मुक्तसर साहिब–बठिंडा रोड पर भयानक टक्कर: एक जवान की मौत, तीन घायल

ਪਿੰਡ ਦੋਦਾ ਵਿਖੇ ਸ੍ਰੀ ਮੁਕਤਸਰ ਸਾਹਿਬ-ਬਠਿੰਡਾ ਰੋਡ ਨੇੜੇ ਗੋਲਡਨ ਪੈਲੇਸ ਤਿੰਨ ਕਾਰਾਂ ਦੀ ਆਹਮੋ ਸਾਹਮਣੇ ਟੱਕਰ ਹੋਣ ਕਾਰਨ ਇੱਕ ਦੀ ਮੌਤ ਤੇ ਤਿੰਨ ਜਖਮੀਂ ਹੋਣ ਦਾ ਸਮਾਚਾਰ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਇੱਕ ਰਿਟਿਜ ਕਾਰ ਜਿਸ ਨੂੰ ਜਸਪ੍ਰੀਤ ਸਿੰਘ ਪੁੱਤਰ ਭੋਲਾ ਸਿੰਘ ਵਾਸੀ ਚੁੱਘੇ (ਬਠਿੰਡਾ) ਜੋ ਬਠਿੰਡਾ ਤੋਂ ਸ੍ਰੀ ਮੁਕਤਸਰ ਸਾਹਿਬ ਜਾ ਰਿਹਾ ਸੀ। ਜਦਕਿ ਸਾਹਮਣੇ ਤੋਂ ਆ ਰਹੀ ਇੰਡੀਕਾ ਕਾਰ ਜਿਸ ਨੂੰ ਪਿੰਰਸੀਪਲ ਪਰਮਿੰਦਰ ਕੌਰ ਐਮਪੀਰੀਅਲ ਸਕੂਲ ਸ੍ਰੀ ਮੁਕਤਸਰ ਸਾਹਿਬ ਚਲਾ ਰਹੀ ਸੀ ਦੀ ਆਹਮੋ ਸਾਹਮਣੇ ਟੱਕਰ ਹੋ ਗਈ। ਇਸ ਟੱਕਰ ਤੋਂ ਬਾਅਦ ਇੰਡੀਕਾ ਕਾਰ ਪਿੱਛੇ ਆ ਰਹੀ ਇੱਕ ਹੋਰ ਜਿੰਨ ਕਾਰ ਜਿਸ ਨੂੰ ਅੰਗਰੇਜ ਸਿੰਘ ਵਾਸੀ ਚੱਕ ਸਰੀਆਂ ਚਲਾ ਰਿਹਾ ਸੀ 'ਚ ਜਾ ਵੱਜੀ। ਇਸ ਹੋਈ ਭਿਆਨਕ ਟੱਕਰ 'ਚ ਜਸਪ੍ਰੀਤ ਸਿੰਘ ਫੌਜੀ ਵਾਸੀ ਚੁੱਘੇ (ਬਠਿੰਡਾ)ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ, ਜਦਕਿ ਉਸ ਨਾਲ ਸਫਰ ਕਰ ਰਹੇ ਦੋ ਬੱਚੇ ਅਤੇ ਇੱਕ ਮਾਤਾ ਤੋਂ ਇਲਾਵਾ ਪਿੰਸੀਪਲ ਪਰਮਿੰਦਰ ਕੌਰ ਜ਼ਖਮੀ ਹੋ ਗਏ। ਜਿਨਾਂ ਨੂੰ ਰਾਹਗੀਰਾਂ ਤੇ ਐਂਬੂਲੈਂਸ ਦੀ ਮੱਦਦ ਨਾਲ ਸਿਵਲ ਹਸਪਤਾਲ ਸ੍ਰੀ ਮੁਕਤਸਰ ਸਾਹਿਬ ਭੇਜਿਆ ਗਿਆ। ਜਦਕਿ ਜਿੰਨ ਕਾਰ ਦਾ ਨੁਕਸਾਨ ਹੋਇਆ ਪਰ ਚਾਲਕ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ। ਐਕਸੀਡੈਂਟ ਵਿੱਚ ਮਿ੍ਤਕ ਜਸਪ੍ਰੀਤ ਸਿੰਘ ਦੀ ਲਾਸ਼ ਅਤੇ ਘਟਨਾ ਗ੍ਰਸਤ ਵਹੀਕਲਾਂ ਕਬਜੇ ਵਿੱਚ ਲੈ ਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ。