Bandi Sai Bageerath POCSO Case: కేంద్ర మంత్రి బండి సంజయ్‌ కుమారుడు బండి సాయి భగీరథ్‌ పోక్సో కేసు దేశవ్యాప్తంగా.. తెలంగాణలో తీవ్ర దుమారం రేపుతోంది. బాలికపై అత్యాచారానికి పాల్పడిన నిందితుడు బండి భగీరథ్‌ను రెండు రోజులైనా అరెస్ట్‌ చేయకపోవడంపై తీవ్ర విమర్శలు వస్తున్నాయి. ఈ సంఘటనపై పలువురు ప్రముఖులు స్పందిస్తూ తెలంగాణ పోలీసులను.. బండి సంజయ్‌పై తీవ్ర ఆగ్రహం వ్యక్తం చేస్తుండగా.. బీఆర్‌ఎస్‌ పార్టీ సీనియర్‌ నాయకులు, మాజీ మంత్రి హరీశ్ రావు స్పందించారు.

 Giant Python Video Watch Here: సాధారణంగా పాము కనిపిస్తేనే ఆమడ దూరం పరిగెడుతూ ఉంటారు.. అలాంటిది ప్రపంచంలోనే అత్యంత భారీ సర్పములో ఒకటైన కొండచిలువను పట్టుకోవాలన్నా.. దాని దరిదాపుల్లోకి వెళ్లాలన్న గుండె ధైర్యం ఉండాల్సిందే. కానీ సోషల్ మీడియాలో వైరల్ అవుతున్న ఒక వీడియో చూస్తే మాత్రం మీ కళ్ళు బైర్లు కమ్ముకపోవడం ఖాయం.. అంతేకాకుండా మీరు ఆశ్చర్య పోవడం తథ్యం.. ఒక వ్యక్తి ఏకంగా భారీ కొండచిలువకు ఇంట్లో పెంపుడు జంతువుకు చేసినట్లుగా సబ్బు పెట్టి స్నానం చేయిస్తున్నాడు..

వైరల్ అవుతున్న వీడియో వివరాల్లోకి వెళ్తే.. ఒక వ్యక్తి తన ఇంటి ముందు ఒక భారీ కొండచిలువను పడుకోబెట్టాడు.. అది ఎంత పొడవు ఉందంటే దానిని చూస్తేనే ఒళ్లంతా పాములు పాకినట్లు అనిపిస్తుంది.. ఆ వ్యక్తి చాలా సాధారణంగా ఒక మగ్గుతో నీళ్లు పోస్తూ.. ఆ పాము శరీరంపై సబ్బు రుద్దుతూ స్నానం చేయిస్తున్నాడు.. అంతటితో ఆగకుండా.. అతని పక్కనే ఉన్న చిన్నారి కూడా ఏమాత్రం భయం లేకుండా ఆ పాముకు ఒక చిన్న జగ్గుతో నీటిని పోయడం మీరు వీడియోలో క్లియర్ గా చూడొచ్చు..

ఆ కొండచిలువ కూడా చిన్నారిని కానీ.. దానికి స్నానం చేయిస్తున్న వ్యక్తిని కానీ ఏమీ అనకుండా చాలా ప్రశాంతంగా ఉండడం గమనార్హం.. సాధారణంగా కొండచిలువలు  విషపూరితం కానప్పటికీ.. కవితమ్మ శరీరంలో గట్టిగా చుట్టేసి ఎముకలను విరగొట్టగలుగుతాయి.. అటువంటి క్రూరమైన వన్యప్రాణితో ఒక చిన్నారి ఆడుకోవడం చూసి సోషల్ మీడియా వినియోగదారులు సైతం ఆశ్చర్యానికి గురవుతున్నారు.. అయితే, అక్కడే ఉన్న కొంతమంది దీనిని వీడియోగా చిత్రీకరించి సోషల్ మీడియాలో పోస్ట్ చేశారు. 

Kondagattu Anjanna Pedda Jayanti 2026: ప్రసిద్ధ పుణ్యక్షేత్రం, భక్తుల ఇష్టాదైవం కొండగట్టు ఆంజనేయ స్వామి వారి సన్నిధిలో హనుమాన్ పెద్ద జయంతి వేడుకలు నేటి నుంచి అంగరంగ వైభవంగా మొదలయ్యాయి.. రాష్ట్రం నలుమూలల నుంచే కాకుండా పురుగు రాష్ట్రాల నుంచి కూడా భక్తులు భారీగా తరలిరావడంతో అంజన్న క్షేత్రం జైశ్రీరామ్.. జై హనుమాన్ నామస్మరణతో మారు మోగింది.. పెద్ద జయంతి సందర్భంగా ఈ సమయంలో భక్తులు పెద్ద ఎత్తున తరలివస్తారు.. కాబట్టి ఆలయ అధికారులు భక్తులకు ఎలాంటి కష్టాలు కలగకుండా ప్రత్యేకమైన చర్యలు చేపడుతున్నట్లు తెలుస్తోంది.

మూడు రోజులపాటు అత్యంత వైభవంగా జరిగే ఈ ఉత్సవాల్లో భాగంగా మొదటి రోజు ఒక ముఖ్య ఘట్టం ఆవిష్కృతమైంది.. భద్రాచలం శ్రీ సీతారాముల ఆలయం నుంచి వచ్చిన పట్టు వస్త్రాలను స్వామివారికి సమర్పించే కార్యక్రమం భక్తుల భక్తి శ్రద్దల మధ్య సాగింది. స్థానిక ఎమ్మెల్యే మేడిపల్లి సత్యం ఈ పట్టు వస్త్రాలను తలమీద పెట్టుకొని మంగళ వాయిద్యాలు, డప్పు చప్పుల మధ్య ఊరేగింపుగా వచ్చి స్వామివారికి సమర్పించారు. ఈ సందర్భంగా ఆయన మాట్లాడుతూ.. క్షేత్ర అభివృద్ధికి ప్రభుత్వం కట్టుబడి ఉందని.. ఒక్క భక్తుడికి కూడా ఎలాంటి ఇబ్బంది కలగకుండా అన్ని ఏర్పాట్లు చేస్తున్నట్లు తెలిపారు..

ఉత్సవాల ప్రారంభం సందర్భంగా ఆలయ ప్రాంగణంలో ఏర్పాటు చేసిన సాంస్కృతిక ప్రదర్శనలు భక్తులను ఎంతగానో ఆకర్షింపచేశాయి.. స్థానిక, వివిధ ప్రాంతాల నుంచి వచ్చిన కళాకారులు ప్రదర్శించిన తీరు అందర్నీ ఆకట్టుకున్నట్లు తెలుస్తోంది. కేసరి సందడి వేషాధారణలో చిన్నారులు చేసిన నృత్యాలు ప్రత్యేక ఆకర్షణగా నిలిచాయి.. పెద్ద జయంతి సందర్భంగా 41 రోజుల హనుమాన్ దీక్షను చేపట్టిన మాలదారులు పెద్ద సంఖ్యలో కొండగట్టుకు చేరుకుంటున్నారు..

CUET UG 2026 Exam Day Rules: దేశవ్యాప్తంగా 48 సెంట్రల్ యూనివర్సిటీలతో పాటు అండర్ గ్రాడ్యుయేట్ కోర్సులో ప్రవేశానికి ఈ కామన్ యూనివర్సిటీ ప్రవేశ (CUET) పరీక్షలు ప్రతి ఏడాది నిర్వహిస్తారు. 2026-27 కు సంబంధించి రేపు 11వ తేదీ నుంచి పరీక్షలు ప్రారంభం కానున్నాయి. మే 31వ తేదీ వరకు ఆన్‌లైన్ విధానాల్లో వివిధ కేంద్రాల్లో ఈ పరీక్షలు నిర్వహిస్తారు. ఇంటర్ సెకండియర్ చదువుతున్న విద్యార్థులు పరీక్షలకు దరఖాస్తు చేసుకుంటారు. 

దీనికి సంబంధించి మొత్తం 37 సబ్జెక్టుల వారీగా విద్యార్థులకు ఈ పరీక్షలు నిర్వహిస్తారు. అడ్మిషన్ ప్రమాణాలు, అర్హత, ర్యాంకు మెరిట్ లిస్ట్ ఆధారంగా ఈ సీట్లను కేటాయిస్తారు. ఎంపికైన అభ్యర్థులు ఒరిజినల్ డాక్యుమెంట్స్ యూనివర్సిటీలో సబ్మిట్ చేయాల్సి ఉంటుంది. దేశవ్యాప్తంగా ఈ పరీక్షలు తెలుగు, తమిళం, గుజరాతి, మలయాళం, హిందీ, ఇంగ్లీష్, అస్సామీ, ఉర్దూ మొత్తంగా 13 భాషల్లో నిర్వహించనున్నారు. 

సీఈయూటీ పరీక్షకు హాజరయ్యే విద్యార్థుల డ్రెస్ కోడ్, లోనికి అనుమతించే వస్తువులు ఏంటో తెలుసుకుందాం..

సీఈయూటీ పరీక్షలకు హాజరయ్యే విద్యార్థులు తమతోపాటు కేవలం ట్రాన్సపరెంట్ వాటర్ బాటిల్ మాత్రమే తీసుకువెళ్లాలి. అంతేకాదు పరీక్షకు కనీసం గంట ముందు రిపోర్ట్ చేయాల్సి ఉంటుంది. 

 లైట్ దుస్తులను మాత్రమే ధరించాలి. షూస్ వేసుకోకూడదు. కేవలం స్లిప్పర్స్ మాత్రమే అనుమతిస్తారు. విద్యార్థులు తమతో పాటు సీఈయూటీ యూజీ అడ్మిట్ కార్డు, రెండు పాస్‌పోర్ట్ సైజ్ ఫోటోలను ఏదైనా ప్రభుత్వ గుర్తింపు పొందిన ధ్రువపత్రం కూడా తమతోపాటు తీసుకువెళ్లాలి. 

CM Vijay Family Rift: తమిళ చిత్రసీమలో తిరుగులేని కథానాయకుడిగా వెలిగిన విజయ్, రాజకీయాల్లోనూ తన సత్తా చాటారు. భారీ విజయంతో నేడు తమిళనాడు ముఖ్యమంత్రిగా ప్రమాణ స్వీకారం చేసి కొత్త అధ్యాయానికి తెరలేపారు. చెన్నైలోని జవహర్‌లాల్ నెహ్రూ ఇండోర్ స్టేడియం అభిమానుల కోలాహలం, సినీ, రాజకీయ ప్రముఖుల సమక్షంలో ఈ వేడుక అత్యంత వైభవంగా జరిగింది. అయితే తమిళనాడు ముఖ్యమంత్రిగా విజయ్ బాధ్యతలు స్వీకరించిన వేళ, ఆయన కుటుంబ సభ్యుల గైర్హాజరీపై ఇప్పుడు సోషల్ మీడియాలో తెగ చర్చ జరుగుతోంది.

ఈ చరిత్రాత్మక ఘట్టంలో ఒక లోటు మాత్రం స్పష్టంగా కనిపించింది. తన తండ్రి రాష్ట్రానికే అధిపతి అవుతున్న తరుణంలో, పక్కనే ఉండి అభినందనలు తెలపాల్సిన కుమారుడు జాసన్ సంజయ్, కుమార్తె దివ్య సాషా ఈ వేడుకకు దూరంగా ఉండటం ఇప్పుడు హాట్ టాపిక్‌గా మారింది.

ఈ పరిస్థితికి కారణం ఏంటి?
సీఎం విజయ్ వ్యక్తిగత జీవితంలో గత కొంతకాలంగా నెలకొన్న పరిణామాలే దీనికి కారణమని విశ్లేషకులు భావిస్తున్నారు. విజయ్, ఆయన భార్య సంగీత మధ్య మనస్పర్థలు, విడివిడిగా ఉంటున్నారనే వార్తలు గతంలోనే వచ్చాయి. ప్రస్తుతం సంగీత లండన్‌లో నివసిస్తుండగా, పిల్లలు ఇద్దరూ ఆమెతోనే ఉంటున్నట్లు సమాచారం.

ముఖ్యంగా కుమారుడు జాసన్ సంజయ్ తన తల్లికి అండగా నిలుస్తున్నారని, అందుకే తండ్రికి సంబంధించిన రాజకీయ పరిణామాలకు దూరంగా ఉంటున్నారని మద్దతు ఇస్తున్నారు. కనీసం సోషల్ మీడియా వేదికగా కూడా ఆయన తండ్రి విజయంపై స్పందించలేదు. కుమార్తె దివ్య సాషా కూడా తండ్రి ప్రమాణ స్వీకారానికి హాజరుకాకపోవడం కుటుంబ సభ్యుల మధ్య గ్యాప్ ఎంత ఉందో స్పష్టం చేస్తోంది.

ఒకవైపు లక్షలాది మంది అభిమానులు 'దళపతి'ని ముఖ్యమంత్రి పీఠంపై చూసి మురిసిపోతుంటే, మరోవైపు తన సొంత పిల్లలు పక్కన లేకపోవడం విజయ్ వ్యక్తిగత జీవితంలో మరో కోణాన్ని ఆవిష్కరిస్తోంది. రాజకీయంగా అత్యున్నత శిఖరానికి చేరుకున్న వేళ, ఈ కుటుంబ పరిణామాలు నెట్టింట చర్చనీయాంశంగా మారాయి. కొత్త ముఖ్యమంత్రిగా విజయ్ తన పాలనతో ప్రజలను ఎలా మెప్పిస్తారో వేచి చూడాలి, అదే సమయంలో ఈ కుటుంబ విభజనలు ఎప్పటికి సర్దుమణుగుతాయో అని అభిమానులు ఆశిస్తున్నారు.

 Cobra Trapped In Car Video Watch: సాధారణంగా వాహనదారులు తమ కారును రోడ్డుపైకి తీసే ముందు టైర్లలో గాలి ఉందో లేదో చూసుకుంటూ ఉంటారు. కానీ ఇప్పుడు వైరల్ అవుతున్న ఈ వీడియో చూసిన తర్వాత మాత్రం.. టైర్ల లోపల ఏమైనా ప్రాణహాని కలిగిన జీవులు ఉన్నాయేమోనని కూడా చెక్ చేసుకోవాల్సిన పరిస్థితి ఏర్పడుతుంది. ఒక ప్రమాదకరమైన నాగుపాము కారు చక్రం సందులో దూరి కూర్చున్న ఘటన ఇప్పుడు సోషల్ మీడియాలోని నెటిజన్లను వణికిస్తోంది. దీనికి సంబంధించిన వీడియో ఇప్పుడు సోషల్ మీడియాలో సంచలనంగా మారింది.

వీడియోకు సంబంధించిన వివరాల్లోకి వెళితే.. ఒక వ్యక్తి తన కారును బయటికి తీద్దామని వెళ్లగా.. కారు చక్రం పై భాగంలో ఏదో కదులుతున్నట్లు గమనించాడు.. తీరా దానిని పరిశీలించి చూడగా అక్కడ దాదాపు 5 అడుగుల పొడవైన అత్యంత ప్రమాదకరమైన నాగుపాము చుట్టుకొని ఉండడం కనిపించింది. అది ఎప్పుడు వచ్చిందో? ఎలా లోపలికి దూరిందో తెలియదు కానీ.. టైర్ లో సన్నని సందులో చుట్టుకొని ఉండడం మీరు గమనించవచ్చు..

భయంతో వణికిపోయిన యజమాని వెంటనే స్థానిక స్నేక్ క్యాచర్‌కు సమాచారం అందించాడు. వారు ఘటనా స్థలానికి చేరుకొని పామును బయటకు తీసుకువచ్చేందుకు ప్రయత్నించారు. అయితే, ఆ పాము చక్రం లోపల ఉన్న చిన్న రాడ్డు మధ్య గట్టిగా చుట్టుకొని ఉండడంతో బయటికి తీయడం పెద్ద సవాలుగా మారింది.. స్నేక్ క్యాచర్ ఒక కర్ర సహాయంతో దానిని కదిలించే ప్రయత్నం చేయగా.. ఆ నాగుపాము కోపంతో గుసలు కొడుతూ వారి పైకి దాడి చేసే ప్రయత్నం చేసింది. అయితే దీనిని అక్కడే ఉన్న కొంతమంది స్మార్ట్‌ఫోన్స్‌లో చిత్రీకరించి సోషల్ మీడియాలో పోస్ట్ చేశారు.. దాదాపు గంటసేపు శ్రమించిన తర్వాత ఎట్టకేలకు ఆ పామును సురక్షితంగా రెస్క్యూ చేసి అడవిలో వదిలిపెట్టినట్లు తెలుస్తోంది..

Karimnagar Pmj Jewellery Robbery Case: రాష్ట్రవ్యాప్తంగా సంచలనంగా మారిన కరీంనగర్ పీఎంజే (PMJ) జువెలరీ భారీ దోపిడీ కేసులో ఎట్టకేలకు పోలీసులకు కీలక ఆధారాలు లభించినట్లు తెలుస్తోంది. ఈ కేసులో దర్యాప్తును ముమ్మరం చేసిన కరీంనగర్ పోలీసులు.. సాంకేతిక పరిజ్ఞానం సహాయంతో నిందితుల కదలికలను కనిపెట్టారు. చోరీ చేసిన బంగారాన్ని విక్రయించే ప్రయత్నం చేస్తుండగా.. పశ్చిమ బెంగాల్లోని ఒక ప్రధాన నిందితుడిని ప్రత్యేక బృందాలు అదుపులోకి తీసుకున్నట్లు వార్తలు వస్తున్నాయి. 

నిందితుడు పశ్చిమ బెంగాల్లోని ఒక స్థానిక నగల వ్యాపారికి చోరీ చేసిన బంగారాన్ని విక్రయిస్తున్న సమయంలో పోలీసులు మెరుపు దాడిని చేశారు. అతని వద్ద నుంచి కొంతమేర బంగారు ఆభరణాలను స్వాధీనం చేసుకున్నారు. అంతేకాకుండా దొంగలించిన నగలు అని తెలిసినా కూడా వాటిని కొనుగోలు చేసేందుకు సిద్ధపడిన సదరు వ్యాపారిని కూడా పోలీసులు అరెస్టు చేసినట్లు తెలుస్తోంది. ప్రస్తుతం వారిద్దరిని కరీంనగర్ కు తరలించేందుకు ట్రాన్సిట్ రిమాండ్ ప్రక్రియను కూడా పూర్తి చేసినట్లు తెలుస్తోంది..

ఈ దోపిడి వెనక ప్రొఫెషనల్ అంతరాష్ట్ర ముఠాహస్తం ఉన్నట్లు పోలీసులు నిర్ధారించారు.. పక్క ప్లాన్‌తో షో రూమ్‌లోకి చొరబడిన దొంగలు సీసీ కెమెరాలతో పాటు సెక్యూరిటీ కళ్లు కప్పి భారీగా నగలను దోచుకెళ్లారు.. ఈ కేసులో మొత్తం ఆరుగురు పాల్గొన్నట్లు ప్రాథమిక దర్యాప్తులో తేలింది. ప్రస్తుతం చిక్కిన వ్యక్తి నుంచి మిగిలిన 5 నిందితుల వివరాలను పోలీసులు రాబడుతున్నట్లు సమాచారం.. వారు కూడా పశ్చిమ బెంగాల్ లేదా పొరుగు రాష్ట్రాల్లో తలదాచుకొని ఉండవచ్చని పోలీసులు అనుమానిస్తున్నారు..

Karimnagar PHCs Fund Crisis News: రాష్ట్రంలోని పేదల ప్రాథమిక వైద్యానికి వెన్నుముకగా నిలవాల్సిన ప్రాథమిక ఆరోగ్య కేంద్రాలు నేడు నిధుల కోరతతో కొట్టుమిట్టాడుతున్నాయి. ఉమ్మడి కరీంనగర్ జిల్లా వ్యాప్తంగా ప్రభుత్వ వైద్యశాలలకు అందాల్సిన గ్రాంట్లు నిలిచిపోవడంతో వ్యవస్థ హస్తవ్యస్తంగా తయారయింది. గత రెండేళ్లుగా నిధుల విడుదల లేకపోవడంతో ఆస్పత్రుల నిర్వహణ ప్రశ్నార్థకంగా మారింది. అంతేకాకుండా రోగులు కూడా తీవ్ర అవస్థల పాలవుతున్నారు. ముఖ్యంగా పేద రోగులు పరిస్థితి అస్తవ్యస్తంగా మారిపోయింది..

ప్రాథమిక ఆరోగ్య కేంద్రాల రోజువారి నిర్వహణ.. చిన్నపాటి మరమ్మత్తుల తో పాటు మందుల రవాణా వంటి అవసరాల కోసం ప్రభుత్వం హెల్త్ ఫండ్ విడుదల చేస్తుంది. అయితే ఉమ్మడి కరీంనగర్ జిల్లాలోని 15 పట్టణ ఆరోగ్య కేంద్రాలతో పాటు 71 గ్రామీణ పీహెచ్పీ లకు సంబంధించి 2022 సెప్టెంబర్ నుంచి ఈ నిధులు నిలిచిపోయాయి. ప్రస్తుతం జిల్లా వ్యాప్తంగా సుమారు రూ.2.87 కోట్ల బకాయాలు పెండింగ్లో ఉన్నట్లు గణాంకాలు చెబుతున్నాయి. 

నిధుల కోరత కారణంగా ఆసుపత్రుల్లో కనీస మౌలిక వసతుల కల్పన పూర్తిగా ఆగిపోయింది. అంతేకాకుండా వర్షం పడితే పైకప్పుల నుంచి నీరు కారడమే కాకుండా.. శిథిలావస్థకు చేరిన గోడలకు రంగు వేయడం వంటి పనులు నిలిచిపోయాయి. ఇక పారిశుద్ధ్య కార్మికుల వేతనాలతో పాటు బ్లీచింగ్ పౌడర్ ఇతర శుభ్రత సామాగ్రి కొనుగోలుకు నిధులు లేక ఆస్పత్రులు అశుభ్రంగా మారాయి. దీంతోపాటు పెండింగ్ బిల్లుల కారణంగా కొన్నిచోట్ల విద్యుత్ సరఫరాకు కూడా అంతరాయం కలిగిన పరిస్థితులు నెలకొన్నాయి..

ఆస్పత్రికి వచ్చే రోగులకు ఇబ్బంది కలగకూడదని ఉద్దేశంతో.. చేసేదేమీ లేక కొందరు వైద్యాధికారులు తమ సొంత జేబుల నుంచే ఖర్చులు చేస్తున్నారట.. నెలకు రూ.1000 పెట్టి అత్యవసర మరమ్మత్తులు చేయిస్తున్నారు. ప్రభుత్వాన్ని నుంచి రియంబర్స్మెంట్ వస్తుందో రాదో తెలియని పరిస్థితులలో తమ జీవితాల్లో నుంచి ఖర్చులు భరించాల్సి వస్తుందని వైద్యులు ఆవేదన వ్యక్తం చేస్తున్నారు. 

Moon Transit In Ashwini Nakshatra Effect On Zodiac 2026: ఈ ఏడాది మే 14వ తేదీన గురు ప్రదోష వ్రతం వచ్చింది. ఈ ఈ శుభదినం రోజునే చంద్రుడు కేతు ఉగ్రహానికి సంబంధించిన అశ్విని నక్షత్రంలో ప్రవేశించబోతున్నాడు. మే 14 గురువారం రాత్రి 10 గంటలకు చంద్రుడు అశ్వినీ నక్షత్రంలోకి ప్రవేశిస్తాడు. చంద్రుడు మే 15న రాత్రి 8 గంటల వరకు అదే నక్షత్రంలో సంచార దశలో కొనసాగుతాడు. దీని కారణంగా ఈ ప్రభావం అన్ని రాశుల వారిపై కొనసాగుతుంది. ముఖ్యంగా చంద్రుడి ప్రభావంతో ఈ సమయంలో కొన్ని రాశుల వారికి ఆర్థికంగా అద్భుతమైన ప్రయోజనాలు చేకూరే అవకాశాలు ఉన్నాయి. అంతేకాకుండా గతంలో పోయిన డబ్బు కూడా తిరిగి వచ్చే అవకాశాలు కనిపిస్తున్నాయి. ముఖ్యంగా దీర్ఘకాలిక సమస్యలతో బాధపడుతున్న వారికి విశేషమైన ప్రయోజనాలు కలుగుతాయని జ్యోతిష్య శాస్త్ర నిపుణులు చెబుతున్నారు. 

ఈ రాశులవారికి బంపర్‌ జాక్‌పాట్:
మేషరాశి 
అశ్విని నక్షత్రంలోకి చంద్రుడు సంచారం కారణంగా మేషరాశి వారికి ఈ సమయం చాలా లాభదాయకంగా ఉంటుంది. ముఖ్యంగా పెండింగ్లో ఉన్న పనులు ఎంతో సులభంగా పూర్తవుతాయి. అలాగే వృత్తిపరమైన సమస్యల నుంచి చాలావరకు పరిష్కారం లభిస్తుంది. ముఖ్యంగా ఉన్నత అధికారులకు మీరు ఇష్టమైన వ్యక్తిగా మారతారు. అలాగే కొత్త ప్రాజెక్టు లభించడమే కాకుండా కుటుంబంలో శాంతి కూడా నెలకొంటుంది. 

మిథున రాశి 
మిథున రాశిలో జన్మించిన వ్యక్తులకు కూడా ఈ సమయం చాలా లాభదాయకంగా ఉంటుంది. ముఖ్యంగా ఈ శుభ సమయంలో ఎలాంటి పనులు చేసిన అద్భుతమైన ధన లాభాలు పొందుతారు. అలాగే డబ్బుకు కూడా కోరత ఉండదని జ్యోతిష్యులు చెబుతున్నారు. అంతేకాకుండా ఆత్మవిశ్వాసం ఊహించని స్థాయిలో రెట్టింపు అవుతుంది. దీని కారణంగా ఎలాంటి పనులైన చేసే అవకాశాలు ఉన్నాయి. మానసిక ప్రశాంతత కూడా విపరీతంగా పెరుగుతుంది. 

సింహరాశి 
సింహరాశిలో జన్మించిన వ్యక్తులకు చంద్రుడి సంచారం కారణంగా విశేషమైన ప్రయోజనాలు కలుగుతాయి. ముఖ్యంగా పాత కోరికలు నెరవేరడమే కాకుండా ఉద్యోగాల్లో గొప్ప పురోగతి కూడా లభిస్తుంది. అంతేకాకుండా ఈ సమయంలో ఊహించని స్థాయిలో ఉద్యోగస్తులకు పదోన్నతులు కూడా లభించబోతున్నాయి. అలాగే జీతం విపరీతంగా పెరుగుతుందని జ్యోతిష్యులు చెబుతున్నారు. దీంతోపాటు కొత్త క్లైంట్ల సమస్యలు కూడా పరిష్కారం అవుతాయి.

ధనస్సు రాశి 
ధనస్సు రాశిలో జన్మించిన వ్యక్తులకు అశ్వినీ నక్షత్రంలోకి చంద్రుడు ప్రవేశించడం కారణంగా సమాజంలో గౌరవం విపరీతంగా పెరుగుతుంది. దీంతోపాటు మానసిక సమస్యలు ఊహించని స్థాయిలో తొలగిపోతాయి. వ్యాపారాల కోసం ఎదురుచూస్తున్న వ్యక్తులకు మంచి మంచి అవకాశాలు లభిస్తాయి. ఆర్థిక లాభాలు చేకూరడమే కాకుండా అనేక సమస్యల నుంచి విముక్తి లభిస్తుంది.

Mars Transit Effect On Zodiac: జ్యోతిష్య శాస్త్రం ప్రకారం.. గ్రహాల కదలికలు ఒక వ్యక్తి విధిరాతతో పాటు జీవితం పై ప్రత్యక్షమైన ప్రభావాన్ని చూపుతూ ఉంటాయి. అందుకే జాతకాల్లో గ్రహాలు కీలకంగా భావిస్తూ ఉంటారు. ఇదిలా ఉంటే మే 11వ తేదీ నుంచి కుజుడు, కేతువు నక్షత్రాల్లోకి ప్రవేశిస్తాడు. జ్యోతిష్య శాస్త్రం ప్రకారం ఇది చాలా ముఖ్యమైన సంఘటనగా భావిస్తూ ఉంటారు. కుజుడిని బలంతో పాటు ధైర్యం కార్యాచరణకు అధిపతిగా చెప్పుకుంటూ ఉంటారు. మరోవైపు కేతు ఆకస్మిక మార్పు, కర్మ ఫలాలతో సంబంధం కలిగిన గ్రహంగా పరిగణిస్తారు. ఈ సమయంలో రెండు గ్రహాల కలయిక కారణంగా కొన్ని రాశుల వారిపై ఊహించని ప్రభావం పడుతుంది. ముఖ్యంగా వృత్తి, డబ్బు, ఆస్తులు పరంగా అనేక మార్పులు సంభవించే అవకాశాలున్నాయి.

జ్యోతిష్య శాస్త్రం ప్రకారం.. జాతకంలో కుజుడు అనుకూల స్థానంలో ఉండడం వల్ల ఆకస్మిక ఆర్థిక లాభాలు కలగడమే కాకుండా.. గతంలో ఇతరులకు ఇచ్చిన డబ్బు కూడా తిరిగి పొందే అవకాశాలను పెంచుతుంది. అలాగే ఇది వృత్తి జీవితంపై కూడా ప్రభావాన్ని చూపుతుంది. దీని కారణంగా వృత్తిలో పురోగతి లభించడమే కాకుండా మరెన్నో కొత్త కొత్త అవకాశాలు లభిస్తాయి. అంతేకాకుండా అదృష్టం సహకరించి స్థిరాస్తికి సంబంధించిన ప్రయోజనాలు కూడా కలిగే అవకాశాలు ఉన్నాయి. అలాగే కుజుడి శుభప్రభావంతో పాత విభేదాలు లేదా కోర్టు కేసుల నుంచి ఎంతో సులభంగా పరిష్కారం కలుగుతుంది. దీంతోపాటు ఆత్మవిశ్వాసాన్ని కూడా విపరీతంగా పెరుగుతుంది. కాబట్టి ఈ సమయాల్లో ఎలాంటి పనులైన ఎంతో సింపుల్‌గా చేసి విశేషమైన లాభాలు పొందగలుగుతారు.

ఈ రాశుల వారిపై అపారమైన కుజుడి ప్రభావం..
మేష రాశి 
మే 11వ తేదీ నుంచి మేషరాశి వారికి ఈ సమయం ఎంతో అనుకూలంగా ఉండబోతుంది. కుజుడి ప్రభావంతో వీరికి కష్టానికి తగిన ప్రతిఫలాలు లభించబోతున్నాయి. కొత్త ఆదాయ మార్గాలు కూడా ఈ సమయంలో తప్పకుండా తెరుచుకుంటాయి. అసంపూర్తిగా ఉన్న పనులు సులభంగా పూర్తి కావాల్సి ఉంటుంది. అంతేకాకుండా పెట్టుబడుల ద్వారా ఆకస్మిక ధనలాభాలు పొందగలుగుతారు. అంతేకాకుండా భారీ మొత్తంలో డబ్బులు సంపాదించే అదృష్టాన్ని సొంతం చేసుకోగలుగుతారు.

కర్కాటక రాశి 
కుజుడి అనుగ్రహం మే 11వ తేదీ నుంచి కర్కాటక రాశి వారికి కూడా ఉంటుంది. కాబట్టి వీరికి అదృష్టం అనుకున్నంత స్థాయిలో పెరిగే అవకాశాలు కనిపిస్తున్నాయి.s పదోన్నతులు లభించడమే కాకుండా కొత్త కొత్త బాధ్యతలు పొందగలుగుతారు. వ్యాపారాల్లో ఈ సమయం ఎంతో లాభదాయకంగా ఉంటుంది. అంతేకాకుండా కుటుంబంలో సంతోషకరమైన వాతావరణం నెలకొంటుంది. ఎప్పటినుంచో తీవ్ర మానసిక సమస్యలతో బాధపడుతున్న వ్యక్తులకు ఈ సమయం అద్భుతంగా ఉంటుంది. 

మిథున రాశి 
కుజుడి ప్రభావంతో మిధున రాశి వారికి అద్భుతమైన ప్రయోజనాలు కలుగుతాయి. ముఖ్యంగా కెరియర్ పరంగా పెద్ద పెద్ద మార్పులు సంభవించే అవకాశాలు కనిపిస్తున్నాయి. వీరి కష్టానికి తగిన గుర్తింపు లభించి జీవితంలో ఉన్నత స్థాయికి ఎదిగే అవకాశాలున్నాయి. అలాగే వీరు కొత్త అవకాశాలు పొందడమే కాకుండా జీవితంలో ఉన్నత స్థితికి ఎదిగే ఛాన్సులు కనిపిస్తున్నాయి. వ్యాపారస్తులకు ఈ సమయం ఎంతో ప్రయోజనకరంగా ఉంటుంది. దీర్ఘకాలిక సమస్యలు కూడా వ్యాపారస్తులకు పరిష్కారం అవుతాయి.

IPL 2026 RR vs GT Highlights: ఐపీఎల్‌ సీజన్‌ ఆరంభంలో వరుస విజయాలతో దూసుకెళ్లిన రాజస్థాన్‌ రాయల్స్‌ క్రమంగా డీలా పడిపోతున్నది. వరుస ఓటములను చవిచూస్తున్న రాజస్థాన్‌ మరో ఓటమిని ఖాతాలో వేసుకుంది. గుజరాత్‌ టైటాన్స్‌తో జరిగిన మ్యాచ్‌లో ఏమాత్రం ప్రభావం చూపని రాజస్థాన్‌ పరాజయం పొంది ప్లేఆఫ్స్‌ రేసు నుంచి దూరమవుతోంది. మరోవైపు గుజరాత్‌ టైటాన్స్‌ అద్భుతంగా పుంజుకుని మరో విజయాన్ని ఖాతాలో వేసుకోవడమే కాకుండా మెరుగైన రన్‌రేట్‌తో పాయింట్ల పట్టికలో రెండో స్థానానికి దూసుకెళ్లింది. 77 పరుగుల తేడాతో గుజరాత్‌ నెగ్గిన ఈ మ్యాచ్‌కు సంబంధించిన విశేషాలు ఇలా ఉన్నాయి.

Bandi Bagirath POCSO Case: మద్యం తాగించి బాలికపై అత్యాచారానికి పాల్పడ్డాడనే ఆరోపణలపై కేంద్ర సహాయక మంత్రి బండి సంజయ్‌ కుమారుడు బండి భగీరథ్‌ సాయిపై పేట్‌ బషీరాబాద్‌ పోలీస్‌ స్టేషన్‌లో పోక్సో కేసు నమోదడంతో తెలంగాణతోపాటు దేశవ్యాప్తంగా తీవ్ర సంచలనం రేపింది. ఈ వ్యవహారంపై జాతీయ స్థాయిలో రచ్చ మొదలవగా.. బీఆర్‌ఎస్‌ పార్టీతోపాటు కాంగ్రెస్‌ తీవ్ర విమర్శలు, ఆరోపణలు చేసింది. తెలంగాణలో తీవ్ర రాజకీయ దుమారం రేపిన ఈ సంఘటనపై తొలిసారి నిందితుడి తండ్రి, కేంద్ర సహాయక మంత్రి బండి సంజయ్‌ స్పందించారు. తనకు న్యాయ వ్యవస్థపై నమ్మకం ఉందని విశ్వాసం వ్యక్తం చేశారు.