangana 6 Guarantees: తెలంగాణ రాష్ట్ర ఆవిర్భావ దినోత్సవ వేడుకలను కరీంనగర్ జిల్లా కేంద్రంలో ఘనంగా నిర్వహించారు. ఈ వేడుకలకు ముఖ్య అతిథిగా హాజరైన రాష్ట్ర ప్రభుత్వ విప్, మంత్రి అడ్డూరి లక్ష్మణ్ కుమార్ జాతీయ పథకాన్ని ఆవిష్కరించి.. పోలీసుల గౌరవ వందనాన్ని స్వీకరించారు.. అనంతరం ఆయన జిల్లా ప్రజలను ఉద్దేశించి ప్రసంగించారు.. ఈ ప్రసంగంలో నాలుగు గ్యారెంటీ ల గురించి మాట్లాడారు. అయితే దీనికి సంబంధించిన పూర్తి వివరాలు ఏంటో మనం ఇప్పుడు తెలుసుకుందాం..

ఇప్పటికే నాలుగు గ్యారెంటీలు విజయవంతం..
మంత్రి అడ్లూరు లక్ష్మణ్ కుమార్ మాట్లాడుతూ.. ప్రభుత్వం ఇచ్చిన హామీల మేరకు ఆరు గ్యారెంటీలలో భాగంగా ఇప్పటికే నాలుగు ప్రధాన పథకాలను విజయవంతంగా అమలు చేస్తున్నామని ప్రకటించారు. మహిళలందరికీ మహాలక్ష్మి పథకం కింద ఉచిత బస్సు ప్రయాణంతో పాటు.. రూ. 500లకే గ్యాస్ సిలిండర్ సరఫరా.. గృహలక్ష్మి పథకం ద్వారా 200 యూనిట్ల ఉచిత విద్యుత్.. రాజు ఆరోగ్యశ్రీ పరిమితి రూ.10 లక్షలకు పెంపు వంటి పథకాలను ప్రభుత్వం ఇప్పటికే అమలు చేస్తూ వస్తోందని తెలిపారు.

ఈ పథకాల ద్వారా అట్టడుగు వర్గాలకు లబ్ధి చేకూరుతుందని ఆయన వివరించారు.. మిగిలిన గ్యారంటీలను కూడా త్వరలోనే అర్హులైన వారందరికీ అందజేస్తామని హామీ ఇచ్చారు.. గత ప్రభుత్వాల తరహాలో కాకుండా.. ప్రజల వద్దకే పాలనను తీసుకెళ్లేందుకు ప్రజాపాలన కార్యక్రమాన్ని ప్రవేశపెట్టామని మంత్రి తెలిపారు. ఈ కార్యక్రమం ద్వారా అందిన దరఖాస్తులను క్షుణ్ణంగా పరిశీలించి.. రాజకీయాలకు అతీతంగా అర్హులైన ప్రతి ఒక్కరికి సంక్షేమ పథకాలు చేరేలా చర్యలు తీసుకుంటామని ఆయన చెప్పారు. లబ్ధిదారుల ఎంపికలు పూర్తి పారదర్శకత పాటిస్తున్నట్లు పేర్కొన్నారు..

తెలంగాణ సమాజం ఆశించిన ఆకాంక్షల నెరవేర్పు కోసమే ఈ ప్రభుత్వం పనిచేస్తుందని.. కరీంనగర్ జిల్లాను అన్ని రంగాల్లో అభివృద్ధి చేసేందుకు ప్రత్యేక ప్రణాళికలతో ముందుకు సాగుతున్నామని.. తాగునీరుతో పాటు సాగునీరు, విద్యా వైద్య రంగాలకు అత్యంత ప్రాధాన్యతను ఇస్తున్నామని మంత్రి అడ్లూరి లక్ష్మణ్ తెలిపారు. జిల్లాలో పెండింగ్‌లో ఉన్న సాగునీటి ప్రాజెక్టులను త్వరితగతిన పూర్తి చేసి.. ప్రతి ఎకరాకు నీరు అందిస్తామని.. మౌలిక వసతుల కల్పనలు రాజీ పడే ప్రసక్తే లేదని స్పష్టం చేశారు. ఈ కార్యక్రమంలో జిల్లా కలెక్టర్ తో పాటు ఇతర పోలీసు అధికారులు, స్థానిక ప్రజా ప్రతినిధులు పాల్గొన్నారు..

Telangana Formation Day In Telugu: తెలంగాణ గడ్డపై సాగిన విరోచిత పోరాటాల చరిత్రను తిరగేస్తే.. ఉమ్మడి కరీంనగర్ జిల్లాలోని జగిత్యాల ప్రాంతం పోషించిన పాత్ర అద్వితీయం.. అమోఘం.. జూన్ 2న తెలంగాణ ఆవిర్భావ దినోత్సవాన్ని జరుపుకుంటున్న వేళ.. ఈ గడ్డ చవిచూచిన పోరాటాలతో పాటు చేసిన త్యాగాలను ప్రత్యేకంగా గుర్తు చేసుకోవాల్సిన అవసరం ఎంతగానో ఉంది.. 1969 నాటి తొలిదశ ఉద్యమం నుంచి నిన్న మొన్నటి మలిదశ రాష్ట్ర సాధన పోరాటం వరకు జగిత్యాల ఎల్లప్పుడు ఉద్యమాలకు ఒక దిక్సూచిగా నిలిచింది..

దొరల గడీల అణిచివేతకు వ్యతిరేకంగా సాగిన రైతాంగ పోరాటాలైన.. ప్రత్యేక రాష్ట్ర ఆకాంక్ష అయినా.. జగిత్యాల ప్రజలు ఎల్లప్పుడూ వెనకడుగు వేయలేదు.. 1969లో ప్రత్యేక తెలంగాణ కోసం సాగిన తొలిదశ ఉద్యమంలో ఇక్కడి విద్యార్థులతో పాటు యువత ప్రాణాలను సైతం లెక్కచేయకుండా రోడ్లపైకి వచ్చారు.. అలాగే ఆంధ్ర పాలకుల వివక్ష పై తిరుగుబావుటా ఎగురవేసి.. ఈ ప్రాంత అస్తిత్వాన్ని చాటిచెప్పారు.. అంతేకాకుండా యువతులు సైతం స్వరాష్ట్ర సాధన కోసం ఎంతగానో కృషిచేసిన చరిత్ర జగిత్యాలది..

మలిదశ ఉద్యమంలో...
మాజీ ముఖ్యమంత్రి కే. చంద్రశేఖర రావు.. ప్రొఫెసర్ జయశంకర్ వంటి నేతల పిలుపుతో సాగిన మలిదశ ఉద్యమంలో జగిత్యాల ఒక అగ్నిపర్వతంలా రగిలింది.. ఢిల్లీ పాలకుల మెడలు వంచేందుకు ఈ గడ్డకు చెందిన ఎంతోమంది యువకులతో పాటు విద్యార్థులు తమ ప్రాణాలను సైతం త్యాగం చేసి ఉద్యమ జ్యోతిని వెలిగించారు.. లాయర్లతోపాటు డాక్టర్లు, ఆర్టీసీ కార్మికులు, ఉపాధ్యాయులు, చిరు వ్యాపారులు సైతం రోడ్లపైకి వచ్చి సకలజనుల సమ్మె.. వంటావార్పు కార్యక్రమాల్లో చురుగ్గా పాల్గొన్నారు..

Karimnagar Mining Scams: తెలంగాణలో గత పది ఏళ్ల BRS పాలనలో జరిగిన మైనింగ్ అక్రమాలపై కాంగ్రెస్ ప్రభుత్వం ఉక్కు పాదం మోపెందుకు సిద్ధమవుతోంది. అసెంబ్లీ వేదికగా ముఖ్యమంత్రి రేవంత్ రెడ్డి చేసిన ప్రకటనతో రాష్ట్రానికి సంబంధించిన సిఐడి రంగంలోకి దిగింది. 2014 నుంచి కరీంనగర్ జిల్లాలో సాగిన గ్రానైట్ అక్రమాల తవ్వకాలతో పాటు రవాణాపై సిఐడి అధికారులు తమ దర్యాప్తును వేగవంతం చేశారు. మైనింగ్ శాఖ సమర్పించిన రహస్య నివేదిక ఆధారంగా జిల్లాకు చెందిన పలువురు ప్రముఖ గ్రానైట్ వ్యాపారులతో పాటు కీలక రాజకీయ నేతలపై ప్రత్యేకమైన ఎఫ్‌ఐఆర్‌లు (FIRs) నమోదు చేసేందుకు సిఐడి సర్వం సిద్ధం చేసినట్లు విశ్వసినీయ సమాచారం..

వందల కోట్ల దోపిడి..
కరీంనగర్ జిల్లా శంకరపట్నంతో పాటు మానకొండూర్, కరీంనగర్ రూరల్ మండలాల్లో క్వారీల్లో అనుమతులకు మించి భారీ తవ్వకాలు జరిపినట్లు మైనింగ్ శాఖ తన నివేదికలో పేర్కొంది. నకిలీ రవాణా పత్రాలు సృష్టించడమే కాకుండా ఎలాంటి రాయల్టీ చెల్లించకుండా వేలాది క్యూబిక్ మీటర్ల గ్రానైట్ కాంబినేషన్ కేంద్రాలకు, ఓడరేవుల ద్వారా విదేశాలకు తరలించినట్లు తేలింది.. పర్యావరణ నిబంధనలను తుంగలోకి తొక్కేసి.. ప్రభుత్వ ఖజానాకు వందల కోట్ల రూపాయల మేర గండి కొట్టినట్లు ప్రాథమిక విచారణలో స్పష్టమైంది..

ఇప్పటికే కరీంనగర్ కు చెందిన టాప్ 5 గ్రానైట్ ఏజెన్సీల జాబితాను సిఐడి సిద్ధం చేసింది. గత ప్రభుత్వంలో చక్రం తిప్పిన ఒక కీలక నేత ప్రధాన అనుచరులే.. ఈ అక్రమాల్లో సూత్రధారులని ప్రచారం జరుగుతోంది. మైనింగ్ అధికారుల అండదండలతోనే.. ఈ ఖజానా దోపిడీ సాగిందనే కోణంలో ఆ శాఖకు చెందిన కొందరు అధికారుల పాత్రలపై సిఐడి విచారణ జరపబోతోంది.. ముఖ్యమంత్రి రేవంత్ రెడ్డి ఆదేశాలతో కరీంనగర్ మైనింగ్ అక్రమాలపై ఒకటి రెండు రోజుల్లో అధికారికంగా కేసులు నమోదు కాబోతున్నాయి. దీంతో జిల్లాలోని గ్రానైట్ వ్యాపారుల గుండెల్లో రైళ్లు పరిగెడుతున్నాయి. సిఐడి తదుపరి చర్యలు ఏ విధంగా ఉంటాయనేది ఇప్పుడు ఉమ్మడి కరీంనగర్ జిల్లా వ్యాప్తంగా తీవ్ర ఉత్కంఠ రేపుతోంది..

Telangana Latest News: రాష్ట్రంలో ధాన్యం కొనుగోళ్ల చుట్టూ సాగుతున్న రాజకీయ రగడ సామాన్య రైతుల పాలిట శాపంగా మారింది.. అన్నం పెట్టే అన్నదాతను ఆదుకోవాల్సింది పోయి.. కేంద్ర రాష్ట్ర ప్రభుత్వాలు ఒకరిపై ఒకరు విమర్శలు సంధించుకోవడానికి ప్రాధాన్యతనిస్తూ వస్తున్నారు.. ఈ రాజకీయ చదరంగంలో ధాన్యం అమ్ముకోలేక.. అమ్ముకున్న డబ్బులు రాక రైతులు అష్ట కష్టాలు పడుతున్నారు. కొన్నిచోట్లనైతే రైతులు వారాల తరబడి మిల్లర్ల కొనుగోలు కోసం ఎదురుచూస్తున్నారు. ఒకవైపు వర్షాలు కురుస్తుంటే.. మరోవైపు వడ్లు కొనుగోలు చేయలేకపోవడంతో రైతులంతా తీవ్ర ఇబ్బందులకు గురవుతూ వస్తున్నారు..

అగమ్యగోచరంగా ఐకెపి కేంద్రాలు..
రాష్ట్రవ్యాప్తంగా ఏర్పాటుచేసిన ఐకెపి కేంద్రాల్లో ధాన్యం రాశులు కుప్పలు తిప్పలుగా పేరుకు పోతున్నాయి.. రైతులు తమ పంటను అమ్ముకోవడానికి వారాల తరబడి నిరీక్షించాల్సి వస్తోంది.. సరిపడ గన్ని బ్యాగులు లేకపోవడంతో పాటు లారీల కోరత ఏర్పడడం, మిల్లుల తరలింపులో జాప్యం వంటి కారణాలతో కొనుగోలు ప్రక్రియ నత్తనడకన సాగుతోంది.  ఈలోగా అకాల వర్షాలు కురుస్తుండడంతో.. ఎంతో శ్రమించి పండించిన పంట కళ్ళముందే తడిసి ముద్దవుతోంది.. ధాన్యం మొలకెత్తడంతో రైతులు కన్నీరు అవుతున్నారు..

ఈ సంక్షోభంపై అధికారిక కాంగ్రెస్‌తో పాటు ప్రతిపక్ష బిజెపి మధ్య మాటల యుద్ధం ముదిరింది. రైతుల వద్ద ప్రతీ గింజ కొంటామని.. అయితే, తాము సేకరించిన ధాన్యాన్ని కేంద్రం వెంటనే ఎగుమతి చేసుకునేలా సహకరించాలని కాంగ్రెస్ ప్రభుత్వం డిమాండ్ చేస్తుంది.. కేంద్రం కావాలనే రాష్ట్రంపై వివక్ష చూపుతోందని ఆరోపిస్తోంది.. ఇదిలా ఉంటే రాష్ట్ర ప్రభుత్వ వైఫల్యాలను కేంద్రంపై నెట్టడం పొరపాటుగా మారిందని.. బిజెపి మండిపడుతోంది.. మిల్లుల కేటాయింపులో.. రవాణాలు ప్రభుత్వం విఫలమైందని.. రైతులను నట్టేట ముంచి.. రాజకీయ లబ్ది పొందాలని చూస్తోందని విమర్శిస్తోంది..

Venus Transit in Punarvasu Nakshatra Effect On Zodiac: జేష్ఠ పౌర్ణమి రోజు శుక్రుడు పునర్వాసు నక్షత్రంలోకి ప్రవేశించడం వల్ల ఆరు రాశుల వారికి 12 రోజుల పాటు అదృష్టం ఊహించని స్థాయిలో పెరిగింది. మే 31వ తేదీన జ్యేష్ఠ పౌర్ణమి రోజు శుక్రుడు పునర్వాసు నక్షత్రంలోకి సంచారం చేశాడు. ప్రస్తుతం శుక్రుడు మిథున రాశిలో సంచార దశలో ఉన్నాడు. అయితే, నక్షత్ర సంచారం కూడా చేయడం కారణంగా జూన్ 11వ తేదీ వరకు అక్కడే ఉంటాడు. పునర్వాసము నక్షత్రానికి అధిపతి దేవగురువు గురుడు కాగా.. ఈ రాశికి అధిపతి బుధుడు.. దీని కారణంగా సుమారు 12 రోజుల పాటు మకర రాశి తో పాటు మరికొన్ని రాశుల వారికి శుక్రుడి అనుగ్రహం లభిస్తుంది. అంతేకాకుండా కోరుకున్న కోరికలు ఎంతో సులభంగా నెరవేరే అవకాశాలు కనిపిస్తున్నాయి. అలాగే దీర్ఘకాలిక సమస్యలు కూడా పూర్తిగా తొలగిపోయి జీవితంలో అద్భుతమైన లాభాలు పొందుతారు. ముఖ్యంగా అనుకున్న పనుల్లో అద్భుతమైన విజయాలు సాధించే అవకాశాలు ఉన్నాయి.

ఈ రాశులకు బంపర్ జాక్పాట్..
మేషరాశి 
శుక్ర గ్రహ సంచారం కారణంగా జూన్ 11వ తేదీ వరకు మేష రాశి వారికి అద్భుతమైన లాభాలు కలుగుతాయి. దీర్ఘకాలంగా చేస్తున్న ప్రయత్నాలు సులభంగా విజయవంతం అయ్యే అవకాశం ఉంది. ఇళ్లతో పాటు కొత్త కార్లు కొనుగోలు చేయాలనుకునే వారి కోరికలు నెరవేరవచ్చు. ఉద్యోగంలో పురోగతి లభించడమే కాకుండా ఆదాయానికి కొత్త అవకాశాలు కూడా కలుగుతాయి. అంతేకాకుండా స్నేహితులతో పాటు ప్రియమైన వారితో కలిసి చేసే మతపరమైన యాత్రలు చాలా వరకు సక్సెస్ అవుతాయి పలుకుబడి ఉన్న వ్యక్తులతో సంభాషణలు కూడా ఏర్పడతాయి.

మిథున రాశి 
మిథున రాశి వారికి ఈ సమయంలో సామాజిక హోదా పెరిగే అవకాశాలు కనిపిస్తున్నాయి. అంతేకాకుండా వివాహాలు లేదా గృహప్రవేశాలు వంటి చాలాకాలంగా పెండింగ్‌లో ఉన్న శుభకార్యాలు కూడా త్వరగా పూర్తయ్యే అవకాశాలు ఉన్నట్లు జ్యోతిష్యులు చెబుతున్నారు. ఆకస్మిక ఆర్థిక లాభాలు చేకూరడమే కాకుండా నిలిచిపోయిన డబ్బులు కూడా తిరిగి పొందే అవకాశాలున్నాయి. అంతేకాకుండా ఈ సమయంలో శత్రువులు కూడా మిత్రులుగా మారే సూచనలు కనిపిస్తున్నాయి. 

కర్కాటక రాశి 
కర్కాటక రాశిలో జన్మించిన వ్యక్తులకు శుక్రుడి సంచారం చాలా అనుకూలంగా ఉంటుంది. ముఖ్యంగా అసంపూర్ణంగా ఉన్న పనులు కూడా ఎంతో సులభంగా పూర్తయ్యే అవకాశాలు కనిపిస్తున్నాయి. కుటుంబ సభ్యులతో ఒకరికొకరు ఎంతో ప్రేమగా పలకరించుకుంటారు. ముఖ్యంగా కుటుంబంలో ఒక్కరికైనా ప్రభుత్వ ఉద్యోగం లభించవచ్చు. ప్రేమ సంబంధాలలో ఉన్న సమస్యలు కూడా పరిష్కారమవుతాయి. పిల్లల చదువుతోపాటు వృత్తిలో విజయాలు సాధించే అవకాశాలున్నాయి. విదేశాలకు వెళ్లాలనుకునే వారు తప్పకుండా విజయాలు సాధిస్తారు.

కన్యా రాశి 
కన్యా రాశి వారికి ఈ సమయంలో అదృష్టం అంచలంచెలుగా పెరిగే అవకాశాలున్నాయి. అంతేకాకుండా వ్యక్తిగత జీవితంతో పాటు వృత్తి జీవితంలో వివిధ సమస్యలు కూడా పరిష్కారం అవుతాయి. కొత్త ఉద్యోగాల కోసం ఎదురుచూస్తున్న వారికి అద్భుతమైన శుభవార్తలు కూడా లభిస్తాయి.. నిలిచిపోయిన డబ్బులు తిరిగి పొందే అవకాశాలు కూడా ఉన్నాయి. కుటుంబంలో అశాంతి తగ్గి బంధువులతో మంచి సమయాన్ని గడిపే అవకాశాలు కనిపిస్తున్నాయి. అంతేకాకుండా ఎన్నో రకాల సమస్యలు ఈ సమయంలో పరిష్కారం దిశగా ముందుకు సాగుతాయి. 

వృశ్చిక రాశి 
వృశ్చిక రాశి వారికి శుక్రుడు సంచారం ఆర్థికంగా అద్భుతమైన మెరుగుదలను సూచిస్తుంది. దీంతో పాటు ఆరోగ్య సమస్యలు మెరుగుపడడమే కాకుండా ఆదాయాన్ని పెంచుకునే ప్రయత్నాలు కూడా జరుగుతాయి. అలాగే మీ పిల్లలకు సంబంధించిన అంశాల్లో కొన్ని రకాల శుభవార్తలు కూడా వింటారు. చట్టపరమైన చిక్కులు కూడా ఈ సమయంలో తొలగిపోయే అవకాశాలు కనిపిస్తున్నాయి. ముఖ్యంగా కొత్త వ్యాపారాలు ప్రారంభించాలనుకునే వ్యక్తులు ఈ సమయంలో అద్భుతమైన విజయాలు సాధించే అవకాశాలు ఉన్నాయి.

Hamsa Mahapurusha Rajayoga Effect On Zodiac: జ్యోతిష్య శాస్త్రం ప్రకారం.. గురు గ్రహాన్ని ఆనందంతో పాటు శ్రేయస్సు, జ్ఞానం, వివాహం అదృష్టానికి సూచికగా భావిస్తారు.. జూన్ నెల ప్రారంభంలో జ్యోతిష్య శాస్త్రంలో ఒక ముఖ్యమైన శుభ సంఘటన జరగబోతోంది. జూన్ రెండవ తేదీన గురుగ్రహం తన ఉచ్చరాశి అయిన కర్కాటక రాశిలోకి ప్రవేశించాడు.. జ్యోతిష్య శాస్త్రం ప్రకారం.. గురుగ్రహం ఉచ్చరాశిలోకి ప్రవేశించినప్పుడు ఎంతో శక్తివంతమైన ప్రభావం ఏర్పడుతుంది. ముఖ్యంగా ఈ సమయంలో మోస్ట్ పవర్ఫుల్ హంస మహా పురుష రాజయోగం ఏర్పడుతుంది. అయితే, అత్యంత శుభప్రదమైన యోగాల్లో హంస మహా పురుష రాజయోగం ఒకటి. దీనివల్ల కొన్ని రాశుల వారికి చాలా శుభప్రదంగా ఉంటుంది. ముఖ్యంగా అకస్మాత్తుగా ఉరోగతి లభించడమే కాకుండా నిలిచిపోయిన ప్రాజెక్టులు వేగవంతంగా పూర్తి అవుతూ ఉంటాయి.. అలాగే భారీ ఆర్థిక లాభాలు కలుగుతాయని జ్యోతిష్యులు చెబుతున్నారు. అయితే, ఈ యోగ ప్రభావంతో అత్యధిక లాభాలు పొందబోయే రాశులేవో ఇప్పుడు తెలుసుకుందాం..

హంస మహా పురుష రాజయోగంతో ఈ రాశులవారికి బంపర్‌ లాభాలు:
మిథున రాశి 
మిధున రాశి వారికి హంస మహా పురుష రాజయోగ ప్రభావంతో వ్యాపారాలతో పాటు కొత్త భాగస్వాములకు మంచి లాభాలు కలుగుతాయి. అంతేకాకుండా పెద్ద వ్యాపార ఒప్పందాలు కుదుర్చుకునే అవకాశాలు కనిపిస్తున్నాయి. ఉద్యోగస్తులకు కొత్త అవకాశాలు లభించడమే.. కాకుండా ఉద్యోగాల్లో మెరుగైన అవకాశాలు లభిస్తూ ఉంటాయి. దీంతోపాటు ఆర్థిక పరిస్థితులు గతంలో కంటే ఇప్పుడు మరింత బలోపేతం అవుతాయి. కోరుకున్న కోరికలు సులభంగా నెరవేరే అవకాశాలు ఉండడం విశేషం..

కన్యా రాశి 
కన్య రాశి వారికి ఈ సమయంలో విద్యార్థులకు చాలా శుభప్రదంగా ఉండబోతోంది. ముఖ్యంగా విదేశాల్లో ఉన్నత విద్యను అభ్యసించడమే కాకుండా పిల్లలనుంచి కొత్త శుభవార్తలు వింటారు. అలాగే అనుకున్న పనుల్లో దిమ్మతిరిగే ధన లాభాలు పొందగలుగుతారు. ముఖ్యంగా అదృష్టం సహకరించి బ్యాంకు బ్యాలెన్స్ కూడా విపరీతంగా పెరుగుతుంది. అలాగే అనుకున్న పనుల్లో అద్భుతమైన లాభాలు సొంతం చేసుకోగలుగుతారు.

ధనస్సు రాశి 
ధనస్సు రాశి వారికి ఈ శక్తివంతమైన హంస మహా పురుష రాజయోగ ప్రభావంతో ఆత్మవిశ్వాసం గణనీయంగా పెరుగుతుంది. ముఖ్యంగా వ్యాపారాలు చేస్తున్న వ్యక్తులు అందరికీ దిమ్మతిరిగే ధన లాభాలు కలుగుతాయి. అలాగే జీతాలు కూడా విపరీతంగా పెరుగుతాయి. పదోన్నతుల కోసం ఎదురుచూస్తున్న వారికి జూన్ నెల ప్రారంభంలో కోరుకున్న కోరికలు కూడా నెరవేరవచ్చు. అంతేకాకుండా ఆరోగ్యం కూడా చాలా అద్భుతంగా ఉంటుందని జ్యోతిష్యులు చెబుతున్నారు.

మీన రాశి 
గురు గ్రహ సంచారంతో మీన రాశి వారికి కూడా ఈ సమయం చాలా లాభదాయకంగా ఉండబోతోంది. భూములతో పాటు కొత్త ఇల్లు, వాహనాలు కూడా కొనుగోలు చేసే అవకాశాలు ఉన్నాయి. పూర్వీకుల నుంచి ఆస్తులు కూడా సంపాదించి అద్భుతమైన లాభాలు పొందగలుగుతారు. ముఖ్యంగా పాత వివాదాల నుంచి పరిష్కారం లభించబోతోంది. కుటుంబంలో ఏదైనా శుభకార్యాలు జరిగి అద్భుతమైన ఆనందాన్ని పొందగలుగుతారు.

Peddi Movie Pre Release Event: రామ్‌ చరణ్‌తో కలిసి పెద్ది సినిమాతో తెలుగు ప్రేక్షకులను థియేటర్‌లలో కలిసేందుకు వస్తున్న నటి జాన్వీ కపూర్‌ తెలుగు ప్రేక్షకులపై ప్రశంసలు కురిపించారు. తెలుగు ప్రేక్షకులు చూపిస్తున్న ప్రేమకు చాలా సంతోషంగా ఉందని.. ఈ ప్రేమే తాము రోజు రాత్రి కష్టపడి పని చేయడానికి బలాన్ని ఇస్తుందని చెప్పారు. తెలుగు ప్రేక్షకులు దేవుడితో సమానం అని తన తల్లి శ్రీదేవి చెప్పిన మాటలను జాన్వీ కపూర్‌ పునరుద్ఘాటించారు.

Peddi Movie Release Event: 'ఒక నటుడి‌గా ఎన్నో కథలు వింటూ ఉంటాం.. కొన్ని నచ్చుతాయి.. కొన్ని ఆశ్చర్యపరుస్తాయి. కానీ 'పెద్ది' కథ విన్నప్పుడు మాత్రం అది గుండెకు హత్తుకుంది' అని సినీ నటుడు రామ్‌ చరణ్‌ తెలిపారు. 'మా నాన్న (చిరంజీవి) చెప్పినట్టు ఇలాంటి కథ పది సంవత్సరాలకు ఒకసారి మాత్రమే వస్తుంది. అలాంటి కథ నా వద్దకు వచ్చినందుకు దర్శకుడు బుచ్చిబాబు గురువు సుకుమార్‌, బుచ్చిబాబుకు మనస్ఫూర్తిగా ధన్యవాదాలు. ఇది నా జీవితకాల సినిమా లైబ్రరీలో టాప్ ఫిలిమ్స్‌లో ఒకటిగా నిలిచిపోతుంది' అని రామ్‌ చరణ్‌ తెలిపారు.

Zee Media Enterprises: అత్యంత ప్రజాదరణ పొందిన క్రీడా సంబరం ఫుట్‌బాల్‌ ప్రపంచకప్‌ ఈనెలలో జరగనుంది. ఫిఫా ప్రపంచ కప్ 2026కు మూడు దేశాలు ఆతిథ్యం ఇస్తుండగా ఈ మ్యాచ్‌ ప్రత్యక్ష ప్రసారాలు జీ మీడియాలో ప్రసారం కానున్నాయి. ఫిఫా ప్రపంచ కప్ మ్యాచ్‌ల ప్రసారానికి సంబంధించిన హక్కులు జీ మీడియా దక్కించుకుంది. జీ మీడియా ఎంటర్‌ప్రైజెస్ ఫీఫా ప్రపంచ కప్ 2026 హక్కులను జీ మీడియా దక్కించుకోగా.. ఈనెల నుంచి ప్రసారం కానున్నాయి. ప్రపంచ కప్ మ్యాచ్‌లు జూన్ 11వ తేదీన అమెరికా, మెక్సికో, కెనడాలో జరగనున్నాయి.

Janasena Sabha In Telangana: తెలంగాణ రాష్ట్రంలోని హైదరాబాద్‌లో‌ జనసేన అధినేత పవన్ కల్యాణ్ నిర్వహించేందుకు తలపెట్టిన భారీ బహిరంగ సభకు తెలంగాణ ప్రభుత్వం బ్రేక్ వేసింది. రేపు గచ్చిబౌలి వేదికగా జరగాల్సిన 'తెలంగాణ నవనిర్మాణ సంకల్ప సభ'కు అనుమతి ఇచ్చేందుకు రాష్ట్ర ప్రభుత్వం నిరాకరించింది. దీంతో జనసేన పార్టీ తదుపరి కార్యచరణ ఏమిటంటూ ఇప్పుడు రాజకీయ విశ్లేషకులు ఎదురుచూస్తున్నారు.

ప్రభుత్వం ఈ నిర్ణయం తీసుకోవడం వెనుక ప్రధానంగా రెండు కారణాలను పోలీసులు, అధికార యంత్రాంగం పేర్కొంది. తెలంగాణ ఆవిర్భావ వేడుకల సందర్భంగా రాష్ట్రవ్యాప్తంగా అధికారిక ఉత్సవాలు జరుగుతుండటంతో పాటు రాష్ట్రవ్యాప్తంగా జరిగే ఉత్సవాల్లో భాగంగా భద్రతా కారణాలు, ట్రాఫిక్ ఇబ్బందులను దృష్టిలో ఉంచుకొని ఈ సభకు అనుమతి నిరాకరించినట్లు కాంగ్రెస్ ప్రభుత్వం స్పష్టం చేసింది. 

హైకోర్టుకు జనసేన?
కాంగ్రెస్ ప్రభుత్వ నిర్ణయంతో జనసేన శ్రేణులు తీవ్ర అసంతృప్తికి లోనయ్యాయి. సభ నిర్వహణ కోసం అన్ని ఏర్పాట్లు చేసుకుంటున్న తరుణంలో సభ నిర్వహణకు అనుమతి నిరాకరించడంతో జనసేన ముఖ్య నేతలు ప్రత్యామ్నాయాలపై దృష్టి సారించారు. ప్రభుత్వ నిర్ణయాన్ని సవాల్ చేస్తూ రేపు ఉదయమే హైకోర్టును ఆశ్రయించాలని జనసేన లీగల్ టీమ్ యోచిస్తున్నట్లు సమాచారం అందుతోంది.

మరోవైపు ఏపీ డిప్యూటీ సీఎం పవన్ కల్యాణ్ తెలంగాణ సభపై రాష్ట్రంలో ఇప్పటికే రాజకీయ వేడి రాజుకుంది. ఈ సభను వ్యతిరేకిస్తూ తెలంగాణ మంత్రులు, అధికార కాంగ్రెస్ పార్టీ ఎమ్మెల్యేలు ఇప్పటికే తీవ్ర విమర్శలు గుప్పించారు. పవన్ తెలంగాణ పర్యటన వెనుక రాజకీయ వ్యూహాలు ఉన్నాయంటూ అధికార పక్షం ఆరోపిస్తుండగా, సభను అడ్డుకోవడానికే ప్రభుత్వం కావాలని అనుమతి నిరాకరించిందని జనసేన వర్గాలు మండిపడుతున్నాయి. అయితే తెలంగాణ హైకోర్టు ఇచ్చే తీర్పుపైనే ఇప్పుడు 'తెలంగాణ నవనిర్మాణ సంకల్ప సభ' భవితవ్యం ఆధారపడి ఉందని విశ్లేషకులు అంటున్నారు.