Emotional Family Video: కన్నవారి కలలను నెరవేర్చడంలో ఉండే ఆనందం అంతో, ఇంతో కాదు.. పేదరికంలో పుట్టినా.. పట్టుదలతో శ్రమించి పైకొచ్చి.. అమ్మానాన్నల కళ్లలో ఆనందం చూస్తే.. ఆ తృప్తి ముందు కోట్ల రూపాయలు కూడా పనికారవు.. తాజాగా రాజస్థాన్‌కు చెందిన ఒక యువకుడు తన తల్లిదండ్రులను తొలిసారిగా విమానం ఎక్కించి.. వారి జీవితంలో మర్చిపోలేని అద్భుతమైన అనుభూతిని బహుమతిగా అందించాడు. దీనికి సంబంధించిన వీడియో ప్రస్తుతం సోషల్ మీడియాలో వైరల్ అవుతోంది.. ఈ వీడియో ఇప్పుడు లక్షలాది నెటిజన్ల హృదయాలను గెలుస్తోంది. అయితే, దీనికి సంబంధించి పూర్తి వివరాలు ఇప్పుడు మనం తెలుసుకుందాం..

ఈ వీడియోకు సంబంధించిన పూర్తి వివరాల్లోకి వెళితే.. రాజస్థాన్‌కు చెందిన ఖేము సైనీ అనే యువకుడు ఒక సాధారణ కుటుంబంలో పుట్టాడు. ఒకప్పుడు కుటుంబ తినడానికి చాలా కష్టం అయ్యేది.. నెలకు కేవలం 6 నుంచి 7 వేల రూపాయలు మాత్రమే సంపాదిస్తూ.. తీవ్రంగా కష్టపడేవాడు.. ఆ సమయంలో పూట గడవడమే ఎంతో కష్టంగా ఉండేది.. అలాంటి పరిస్థితుల్లో విమానం ఎక్కడం అనేది ఆ కుటుంబానికి కలలో కూడా ఊహించని విషయంగానే భావించవచ్చు.. కానీ.. ఖేము తన పేదరికాన్ని చూసి అస్సలు కుంగిపోలేదట.. తన కష్టాన్ని నమ్ముకుని పగలు రాత్రి చాలా వరకు కష్టపడ్డాడు.. ఎంతో శ్రమతో ఆర్థికంగా స్థిరపడిన తర్వాత.. తన తల్లిదండ్రులకు, అక్కకు విమాన ప్రయాణం చేయించాలనే తన చిరకాల కోరికను నెరవేర్చాడు.

ఖేము సైనీ తన ఇన్‌స్టాగ్రామ్ ఖాతా (@tijara_vines01) ద్వారా ఈ అద్భుతమైన వీడియోను పోస్ట్ చేశాడు.. ఈ వీడియోలో, అతని కుటుంబం రాజస్థానీ సంప్రదాయ దుస్తులైన ధోతీ-కుర్తా ధరించి.. ఎంతో సంతోషంగా విమానాశ్రయానికి రావడం ఈ వీడియోలో మనం చూడోచ్చు. ఎయిర్‌పోర్ట్‌లో అడుగుపెట్టినప్పటి.. నుంచి విమానంలో కూర్చునే వరకు ఆ తల్లిదండ్రుల ముఖంలో కనిపించిన ఆనందం.. కళ్లలో మెరిసిన ఆ బ్రైట్‌నెస్‌ అందరినీ విపరీతంగా ఆకట్టుకుంటోంది. విమానం గాల్లోకి ఎగిరిన తర్వాత వారు పొందిన సంతోషం చూసి ప్రతి ఒక్కరూ ఎంతగానో భావోద్వేగానికి గురయిన్నట్లు తెలుస్తోంది..

Viral Latest Pic: ఈ రోజుల్లో పెళ్లికి ముందు ప్రీ వెడ్డింగ్ షూట్ (Pre-Wedding Shoot) అనేది ఒక తప్పనిసరి తంతుగా మారిపోవడం విశేషం.. పెళ్లి ఎంత ఘనంగా చేసుకుంటున్నారనే దానికంటే.. ప్రీ వెడ్డింగ్ షూట్ ఎంత వెరైటీగా ప్లాన్ చేశారనేదే ఇప్పుడు హాట్ టాపిక్‌గా మారింది.. ఇరుగు పొరుగు వారు ఆశ్చర్యపోయేలా.. సోషల్ మీడియాలో తమదే బెస్ట్ కపుల్ అనిపించుకునేలా యువత రకరకాల సాహసాలు చేస్తున్నారు. ఈ క్రమంలోనే తాజాగా ఒక జంట చేయించుకున్న ప్రీ వెడ్డింగ్ ఫోటోషూట్ ఇప్పుడు సోషల్ మీడియాను షేక్‌ చేస్తోంది.

సాధారణంగా ప్రీ వెడ్డింగ్ ఫోటోలు అనగానే.. పచ్చని పొలాలు, సముద్ర తీరాల్లో రొమాంటిక్‌గా దిగుతుంటారు. కానీ, వైరల్ అవుతున్న ఈ తాజా ఫోటోలో ఒక జంట అద్భుతమైన ఫార్మల్.. ఖరీదైన పార్టీ వేర్ దుస్తులు ధరించి.. ఒక అందమైన కొలను దగ్గర నిల్చుని ఉండడం మీరు ఈ ఫోటోల్లో చూడొచ్చు. అందులో కాబోయే వధువు చాలా అందంగా ముస్తాబై.. కెమెరా వైపు చూస్తూ ఎంతో ఆకర్షణీయంగా చిరునవ్వుతో ఫోజులిచ్చింది.. ఇక్కడి వరకు చూస్తే ఇదొక అద్భుతమైన ఫోటో అనిపిస్తుంది. కానీ, ఆమె పక్కనే ఉన్న కాబోయే వరుడి స్టిల్ చూస్తే మాత్రం ఎవరికైనా ఒక్కసారిగా మైండ్ బ్లాక్ అవ్వాల్సిందే.

ఆ యువకుడు వధువుకు కొద్దిగా దూరంగా నిలబడి ఉండడం మీరు క్లియర్‌గా చూడొచ్చు.. అంతేకాకుండా ఏకంగా ఆ కొలనులోకి మూత్ర విసర్జన (Urinating) చేస్తున్నట్లుగా కెమెరాకు స్టిల్ ఇచ్చాడు. వినడానికి వింతగా అనిపించినా.. ఫోటోలో ఉన్నది ఇదే.. విభిన్నంగా కనిపించాలన్న ఉద్దేశ్యమో.. లేదా నెటిజన్ల దృష్టిని ఆకర్షించాలన్న ఆరాటమో కానీ.. ఇలాంటి ఒక వింతైన కాన్సెప్ట్‌తో ఫోటో దిగాలనే ఆలోచన ఆ ఫోటోగ్రాఫర్‌కు ఎలా వచ్చిందో.. దానికి ఆ జంట ఎలా ఒప్పుకుందో అర్థం కాక నెటిజన్లు తలలు పట్టుకుంటున్నారు.

YS Jagan Padayatra: మరో ఏడాదిలో తన పాదయాత్ర మొదలవుతుందని వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌ మోహన్‌ రెడ్డి ప్రకటించారు. పాదయాత్ర జరిగిన తర్వాత ఏడాది ఎన్నికలు జరుగుతాయని..  ఎన్నికలు ఎప్పుడు జరిగినా తమదే (వైఎస్సార్‌సీపీ) విజయం అని పూర్తి విశ్వాసం ప్రకటించారు. నిత్యం ప్రజలతో మమేకమై పని చేయాలని వైఎస్సార్‌సీపీ శ్రేణులకు సూచించారు. 'అన్నింట్లో చంద్రబాబు విఫలమవడంతో వైఎస్సార్‌సీపీపై రోజురోజుకీ ప్రజాదరణ పెరుగుతోంది. అందుకే నాటి వైఎస్సార్‌సీపీ పరిపాలనను, ఇప్పుడు వెన్నుపోటు పార్టీ కూటమి పాలనతో పోల్చి చూస్తున్నారు. దీనిపై ప్రతి ఇంట్లో చర్చ జరుగుతోంది' అని మాజీ సీఎం వైఎస్‌ జగన్‌ తెలిపారు. స్థానిక యుద్ధానికి సిద్ధం కావాలని పిలుపునిచ్చారు.

రాజమండ్రి రూరల్‌ అసెంబ్లీ నియోజకవర్గ వైఎస్సార్‌సీపీ స్ధానిక సంస్ధల ప్రజా ప్రతినిధులు, నాయకులు, ముఖ్య కార్యకర్తలతో ఆ పార్టీ అధినేత మాజీ సీఎం వైఎస్‌ జగన్‌ మోహన్‌ రెడ్డి సమావేశారు. తాడేపల్లిలోని పార్టీ కేంద్ర కార్యాలయంలో జరిగిన ఈ సమావేశంలో వైఎస్‌ జగన్‌ కీలక వ్యాఖ్యలు చేశారు. 'స్థానిక సంస్థల ఎన్నికల పోరుకు సిద్ధం కండి. గెలుపే లక్ష్యంగా పని చేయాలి. వెన్నుపోటు పార్టీ కూటమి ప్రభుత్వంపై ప్రజల్లో తీవ్ర వ్యతిరేకత ఉంది. ఏ ఒక్క వర్గమూ కూడా సంతోషంగా లేదు' అని తెలిపారు. ప్రజల్లో ఉన్న వ్యతిరేకత స్థానిక ఎన్నికల్లో కనిపించకుండా చేసేందుకు పోలీసులను ప్రయోగిస్తారు. అన్నీ ఎదుర్కొని యుద్ధం చేయాలి' అని పార్టీ శ్రేణులకు సూచించారు. మనకు అత్యంత ప్రజాదరణ ఉందని.. తప్పకుండా గెలుస్తామని ఆశాభావం వ్యక్తం చేశారు.

'ఆంధ్రప్రదేశ్‌ రాష్ట్రంలో దారుణంగా శాంతి భద్రతలు దిగజారిపోయాయి. ఇసుక, మట్టి, మద్యం మాఫీయాలు. గంజాయి రవాణా చేస్తూ పోలీసులు పట్టుబడిన స్థాయికి వ్యవస్థలు దిగజారాయి. ఆ ఘటన నుంచి ప్రజల దృష్టి మళ్లించేందుకు కుట్రలు చేస్తున్నారు' అని మాజీ సీఎం వైఎస్‌ జగన్‌ వివరించారు. 'రాజమండ్రిలో డాక్టర్‌ ప్రియాంకను దారుణంగా చంపారు. కారుతో పదే పదే ఢీకొట్టి ప్రాణం తీశారు. అయినా కేసు బయటకు రాకుండా తొక్కి పెట్టే ప్రయత్నం చేశారు' అని ఆరోపించారు. అంత దారుణంగా పోలీసులు, అధికార పార్టీ (టీడీపీ) వారు కుమ్మక్కై పని చేస్తున్నారని విమర్శించారు.

'రాష్ట్ర ప్రజలందరికీ వెన్నుపోటు పొడిచిన వెన్నుపోటు పార్టీ అధ్యక్షుడు చంద్రబాబు నాయుడు. ఎన్నికల ముందు ఇచ్చిన ఏ ఒక్క హామీ నిలబెట్టుకోలేదు. విద్యార్థులు, రైతులు, అక్కచెల్లెమ్మలు, అవ్వాతాతలు, ఉద్యోగులు, వ్యాపారులు.. ఇలా ఏ ఒక్క వర్గం కూడా సంతోషంగా లేదు. అందుకే వెన్నుపోటు పార్టీ కూటమి ప్రభుత్వం మీద రెండేళ్లలోనే తీవ్ర వ్యతిరేకత ఏర్పడింది' అని వైఎస్సార్‌సీపీ అధినేత వైఎస్‌ జగన్‌ వివరించారు.

Realme P4s 5g Price: స్మార్ట్‌ఫోన్ ప్రియులకు ఊహించని గుడ్‌న్యూస్‌.. పవర్‌ఫుల్ బ్యాటరీతో పాటు ప్రీమియం ఫీచర్లతో ప్రముఖ టెక్ దిగ్గజం రియల్‌మీ (Realme) స్మార్ట్‌ఫోన్‌ను విడుదల చేసింది.. ఇప్పటికే P సిరీస్‌లో P4, P4 Lite, P4x, P4 Pro 5G స్మార్ట్‌ఫోన్‌ సిరీస్‌లను బడ్జెట్, మిడ్-రేంజ్ మోడళ్లను విడుదల చేసి సూపర్ సక్సెస్ సాధించిన సంగతి తెలిసిందే.. ఇప్పుడు మార్కెట్లో రియల్‌మీ పీ4ఎస్ 5జీ  (Realme P4s 5G)ను భారత్‌లో విడుదల చేసేందుకు సిద్ధమైన్నట్లు తెలుస్తోంది.. ఈ ఫోన్ ఫీచర్లతో పాటు లాంచ్ తేదీ వివరాలు ఇప్పుడు మనం తెలుసుకుందాం..

ఈ స్మార్ట్‌ఫోన్‌లో అందరి దృష్టిని ఆకర్షిస్తున్న అతిపెద్ద హైలైట్ దీని బ్యాటరీగానే భావించవచ్చు.. ఇందులో ఏకంగా 8000mAh పవర్‌ఫుల్ బ్యాటరీని అందిస్తోంది. దీనికి తోడు వేగంగా ఛార్జింగ్ చేసేందుకు 80W ఫాస్ట్ ఛార్జింగ్ సపోర్ట్ కూడా లభిస్తోంది. ఈ స్మార్ట్‌ఫోన్‌ ఒక్కసారి ఛార్జ్‌ చేస్తే ఏకంగా మూడు రోజుల పాటు బ్యాటరీ బ్యాకప్ అందిస్తుందని రియల్‌మీ కంపెనీ క్లైమ్‌ కూడా చేస్తోంది.. ప్రయాణాలు చేసేవారికి.. మొబైల్ గేమర్స్‌కు ఈ భారీ బ్యాటరీ ఒక వరం లాంటిదిగా భావించవచ్చు..

డిస్‌ప్లే పరంగా ఈ ఫోన్ నెక్స్ట్ లెవెల్ ఎక్స్‌పీరియన్స్ అందిస్తుందని కంపెనీ తెలిపింది.. రియల్‌మీ P4s 5G స్మార్ట్‌ఫోన్‌లో సాంసంగ్‌ M14 ప్యానెల్‌తో కూడిన అద్భుతమైన డిస్‌ప్లేను కూడా అందించింది.. ఇందులో 1,272 × 2,772 పిక్సెల్స్ రిజల్యూషన్‌తో పాటు 144 Hz రిఫ్రెష్ రేట్‌ను కలిగిన అత్యంత స్మూత్ స్క్రోలింగ్ అనుభూతిని కూడా అందిస్తోంది.. ముఖ్యంగా 6,500 నిట్స్ పీక్ బ్రైట్‌నెస్‌తో మండుటెండలో కూడా స్క్రీన్ చాలా స్పష్టంగా అద్భుతంగా కనిపిస్తుంది. అలాగే ఇది HDR10+తో పాటు నెట్‌ఫ్లిక్స్ HDR కంటెంట్‌ను కూడా సపోర్ట్ చేస్తుందని కంపెనీ తెలిపింది.

పెర్ఫార్మెన్స్ పరంగా ఈ ఫోన్ ఎక్కడా రాజీ పడకుండా.. ఇందులో కంపెనీ ఎంతో శక్తివంతమైన మీడియాటెక్ డైమెన్సిటీ 7400 ఆల్ట్రా 5G (MediaTek Dimensity 7400 Ultra 5G) ప్రాసెసర్‌ను కూడా అందుబాటులోకి తీసుకు వచ్చినట్లు తెలుస్తోంది.. దీనికి తోడుగా హై-గ్రాఫిక్స్ గేమింగ్ కోసం HyperVision+ AI అదనపు గ్రాఫిక్స్ చిప్‌ను కూడా అందించడం విశేషం..

AP Mayor Elections: స్థానిక ఎన్నికలకు ఆంధ్రప్రదేశ్‌ ప్రభుత్వం సిద్ధమవుతోంది. ఇప్పటికే మంత్రివర్గ సమావేశంలో బీసీ రిజర్వేషన్‌లకు సంబంధించి నిర్ణయం తీసుకున్న విషయం తెలిసిందే. కొన్ని వారాల్లోనే స్థానిక ఎన్నికలకు షెడ్యూల్‌ విడుదల కాబోతున్న వేళ ఏపీ ప్రభుత్వం మరో కీలక నిర్ణయం తీసుకుంది. ఇన్నాళ్లు మేయర్‌, మున్సిపల్ చైర్మన్‌ల ఎన్నికలు పరోక్ష పద్ధతిలో ఉండేవి. ఇకపై వాటిని ప్రత్యక్షంగా ఎన్నిక చేయాలని ఏపీ ప్రభుత్వం నిర్ణయించింది. దీనికి సంబంధించిన బిల్లు ఏపీ అసెంబ్లీ ఆమోదం తెలిపింది.

ఆంధ్రప్రదేశ్‌లో మేయర్, మున్సిపల్ చైర్మన్‌ల ఎంపికకు ఇకపై ప్రత్యక్ష ఎన్నికలు నిర్వహించేందుకు వీలు కల్పించే ఆంధ్రప్రదేశ్ పురపాలక శాసనాలు 4వ సవరణ బిల్లుకు ఏపీ అసెంబ్లీ ఆమోదం తెలిపింది. మేయర్, మున్సిపల్ చైర్మన్‌లను పరోక్ష విధానంలో ఎన్నుకుంటున్న నేపథ్యంలో, ఎన్నికల విధానంలో మార్పు తీసుకువస్తూ ప్రభుత్వం ఈ చట్ట సవరణ బిల్లును రాష్ట్ర పురపాలక, పట్టణాభివృద్ధి శాఖ మంత్రి నారాయణ అసెంబ్లీలో ప్రవేశపెట్టారు.

బిల్లు ప్రవేశపెట్టిన సందర్భంగా మంత్రి నారాయణ కీలక వ్యాఖ్యలు చేశారు. '1986 వరకు మేయర్, మున్సిపల్ చైర్మన్‌ల ఎంపికకు పరోక్ష ఎన్నికలు జరిగేవి. 1986 నుంచి 2005 వరకు ప్రత్యక్ష ఎన్నికలు జరిగాయి. 2005 నుంచి ఇప్పటివరకు మళ్లీ పరోక్ష ఎన్నికల విధానం కొనసాగుతోంది' అని సభకు వివరించారు. ప్రస్తుతం తీసుకొచ్చిన చట్ట సవరణతో ఇకపై మేయర్, మున్సిపల్ చైర్మన్‌ల ఎన్నికలు ప్రత్యక్ష విధానంలో నిర్వహించేందుకు అవకాశం కలుగుతుందని వెల్లడించారు.

పరోక్ష పద్ధతి కాకుండా ప్రత్యక్ష ఎన్నిక ద్వారా ప్రజలే నేరుగా మేయర్ లేదా మున్సిపల్ చైర్మన్‌ను ఎన్నుకోనున్నారు. దీనివలన అనేక ప్రయోజనాలు ఉంటాయని మంత్రి నారాయణ తెలిపారు. ప్రత్యక్ష ఎన్నికల్లో ప్రజల నుంచి ఎన్నికైన మేయర్, చైర్మన్‌కు బలమైన ప్రజామోదం ఉంటుందని చెప్పారు. కౌన్సిలర్లు, కార్పొరేటర్ల ద్వారా కాకుండా ప్రజలే నేరుగా ఎన్నుకోవడంతో మేయర్ లేదా చైర్మన్‌పై కౌన్సిలర్లు, కార్పొరేటర్ల ప్రభావం ఉండదని వివరించారు.

బిల్లు ఆమోదం
ప్రత్యక్ష పద్ధతిలో ఎన్నికయ్యే మేయర్, చైర్మన్‌లు వేగవంతమైన నిర్ణయాలు తీసుకునే అవకాశం ఉంటుందని మంత్రి నారాయణ ఆశాభావం వ్యక్తం చేశారు. నగరాలు, పట్టణాల అభివృద్ధికి సంబంధించిన ప్రాజెక్టులను త్వరితగతిన అమలు చేసేందుకు ఇది దోహదపడుతుందని చెప్పారు. అభివృద్ధి పనుల అమలులో వివిధ ప్రభుత్వ శాఖలు, సంస్థలతో మెరుగైన సమన్వయం చేసుకుంటూ పనులను వేగవంతం చేసేందుకు ప్రత్యక్ష ఎన్నిక ద్వారా ఎన్నికైన మేయర్, చైర్మన్‌కు అవకాశం ఉంటుందని ప్రభుత్వం వివరణ ఇస్తోంది. నగరాలు, పట్టణాల్లో పెట్టుబడులు, పరిశ్రమలు, పర్యాటక రంగాన్ని చురుకుగా ప్రోత్సహించేందుకు మేయర్ లేదా మున్సిపల్ చైర్మన్‌కు మరింత అవకాశం ఉంటుందని ప్రభుత్వం వివరించింది. ఈ బిల్లుకు అసెంబ్లీ ఆమోదం తెలపడంతో ఇకపై మేయర్, మున్సిపల్ చైర్మన్‌ల ఎంపికకు ప్రత్యక్ష ఎన్నికల విధానం అమల్లోకి రానుంది.

Cheap Second Hand Bikes in Hyderabad: తెలంగాణలో సెకండ్ హ్యాండ్ బైక్‌లకు ఎప్పుడు భారీ డిమాండ్ ఉంటుంది. తక్కువ బడ్జెట్‌లో బ్రాండ్ న్యూ కండిషన్ ఉన్న స్పోర్ట్స్ బైక్ లేదా స్కూటీ కొనుగోలు చేయాలనుకుంటారు.. కానీ కొత్త బైక్‌ల ధరలు ఆకాశాన్ని తాకుతుండడంతో.. సెకండ్‌ హ్యాండ్‌ మార్కెట్ వైపు చూస్తున్నారు. ముఖ్యంగా సగం ధరలకే మంచి మంచి బైక్‌లను విక్రయించే సెకండ్‌ హ్యాండ్ షోరూమ్స్‌కి వెళ్లి కొనుగోలు చేస్తున్నారు. అయితే, అలాంటి వారి కోసమే.. హైదరాబాద్‌లోని ఓ సెంకడ్‌ హ్యాండ్‌ మోటార్స్ షోరూమ్‌ అదిరిపోయే ఆఫర్లతో సెకండ్ హ్యాండ్ బైక్స్‌తో పాటు స్కూటీలను అందుబాటులోకి తీసుకు వచ్చింది.. రోజువారీ వాడుకునే స్కూటీల నుంచి మొదలుపెడితే.. కుర్రాళ్లకు ఎంతో ఇష్టమైన బుల్లెట్, ప్రీమియం బైక్స్ అయిన బెనెల్లీ, జావా వరకు అన్ని రకాల వాహనాలు ఇక్కడ అత్యంత చీప్‌ ధరలకే లభిస్తుంది.

యువత ఎక్కువగా ఇష్టపడే యమహా MT15, R15 సిరీస్ బైక్స్ ఇక్కడ బెస్ట్ ప్రైస్‌లో అందుబాటులో ఉండడం విశేషం.. అలాగే 2018 మోడల్ యమహా R15 V3 మోటర్‌ సైకిల్‌ ఆఫర్ ప్రైస్‌లో కేవలం రూ.85,000 లకే సొంతం చేసుకోవచ్చు. దీంతో పాటు 2022 మోడల్ యమహా MT15 బ్లూ కలర్ మోడల్ కేవలం రూ. 1,29,000 నుంచి ప్రారంభం అవుతుండగా, కండిషన్ బట్టి రూ. 1,39,000 వరకు ఉన్నాయి. అలాగే కేవలం 6,000 కి.మీ మాత్రమే తిరిగి 2024 మోడల్ యమహా R15 V4 మోటర్‌ సైకిల్‌ బ్రాండ్ న్యూ కండిషన్‌లో ఉంది. దీని ధర రూ. 1,79,000తో విక్రయిస్తున్నట్లు తెలిపారు. అంతేకాకుండా 2022 మోడల్ టీవీఎస్ అపాచీ 160 రూ.75,000 లకే అందుబాటులో ఉంది..

ఇక మహిళలు ఎక్కువగా ఇష్టపడే వెస్పాతో పాటు ఇతర స్కూటర్లు సైతం ఇక్కడ ఎక్సలెంట్ కండిషన్‌లో అందుబాటులో ఉన్నాయి.. ముఖ్యంగా 2022 మోడల్ పింక్ కలర్ వెస్పా ధర రూ.76,000 కాగా.. 2019 మోడల్ వెస్పా అత్యంత తక్కువగా కేవలం రూ.56,000 లకే అందుబాటులో ఉండడం విశేషం.. అంతేకాకుండా 2022 మోడల్ TVS జూపిటర్ రూ. 69,000లకు.. 2023 మోడల్ జూపిటర్ 125 ఆరెంజ్ కలర్ రూ. 79,000 లకు లభించడం విశేషం.. ఇక 2022 మోడల్ ఏప్రిలియా బండి కూడా రూ.69 వేలకే అందుబాటులో ఉంది..

అలాగే రాయల్ ఎన్ఫీల్డ్ బుల్లెట్ ఇష్టపడేవారికి రాయల్ ఎన్ఫీల్డ్ క్లాసిక్ 350 2022 మోడల్ మోటర్‌ సైకిల్ కేవలం రూ.1,89,000 లకు లభిస్తోంది. అంతేకాకుండా ఇది 13,000 కి.మీ తిరిగిన్నట్లు తెలుస్తోంది. ఇవే కాకుండా మెటియోర్ 350, థండర్ బర్డ్ రూ.1,29,000 బైక్స్ కూడా బెస్ట్ ధరల్లో లభిస్తున్నాయి.. బెస్ట్ లుక్ అందించే.. 2020 మోడల్ బెనెల్లీ 400 గ్లాసీ బ్లాక్ రూ.1,49,000 లకు అందుబాటులో ఉండగా.. జావా పెరాక్, యెజ్డీ రోడ్‌స్టార్ వంటివి మోటర్‌ సైకిల్స్‌ ఇక్కడ రూ. 1,29,000 లకే ప్రారంభమవుతున్నాయి.

Iqoo Neo 11 Ultra Price: ప్రముఖ స్మార్ట్‌ఫోన్‌ తయారీ కంపెనీ iQOO మార్కెట్‌లోకి అద్భుతమై మొబైల్‌ విడుదల చేసింది. దీనిని కంపెనీ iQOO Neo11 Ultra మొబైల్ పేరుతో చైనాలో లాంచ్‌ చేసింది. ఇది మోస్ట్ పవర్‌ఫుల్  9100mAh బ్యాటరీని కూడా కలిగి ఉంటుంది. అంతేకాకుండా  50-మెగాపిక్సెల్ ప్రధాన కెమెరాతో అందుబాటులోకి వచ్చింది. ముఖ్యంగా దీని ఫ్రంట్‌ భాగంలో 16-మెగాపిక్సెల్ కెమెరాను కూడా కలిగి ఉంటుంది. అయితే, ఈ స్మార్ట్‌ఫోన్‌కి సంబంధించిన పూర్తి వివరాలు ఇప్పుడు మనం తెలుసుకుందాం.

iQOO నియో11 అల్ట్రా ధర..
ఈ iQOO Neo11 Ultra స్మార్ట్‌ఫోన్‌కి సంబంధించిన ధర వివరాల్లోకి వెళితే.. 12GB ర్యామ్‌తో పాటు 256GB స్టోరేజ్ వేరియంట్ ధర సుమారుగా రూ.48,250, 16GB ర్యామ్‌తో పాటు 256GB స్టోరేజ్ వేరియంట్ ధర సుమారుగా రూ.53,925, మిడిల్‌ వేరియంట్ 12GB ర్యామ్‌తో పాటు 512GB స్టోరేజ్ ధర రూ.56,765ను కలిగి ఉంటుందని కంపెనీ తెలిపింది. ఇక చివరి వేరియిట్ ధర 16GB ర్యామ్‌తో పాటు 512GB స్టోరేజ్ ధర రూ.62,440తో లభిస్తోంది. ఈ స్మార్ట్‌ఫోన్ ఇప్పుడు చైనాలో మార్కెట్‌లోకి లభిస్తోంది.

iQOO నియో11 అల్ట్రా ఫీచర్స్‌..
ఈ iQOO నియో11 అల్ట్రా స్మార్ట్‌ఫోన్‌కి సంబంధించిన ఫీచర్స్‌ వివరాల్లోకి వెళితే.. ఇది 6.83-అంగుళాల 2K+ విజినోక్స్ F2 LTPS AMOLED డిస్‌ప్లే కలిగి ఉటుంది. అంతేకాకుండా దీని రిజల్యూషన్ 3200×1440 పిక్సెల్స్‌తో పాటు 20:9 యాస్పెక్ట్ రేషియో, HDR10+, 144Hz వేరియబుల్ రిఫ్రెష్ రేట్, 2000 నిట్స్ బ్రైట్‌నెస్‌తో అందుబాటులోకి వచ్చింద. అలాగే ఇది 4500 నిట్స్ వరకు పీక్ బ్రైట్‌నెస్ కలిగి ఉంటుందని కంపెనీ తెలిపింది.. ఇది ఆర్మ్ మాలి-G1 అల్ట్రా MC12 GPUతో కూడిన ఆక్టా-కోర్ మీడియాటెక్ డైమెన్సిటీ 9500M 3nm చిప్‌సెట్‌పై పని చేస్తుందని కంపెనీ తెలిపింది.. ఇది ఆండ్రాయిడ్ 16 ఆధారిత ఒరిజిన్ OS 6.0 ఆపరేటింగ్ సిస్టమ్ పై పనిచేస్తుంది. ఈ ఫోన్ 9100mAh బ్యాటరీతో పాటు 100W అల్ట్రా-ఫాస్ట్ ఫ్లాష్ ఛార్జింగ్‌కు సపోర్ట్‌ చేస్తుందని కంపెనీ తెలిపింది. 

Redmi M100 Price: స్మార్ట్‌ఫోన్ వినియోగదారులను ఎప్పటికప్పుడు అద్భుతమైన మోడల్స్‌తో ప్రముఖ టెక్ దిగ్గజం రెడ్‌మీ (Redmi) స్మార్ట్‌ఫోన్స్‌ను విడుదల చేస్తూ వస్తోంది.. అయితే, మార్కెట్లోకి మరో పవర్‌ఫుల్ మొబైల్‌ను అందుబాటులోకి తీసుకు వచ్చింది. ఎవరూ ఊహించని విధంగా భారీ బ్యాటరీతో పాటు అద్భుతమైన డిజైన్, లేటెస్ట్ ఫీచర్లతో Redmi M100 పేరుతో ఈ స్మార్ట్‌ఫోన్‌ లాంచ్‌ అయ్యింది.. ముఖ్యంగా దీనిని కంపెనీ మోస్ట్ పవర్‌ఫుల్ 7900mAh భారీ బ్యాటరీతో లాంచ్‌ చేయడం విశేషం.. డిజైన్, ప్రాసెసర్ పరంగా కూడా ఎన్నో అప్‌గ్రేడ్స్‌తో ఈ స్మార్ట్‌ఫోన్‌ అందుబాటులోకి వచ్చింది. అయితే, దీనికి సంబంధించిన పూర్తి వివరాలు ఇప్పుడు మనం తెలుసుకుందాం.

రెడ్‌మీ M100 స్మార్ట్‌ఫోన్‌ విజువల్ ఎక్స్‌పీరియన్స్‌ను పెంచేందుకు 6.9-అంగుళాల భారీ LCD డిస్‌ప్లేను కూడా కలిగి ఉంటుందని కంపెనీ తెలిపింది.. ఇది 1600 × 720 పిక్సెల్స్ రిజల్యూషన్‌తో పాటు అద్భుతమైన 120Hz రిఫ్రెష్ రేట్‌ను సపోర్ట్ చేస్తుందని కంపెనీ వెల్లడించింది.. తద్వారా గేమింగ్ ఆడేటప్పుడు, వీడియోలు చూసేటప్పుడు స్మూత్ అనుభూతి కలిగే అవకాశాలు ఉన్నట్లు తెలుస్తోంది.. స్క్రీన్ ప్రొటక్షన్‌ కోసం కార్నింగ్ గొరిల్లా గ్లాస్ భద్రతను కూడా కలిగి ఉంటుందని కంపెనీ తెలిపింది.. అంతేకాకుండా ఎక్కువసేపు ఫోన్ వాడినా కళ్లకు ఇబ్బంది కలగకుండా ప్రత్యేకమైన ఐ-ప్రొటెక్షన్ ఫీచర్‌ను కూడా అందుబాటులోకి తీసుకు రావడం విశేషం..

ఈ స్మార్ట్‌ఫోన్‌కి సంబంధించిన డిజైన్ వివరాల్లోకి వెళితే.. ఈ ఫోన్ ప్రీమియం లుక్‌తో ఆకట్టుకోబోతున్నట్లు తెలుస్తోంది.. బ్యాక్‌ సెటప్‌లో ఫోర్-డైమెన్షనల్ మైక్రో-కర్వ్డ్ డిజైన్‌ను కూడా కలిగి ఉంటుంది. అంతేకాకుండా కెమెరా మాడ్యూల్ భాగంలో RGB డైనమిక్ లైటింగ్ ఈ ఫోన్‌కు గేమింగ్ ఫోన్ లాగా అద్భుతమైన వైబ్‌ని అందించేందుకు ఎంతగానో సహాయపడుతుంది.. ఇది మిడ్‌నైట్ బ్లాక్, స్టారీ వైట్, వైల్డర్‌నెస్ గ్రీన్ అనే మూడు కలర్ వేరియంట్లలో ఈ ఫోన్ అందుబాటులోకి వచ్చిన్నట్లు తెలుస్తోంది. 

మల్టీ టాస్కింగ్, గేమింగ్ కోసం ఈ స్మార్ట్‌ఫోన్‌లో లేటెస్ట్ జనరేషన్ క్వాల్‌కామ్ స్నాప్‌డ్రాగన్ 4 జెన్ 5 (Qualcomm Snapdragon 4 Gen 5) ఆక్టా-కోర్ ప్రాసెసర్‌ను వాడినట్లు కంపెనీ తెలిపింది.. ఇది లాగ్ లేని స్మూత్ పర్ఫార్మెన్స్‌ను కూడా అందించేందుకు కూడా సహాయపడుతుంది.. ఇక కెమెరా విషయానికి వస్తే.. ఫొటోగ్రఫీ ప్రియుల కోసం వెనుకవైపు 13MP ప్రధాన కెమెరాను కూడా కలిగి ఉంటుంది.. ఇందులో ఫిల్మ్ ఫిల్టర్, పోర్ట్రెయిట్ మోడ్, నైట్ మోడ్‌తో పాటు లైవ్ ఫోటోస్, డాక్యుమెంట్ స్కానింగ్ వంటి ఎన్నో మోడ్స్ ఉన్నాయి. 

ఇది ఏకంగా 7,900mAh గల భారీ బ్యాటరీని కూడా కలిగి ఉంటుంది. అయితే, ఇది చైనా మార్కెట్‌లో మాత్రమే విడుదలైన్నట్లు తెలుస్తోంది. దీని ధర వేరియంట్‌ను బట్టి కలిగి ఉంటుంది. ఇందులోని మొదటి వేరియంట్‌ 8GB ర్యామ్‌తో పాటు 128GB స్టోరేజ్ మోడల్ ధర భారత కరెన్సీలో సుమారు రూ.25,500తో అందుబాటులోకి వచ్చింది. ఇక 6GB ర్యామ్‌తో పాటు 256GB స్టోరేజ్ మోడల్ ధర రూ. 28,300తో లభిస్తోంది. చివరి మోడల్ టాప్-ఎండ్ 8GB ర్యామ్‌తో పాటు 256GB మోడల్ ధర రూ. 31,200తో అందుబాటులో ఉంది. 

IND Vs SL 1st Test: గాలే వేదికగా భారత్, శ్రీలంక మధ్య జరిగిన తొలి టెస్టులో టీమ్ఇండియా అద్భుత ప్రదర్శనతో ఆకట్టుకుంది. ఆల్‌రౌండర్ ఆటతో భారత ఆటగాళ్లు చెలరేగి తొలి టెస్టులో ఘనవిజయం పొందారు.  165 పరుగుల తేడాతో ప్రత్యర్థి శ్రీలంక జట్టును చిత్తు చేశారు. దీంతో రెండు టెస్టుల సిరీస్ 1-0తో భారత్ ఆధిక్యంలో నిలిచింది. యువ లెఫ్ట్-ఆర్మ్ స్పిన్నర్ మానవ్ సుతార్ మ్యాచ్ మొత్తంలో 10 వికెట్లు పడగొట్టి భారత్‌కు అద్భుతమైన విజయాన్ని అందించాడు.

శ్రీలంకపై భారత్‌కు 165 పరుగుల భారీ విజయం సాధించగా.. రెండు మ్యాచ్‌ల టెస్ట్ సిరీస్‌లో భారత్ 1-0 ఆధిక్యంలో నిలిచింది. అయితే భారత క్రికెట్ చరిత్రలో ఇది దేశం తరఫున 600వ టెస్ట్ మ్యాచ్ కావడం విశేషం. మ్యాచ్ చివరి రోజున అద్భుతంగా రాణించిన మానవ్ సుతార్ మొత్తం 10 వికెట్లు తీసి హీరోగా నిలిచాడు. మ్యాచ్ ముగిసిన ఐదు నిమిషాలకే భారీ వర్షం కురవడంతో, భారత జట్టు ఊపిరి పీల్చుకుంది.

మ్యాచ్ విశేషాలు
ఐదవ, చివరి రోజు ఆటను శ్రీలంక 4 వికెట్ల నష్టానికి 84 పరుగులతో ప్రారంభించింది. లక్ష్య చేధనకు ఇంకా 288 పరుగులు అవసరం కాగా, శ్రీలంక బ్యాటర్లు భోజన విరామం వరకు మాత్రమే భారత బౌలింగ్‌ను ఎదుర్కొని ప్రతిఘటించగలిగారు.

గాలే పిచ్‌పై స్పిన్నర్లకు లభించిన సహకారాన్ని మానవ్ సుతార్ అద్భుతంగా సద్వినియోగం చేసుకున్నాడు. ఇటీవలి కాలంలో రెడ్-బాల్ క్రికెట్‌లో ఇబ్బంది పడుతున్న భారత జట్టుకు, ఈ విజయం ద్వారా మళ్లీ ఆత్మవిశ్వాసం చేకూరింది. ముఖ్యంగా కెప్టెన్ శుభ్‌మన్ గిల్ నాయకత్వంలో జట్టు ఈ విజయాన్ని అందుకోవడం పట్ల సర్వత్రా హర్షం వ్యక్తమవుతోంది. ఈ అద్భుత విజయంతో స్వదేశంతో పాటు ఇతర పిచ్‌లపై భారత్ తన పాత వైభవాన్ని చాటుకుంది.

List of Electors Names Deleted SIR 2026: సర్‌ ప్రక్రియ వేగంగా ముగియడంతో, ఆగస్టు 17న డ్రాఫ్ట్ జాబితాను విడుదల చేశారు. భారీ స్థాయిలో ఓట్లు తొలగించబడ్డాయనే వార్తలు వస్తున్నాయి. మొత్తం 3.38 కోట్ల మందిలో 2.64 కోట్ల మంది ఎన్యూమరేషన్ ఫామ్స్ సమర్పించినట్లు సమాచారం. ప్రభుత్వ కార్యాలయాల్లో లేదా అధికారిక వెబ్‌సైట్‌లో డ్రాఫ్ట్ లిస్టు అందుబాటులో ఉంది. ఒకవేళ మీ పేరు లేకపోతే, వెంటనే BLOని సంప్రదించండి. లేదా ఆన్‌లైన్‌లో దరఖాస్తు చేసుకోండి. తెలంగాణలో తమ ఓటర్ల నమోదు సరిగ్గా ఉందో లేదో తెలుసుకోవడానికి మొబైల్‌లో 'ECI' అని టైప్ చేసి, స్పేస్ ఇచ్చి, ఓటర్ ఐడి నంబర్‌ను ఎంటర్ చేసి 1950కి SMS పంపే వెసులుబాటును కల్పించారు. వెంటనే వివరాలు మెసేజ్ రూపంలో వస్తాయి. అంటే సర్వే పూర్తయిందని అర్థం. ఒకవేళ SMS రాకపోతే వెంటనే BLOని సంప్రదించాలని అధికారులు చెప్పారు.

ఈ సర్వేలో సుమారు 73 లక్షల ఓట్లు గల్లంతయినట్లు ప్రాథమికంగా తేలింది. ఇందులో ప్రధానంగా మరణించిన వారు, రెండు చోట్ల ఓట్లు ఉన్నవారు ఎన్యూమరేషన్ సమర్పించని వారు ఉన్నారు. డ్రాఫ్ట్ ఓటర్ల జాబితా విడుదలైనందున, అందులో పేరు లేనివారు మళ్లీ అప్లై చేసుకోవచ్చు. వివరాలు సరిగ్గా నమోదు చేయని 20 శాతం మందికి వివరణ కోరుతూ నోటీసులు వచ్చే అవకాశం ఉంది. వారు తమ గుర్తింపు కార్డులో ఏదో ఒకటి సమర్పిస్తే ఓటును పునరుద్ధరిస్తారు.

స్పెషల్ ఇంటెన్సివ్ రివిజన్ ప్రక్రియలో భాగంగా తెలంగాణలో ఓటర్ల డ్రాఫ్ట్ జాబితా విడుదల చేశారు. ఇందులో 3.38 కోట్ల మంది ఓటర్లలో 2.64 కోట్ల మంది ఎన్యూమరేషన్ ఫారమ్స్ సమర్పించారు. మరో 57.46 లక్షల మంది అడ్రస్ మారడం లేదా అడ్రస్ సరిగా లేకపోవడం వల్ల పెండింగ్‌లో ఉన్నాయి. మీ పేరు జాబితాలో ఉందో లేదో అధికారిక వెబ్‌సైట్‌లో క్లిక్ చేసి చూసుకోవచ్చు.

Irumudi Movie First Review: మాస్ మహారాజ్ రవితేజ హీరోగా శివ నిర్వాణ దర్శకత్వంలో తెరకెక్కుతున్న డివోషనల్ థ్రిల్లర్ 'ఇరుముడి' సినిమాపై ప్రేక్షకుల్లో భారీ అంచనాలు నెలకొన్నాయి. ఇప్పటికే విడుదలైన ప్రచార చిత్రాలు ఈ చిత్రంపై అంచనాలను తారాస్థాయికి చేర్చాయి.

అయ్యప్ప స్వామి దీక్ష నేపథ్యంలో సాగే ఈ కథలో దర్శకుడు శివ నిర్వాణ ఒక సరికొత్త అమ్మాయిల మిస్టరీ డెత్స్ కాన్సెప్ట్‌ను జోడించి ఉత్కంఠభరితమైన థ్రిల్లర్‌గా మలిచారు. సెన్సార్ పూర్తి చేసుకున్న ఈ చిత్రానికి 'U/A' సర్టిఫికేట్ లభించింది. రెండు గంటల ఇరవై ఐదు నిమిషాల నిడివితో ఈ సినిమా ప్రేక్షకుల ముందుకు రానుంది. 

మైత్రీ మూవీ మేకర్స్ బ్యానర్‌పై నవీన్ ఎర్నేని, రవి ఈ చిత్రాన్ని నిర్మించగా, జీవీ ప్రకాష్ కుమార్ సంగీతం అందించారు. ఇందులో రవితేజ సరసన ప్రియ భవాని శంకర్ నటిస్తుండగా సాయి కుమార్, అజయ్ ఘోష్ కీలక పాత్రలు పోషిస్తున్నారు.

ఈ సినిమాకు సంబంధించి ఇప్పటికే ప్రివ్యూ ప్రదర్శించగా, సినీ వర్గాల నుంచి పాజిటివ్ రెస్పాన్స్ వస్తోంది. రవితేజ అభిమానులు ఎంతోకాలంగా ఎదురుచూస్తున్న పవర్‌ఫుల్ యాక్టింగ్, ఆయనలోని అసలైన ఎనర్జీ ఈ చిత్రంలో పూర్తిగా కనిపిస్తాయని టాక్ వినిపిస్తోంది. 

తండ్రీకూతుళ్ల మధ్య భావోద్వేగాలు, రవితేజ పాత్రలో వచ్చే ట్రాన్స్‌ఫర్మేషన్ సినిమాకు ప్రధాన బలంగా నిలుస్తాయని సమాచారం. తొలిభాగంలో కుటుంబ కథాంశం, ఇంటర్వెల్ ట్విస్ట్ ప్రేక్షకులను కట్టిపడేస్తాయని, ఇక రెండో భాగంలో అసలు కథ ప్రారంభమై చివరి 25 నిమిషాలు సినిమాను వేరే లెవెల్‌కు తీసుకెళ్తుందని తెలుస్తోంది.

మొత్తానికి, విభిన్న కథాంశంతో వస్తున్న ఈ చిత్రం బాక్సాఫీస్ వద్ద మంచి విజయాన్ని సాధించి, రవితేజకు బలమైన పునరాగమనాన్ని అందిస్తుందని సినీ విశ్లేషకులు భావిస్తున్నారు. సినిమాకు సంబంధించిన మరింత సమాచారం. అప్‌డేట్స్ కోసం అధికారిక సోషల్ మీడియా పేజీలను లేదా మైత్రీ మూవీ మేకర్స్ అధికారిక ఖాతాను సందర్శించవచ్చు.

Saturn Effect On Zodiac: జ్యోతిష్య శాస్త్రంలో, శని దేవుడిని కర్మ, న్యాయానికి అధిపతిగా చెప్పుకుంటారు. అంతేకాకుండా దీనిని శక్తివంతమైన గ్రహంగా కూడా పిలుస్తూ ఉంటారు.. అలాగే ఈ గ్రహం అన్నింటిలా కాకుండా చాలా నెమ్మదిగా ఒక గ్రహం నుంచి మరో గ్రహంలోకి సంచారం చేస్తుంది. అలాగే అప్పుడప్పుడు నక్షత్ర సంచారం కూడా చేస్తుంది. ఆగస్టు 20న శని నక్షత్రం సంచారం చేయబోతోంది.. ఈ గ్రహ సంచారం సమయంలో ఆర్థష్టమ శనితో బాధపడుతున్నవారికి అద్భుతమైన ఉపశమనం కలుగుతుంది.. ఈ రాశుల వారికి మానసిక ఒత్తిడి నుంచి ఉపశమనం కలగడమే కాకుండా.. అయితే, ఇది కొన్ని రాశులవారిపై తీవ్రమైన ప్రభావాన్ని చూపుతుంది. అంతేకాకుండా ఆర్థికంగా కూడా అద్భుతమైన లాభాలను తెచ్చి పెడుతుంది. అయితే, ఈ సమయంలో ఏయే రాశులవారికి శని బాధ నుంచి ఉపశమనం కలుగుతుందో పూర్తి వివరాలు ఇప్పుడు తెలుసుకుందాం.

మేష రాశి:
మేష రాశివారికి ఏలినాటి శని మొదటి దశ ప్రారంభమయ్యింది. అయితే, ఈ నక్షత్ర సంచారం కారణంగా జీవితంలో వస్తున్న చిన్న చిన్న సమస్యలు కూడా పూర్తిగా పరిష్కారమవుతాయి. అంతేకాకుండా ఆకస్మిక అడ్డంకులు చాలా వరకు తగ్గే అవకాశాలు కూడా కనిపిస్తున్నాయి. దీంతో పాటు ఆరోగ్య సంబంధిత సమస్యలు కూడా పరిష్కారమవుతాయి. దీంతో పాటు దీర్ఘకాలిక సమస్యల నుంచి ఉపశమనం కలుగుతుంది. దీంతో పాటు వ్యాపారాలు అద్భుతంగా ముందుకు సాగుతాయి. పెట్టుబడుల నుంచి కూడా భారీ ప్రయోజనాలు కూడా కలిగే ఛాన్స్‌లు కనిపిస్తున్నాయి. 

కుంభ రాశి: 
కుంభ రాశివారికి ఏలినాటి శని నడుస్తోంది. అయితే, వీరికి చివరి దశ కొనసాగుతోంది. శని నక్షత్ర మార్పు కారణంగా కుంభ రాశివారికి ఊహించని స్థాయిలో ఉపశమనం కలుగుతుంది. అంతేకాకుంగా దీర్ఘకాలికంగా ఉన్న మానసిక ఒత్తిడి నుంచి విముక్తి లభిస్తుంది. అలాగే అనేక సమస్యల నుంచి బయపడే ఛాన్స్‌లు కనిపిస్తున్నాయి. ఆగిపోయిన పనులు కూడా సులభంగా ఊపందుకుంటాయి. అంతేకాకుండా ఆర్థిక పరిస్థితులు కూడా గతంలో కంటే ఇప్పుడు మరింత మెరుగుపడే అవకాశాలు కూడా కనిపిస్తున్నాయి.

మీన రాశి: 
మీన రాశివారికి కూడా ఏలినాటి శని కొనసాగుతోంది. అయితే, ఈ రాశివారికి కూడా ఇప్పుడు ప్రయోజనాలు కలుగుతాయి. అంతేకాకుండా గందోరళ పరిస్థితుల నుంచి ఉపశమనం కూడా కలుగుతుంది. వీరికి కష్టానికి తగిన ప్రతిఫలం కూడా లభిస్తుంది. అంతేకాకుండా కుటుంబ సభ్యుల నుంచి కూడా మంచి సపోర్ట్‌ కూడా పొందుతారు. అలాగే ఆరోగ్యం కూడా చాలా వరకు మెరుగుపడే సూచనలు కూడా కనిపిస్తున్నాయి. దీర్ఘకాలిక సమస్యలతో బాధపడేవారికి కూడా సులభంగా ఉపశమనం లభిస్తుంది. 

శని దేవుని అనుగ్రహం పొందడానికి ఈ సమయంలో తప్పకుండాబ ప్రతి శనివారం రోజు రావి చెట్టు వృక్షం కింద ఆవాల నూనె దీపాన్ని వెలిగించాల్సి ఉంటుంది. అంతేకాకుండా తప్పకుండా ఓం షణ్ శనైశ్చారయ నమః అనే మంత్రాన్ని జపించాలని జ్యోతిష్యులు తెలుపుతున్నారు. పేదలకు నల్ల నువ్వులు, బియ్యపు పప్పు లేదా బట్టలు దానం చేయడం వల్ల అద్భుతమైన ప్రయోజనాలు పొందుతారని వారు తెలుపుతున్నారు..

Eshwar Sai Extramarital Affair: ప్రస్తుతం యూట్యూబ్ పుణ్యమా అని.. ఈ మధ్యకాలంలో తెలంగాణ ఫోక్ సాంగ్స్‌కు విపరీతమైన క్రేజ్ పెరుగుతూ వస్తోంది.. పాటల ద్వారా కొంతమంది రాత్రికి రాత్రే సెలబ్రిటీలుగా మారిపోతున్నారు... తమ వ్యక్తిగత జీవితాల్లో మాత్రం వివాదాల్లో చిక్కపోతున్నారు. జీవితాలను నాశనం చేసుకుంటున్నారు. తాజాగా రాజన్న సిరిసిల్ల జిల్లా వేములవాడలో ఇలాంటి ఘటనే ఒకటి వెలుగుచూసింది. యూట్యూబ్‌లో ట్రెండ్ అవుతున్న ప్రముఖ ఫోక్ సాంగ్స్‌లో నటిస్తున్న ఇద్దరు నటుల అక్రమ వ్యవహారం ఇప్పుడు స్థానికంగా తీవ్ర కలకలం రేపుతోంది. అంతేకాకుండా దీనికి సంబంధించిన ఘటన కూడా సోషల్ మీడియాలో విపరీతంగా వైరల్‌ అవుతోంది. 

ఇటీవల యూట్యూబ్‌లో విడుదలై.. లక్షలాది వ్యూస్ సాధించిన బాసింగా బాసింగా బలాలే, ప్రమీల ఓ ప్రమీల.. పాటల్లో అద్భుతంగా నటించి మంచి గుర్తింపు తెచ్చుకున్నారు ఈశ్వర్‌ సాయి, మాధురి రాథోడ్.. షూటింగ్స్ సమయంలో ఏర్పడిన వీరి పరిచయం కాస్తా.. ఇప్పుడు అక్రమ సంబంధానికి దారి తీసింది. అయితే, ఈ ఇద్దరు గుట్టుచప్పుడు కాకుండా సాగిస్తున్న రాసలీలల బాగోతాన్ని.. ఈశ్వర్‌ సాయి భార్య శరణ్య స్వయంగా పసిగట్టి రెడ్ హ్యాండెడ్‌గా పట్టుకోవడం ఇప్పుడు సంచలనంగా మారింది.

వేములవాడలోని రెడ్డి భవన్‌లో ఈశ్వర్‌ సాయితో పాటు మాధురి రాథోడ్ ఇద్దరూ ఒకే గదిలో ఏకాంతంగా ఉన్నారన్న పక్కా సమాచారంతో.. భార్య శరణ్య అర్ధరాత్రి అక్కడికి వచ్చింది.. రాత్రి 12 గంటల సమయంలో తలుపులు తీయించి చూడగా.. తన భర్త ఈశ్వర్‌ సాయి, సహనటి మాధురితో కలిసి అడ్డంగా దొరికిపోయాడు. దీనితో తీవ్ర ఆగ్రహానికి గురైన శరణ్య.. వెంటనే వేములవాడ పట్టణ పోలీస్ స్టేషన్‌లో ఫిర్యాదు చేసింది. రంగంలోకి దిగిన పోలీసులు ఇరువురు నటులను అదుపులోకి తీసుకుని విచారిస్తున్నారు.

అక్రమ సంబంధంతో భార్యకు రెడ్ హ్యాండెడ్‌గా దొరికిపోయిన నటుడు ఈశ్వర్‌ సాయి.. తనను క్షమించాలని భార్య కాళ్లావేళ్లా పడ్డట్లు కూడా తెలుస్తోంది.. తాను పూర్తిగా మారిపోతానని.. తన తప్పును మన్నించి జీవితంలో మరో అవకాశం ఇవ్వాలని భార్య శరణ్యను కోరుతున్నట్లు కూడా తెలుస్తోంది.. ఏది ఏమైనా.. లక్షలాది మంది అభిమానులను సంపాదించుకున్న వీరు, ఇలా అడ్డంగా బుక్కవడంతో ఫోక్ ఇండస్ట్రీలో ఈ వార్త హాట్ టాపిక్‌గా మారింది. ప్రస్తుతం ఈ ఇద్దరూ వేములవాడ పోలీసుల అదుపులో ఉన్నట్లు తెలుస్తోంది.

OTT Releases This Week Telugu: తెలుగు రాష్ట్రాలతో పాటు ఇతర దక్షిణాది రాష్ట్రాల సినిమా ప్రియుల కోసం ఈ వారం ఓటీటీ (OTT)ల్లో పలు ఆసక్తికరమైన చిత్రాలు సందడి చేయడానికి సిద్ధమయ్యాయి. విభిన్న జోనర్లలో ప్రేక్షకులను అలరించేందుకు సిద్ధమైన సినిమాల వివరాలను ఇప్పుడు తెలుసుకుందాం.

1) జన నాయగన్ (ZEE5)
ప్రముఖ నటుడు, తమిళనాడు సీఎం విజయ్ నటించిన ఈ యాక్షన్ డ్రామా బాక్సాఫీస్ వద్ద ఘన విజయం సాధించింది. హెచ్.వినోత్ దర్శకత్వం వహించిన ఈ చిత్రంలో మమితా బైజు, పూజా హెగ్డే, బాబీ డియోల్, ప్రకాష్ రాజ్, గౌతమ్ వాసుదేవ్ మేనన్, నారాయణ్, ప్రియమణి కీలక పాత్రల్లో నటించారు. ఈ సినిమా ఆగస్టు 21 నుండి ZEE5 (జీ5) ఓటీటీ వేదికగా స్ట్రీమింగ్ కానుంది.

2) ఇన్వాజి తాని (Hungama OTT)
పి.జెరిన్ దర్శకత్వంలో తెరకెక్కిన మలయాళ థ్రిల్లర్ డ్రామా చిత్రం 'ఇన్వాజి తాని'. ఇందులో ఫజల్ పూకోడే, హేమ, అభిలాష్ నరికిని, బిందు బాలా, జోబాన్ జాకబ్ ప్రధాన తారాగణంగా నటించారు. ఈ సస్పెన్స్ థ్రిల్లర్ చిత్రం ఇప్పటికే ఆగస్టు 18 నుండి Hungama OTT (హంగామా ఓటీటీ)లో ప్రేక్షకులకు అందుబాటులోకి వచ్చింది.

3) ప్యార్ ప్రేమ కళ్యాణం (Netflix)
అలన్ దర్శకత్వం వహించిన ఈ తమిళ రొమాంటిక్ కామెడీ చిత్రంలో అలన్, సాన్వి మేఘన, రాధికా శరత్‌కుమార్, యోగి బాబు, ఎంఎస్ భాస్కర్, గీతా కైలాసం, ఎలాంగో కుమారవేల్ నటించారు. చక్కని వినోదాన్ని పంచే ఈ చిత్రం ఆగస్టు 21 నుండి ప్రముఖ డిజిటల్ వేదిక Netflix (నెట్‌ఫ్లిక్స్) లో ప్రసారం కానుంది.

4) మిస్టర్ మిడిల్ క్లాస్ (Aha)
శ్రీ నాగేశ్వర రెడ్డి దర్శకత్వంలో రూపొందిన ఈ తెలుగు కామెడీ-డ్రామా చిత్రంలో మేక శ్రీకాంత్, లయ గోర్టీ, రాజేంద్ర ప్రసాద్, సునీల్, వెన్నెల కిషోర్, రఘు బాబు, పృథ్వీరాజ్, అలీ బాషా ముఖ్య పాత్రలు పోషించారు. కుటుంబ సమేతంగా చూడదగ్గ ఈ చిత్రం ఆగస్టు 19 నుండి Aha (ఆహా) వీడియో ఓటీటీ ప్లాట్‌ఫామ్‌లో స్ట్రీమింగ్ ప్రారంభించింది.

5) చెన్నై లవ్ స్టోరీ (SonyLIV)
రవి నంబూరి దర్శకత్వం వహించిన ఈ తెలుగు రొమాంటిక్ డ్రామా చిత్రంలో కిరణ్ అబ్బవరం, శ్రీ గౌరీ ప్రియ, త్రిగుణ్, దేవి ప్రసాద్, పి. వాసు, దీపా శంకర్ నటించారు. ఈ యూత్ ఫుల్ లవ్ ఎంటర్‌టైనర్ ఆగస్టు 21 నుండి SonyLIV (సోనీ లీవ్)లో విడుదలవుతోంది.

ఈ వారం ఓటీటీలో విడుదలవుతున్న ఈ విభిన్న చిత్రాలు ప్రేక్షకులకు సరికొత్త వినోదాన్ని అందించనున్నాయి. మీకిష్టమైన చిత్రాన్ని తగిన ఓటీటీ ప్లాట్‌ఫామ్‌లో వీక్షించి ఆనందించండి. మరింత సమాచారం కోసం సంబంధిత డిజిటల్ స్ట్రీమింగ్ ప్లాట్‌ఫామ్‌ల అధికారిక వెబ్‌సైట్లను సందర్శించవచ్చు.

AP Local Body Elections Update: ఆంధ్రప్రదేశ్ రాజకీయం ప్రస్తుతం స్థానిక సంస్థల ఎన్నికల చుట్టూ తీవ్ర ఆసక్తిని రేకెత్తిస్తోంది. రాష్ట్రంలో స్థానిక సంస్థల ఎన్నికల నిర్వహణకు ప్రభుత్వం అధికారికంగా గ్రీన్ సిగ్నల్ ఇవ్వడంతో, అధికార కూటమి, ప్రధాన ప్రతిపక్షమైన వైఎస్సార్ కాంగ్రెస్ పార్టీ మధ్య పోరు ప్రతిష్టాత్మకంగా మారుతోంది.

ఈ ఎన్నికల నిర్వహణ కోసం ప్రభుత్వం పలు కీలకమైన, వ్యూహాత్మక నిర్ణయాలు తీసుకుంది. గ్రామీణ స్థానిక సంస్థల్లో బీసీలకు 34 శాతం, పట్టణ స్థానిక సంస్థల్లో 33.33 శాతం చొప్పున రిజర్వేషన్లు కల్పించాలని మంత్రివర్గం నిర్ణయించింది. అదే సమయంలో ఎస్సీ, ఎస్టీ రిజర్వేషన్లకు ఎలాంటి నష్టం వాటిల్లకుండా వాటిని యథాతథంగా కొనసాగించనున్నట్లు స్పష్టం చేసింది. 

ఇకపై మేయర్, మున్సిపల్ ఛైర్మన్ ఎన్నికలను ప్రత్యక్ష పద్ధతిలో నిర్వహించాలని కూడా క్యాబినెట్ ఆమోదం తెలిపింది. కేంద్ర ప్రభుత్వం నుంచి స్థానిక సంస్థలకు రావాల్సిన నిధులను సకాలంలో రాబట్టేందుకే ఈ ఎన్నికలను అత్యవసరంగా నిర్వహించాలని ప్రభుత్వం నిర్ణయించినట్లు తెలుస్తోంది.

అంతేకాకుండా, రాష్ట్రంలో ఇప్పటివరకు ఉన్న 13 జిల్లా పరిషత్‌లను కొత్త జిల్లాల విభజనకు అనుగుణంగా 28 జిల్లా పరిషత్‌లుగా పెంచేందుకు మంత్రివర్గం ఆమోదం తెలిపింది. అసెంబ్లీ సమావేశాలు ముగిసిన వెంటనే కూటమి పార్టీల సమన్వయ కమిటీ సమావేశమై, స్థానిక ఎన్నికల్లో సీట్ల సర్దుబాటుపై ఒక స్పష్టమైన నిర్ణయానికి వచ్చే అవకాశం ఉంది. అక్టోబర్ తొలి వారంలో మున్సిపల్ ఎన్నికలు, చివరి వారంలో పంచాయతీ ఎన్నికలను పూర్తి చేయాలనే ఆలోచనలో ప్రభుత్వం ఉన్నట్లు సమాచారం.

మరోవైపు ఈ పరిణామాలపై వైసీపీ కూడా తీవ్రంగా దృష్టి సారించింది. అధికార కూటమి వ్యూహాలను తిప్పికొట్టి, ఈ ఎన్నికల్లో గట్టి పోటీ ఇవ్వాలని పార్టీ అధినేత జగన్మోహన్ రెడ్డి ఇప్పటికే ముఖ్య నేతలకు స్పష్టమైన దిశానిర్దేశం చేశారు. ఈ నేపథ్యంలో రాబోయే స్థానిక పోరు ఉత్కంఠభరితంగా సాగనుంది. అధికార కూటమి ఏకపక్ష విజయాల కోసం పావులు కదుపుతుంటే, వైసీపీ అనుసరించబోయే వ్యూహాలు ఇప్పుడు రాజకీయ వర్గాల్లో చర్చనీయాంశంగా మారాయి. మరింత అధికారిక సమాచారం కోసం ఆంధ్రప్రదేశ్ ప్రభుత్వం, రాష్ట్ర ఎన్నికల సంఘం అధికారిక పోర్టల్స్‌ను సందర్శించవచ్చు.