कारवा चौथ पर जेल प्रशासन ने पेट्रोल पंप पर महिलाओं को गुलाब दिए

ਕਰਵਾ ਚੌਥ ਦੇ ਪਵਿੱਤਰ ਤਿਉਹਾਰ ਮੌਕੇ ਜਿੱਥੇ ਇੱਕ ਪਾਸੇ ਦੇਸ਼ ਭਰ ਦੀਆਂ ਮਹਿਲਾਵਾਂ ਆਪਣੇ ਪਤੀ ਦੀ ਲੰਬੀ ਉਮਰ ਦੀ ਕਾਮਨਾ ਕਰਦੀਆਂ ਹਨ, ਉੱਥੇ ਫਾਜ਼ਿਲਕਾ ਜ਼ਿਲ੍ਹੇ ਦੇ ਸਬ ਜੇਲ ਪ੍ਰਸ਼ਾਸਨ ਵੱਲੋਂ ਇੱਕ ਵਿਲੱਖਣ ਅਤੇ ਮਨਮੋਹਕ ਪਹਲ ਕੀਤੀ ਗਈ।ਡੈਡ ਹਾਊਸ ਰੋਡ ਤੇ ਸਥਿਤ ਸਬ ਜੇਲ ਪ੍ਰਸ਼ਾਸਨ ਦੇ Paisਟਰੋਲ ਪੰਪ ਉਜਵਲਾ ਫਿਊਲ ‘ਤੇ ਅੱਜ ਵਿਸ਼ੇਸ਼ ਤੌਰ 'ਤੇ ਹਰ ਗ੍ਰਾਹਕ ਨੂੰ ਪੈਟਰੋਲ ਭਰਵਾਉਣ 'ਤੇ ਇੱਕ ਗੁਲਾਬ ਦਾ ਫੁੱਲ ਤੋਹਫ਼ੇ ਵਜੋਂ ਦਿੱਤਾ ਗਿਆ। ਇਹ ਫੁੱਲ ਗ੍ਰਾਹਕਾਂ ਵੱਲੋਂ ਆਪਣੀ ਜੀਵਨ ਸਾਥੀ ਨੂੰ ਕਰਵਾ ਚੌਥ ਦੇ ਮੌਕੇ 'ਤੇ ਭੇਟ ਕਰਨ ਲਈ ਪ੍ਰਤੀਕਾਤਮਕ ਤੌਰ 'ਤੇ ਦਿੱਤੇ ਗਏ। ਸਬ ਜੇਲ ਦੇ ਡਿਪਟੀ ਸੁਪਰਡੈਂਟ ਗੁਰਦਿੱਤ ਸਿੰਘ ਧਾਲੀਵਾਲ ਨੇ ਦੱਸਿਆ ਕਿ ਜੇਲ ਪ੍ਰਸ਼ਾਸਨ ਵੱਲੋਂ ਇਹ ਮਨੁੱਖੀ ਸਹਿਭਾਗਤਾ ਨੂੰ ਦਰਸਾਉਂਦੀ ਛੋਟੀ ਪਰ ਅਰਥਪੂਰਨ ਕੋਸ਼ਿਸ਼ ਹੈ। ਉਨ੍ਹਾਂ ਕਿਹਾ ਅਸੀਂ ਚਾਹੁੰਦੇ ਸੀ ਕਿ ਗ੍ਰਾਹਕਾਂ ਨੂੰ ਸਿਰਫ਼ ਇੰਧਨ ਹੀ ਨਹੀਂ, ਸਗੋਂ ਖੁਸ਼ੀ ਦਾ ਵੀ ਇੰਧਨ ਮਿਲੇ। ਕਰਵਾ ਚੌਥ ਪਤੀ-ਪਤਨੀ ਦੇ ਪਿਆਰ ਅਤੇ ਵਿਸ਼ਵਾਸ ਦਾ ਤਿਉਹਾਰ ਹੈ, ਇਸ ਲਈ ਅਸੀਂ ਸੋਚਿਆ ਕਿ ਹਰ ਗ੍ਰਾਹਕ ਆਪਣੀ ਪਤਨੀ ਨੂੰ ਇੱਕ ਗੁਲਾਬ ਭੇਟ ਕਰਕੇ ਉਸਦਾ ਦਿਨ ਹੋਰ ਖਾਸ ਬਣਾ ਸਕੇ।” ਗੁਰਦਿੱਤ ਸਿੰਘ ਧਾਲੀਵਾਲ ਨੇ ਇਹ ਵੀ ਕਿਹਾ ਕਿ ਇਹ ਪ੍ਰਯਾਸ ਸਿਰਫ਼ ਤਿਉਹਾਰ ਮਨਾਉਣ ਲਈ ਨਹੀਂ, ਸਗੋਂ ਸਮਾਜ ਨੂੰ ਜੋੜਨ ਅਤੇ ਪ੍ਰੇਮ ਦੀ ਭਾਵਨਾ ਫੈਲਾਉਣ ਲਈ ਹੈ। ਦਿਨ ਭਰ ਦੌਰਾਨ ਪੈਟਰੋਲ ਪੰਪ 'ਤੇ ਆਉਣ ਵਾਲੇ ਗ੍ਰਾਹਕਾਂ ਨੇ ਵੀ ਜੇਲ ਪ੍ਰਸ਼ਾਸਨ ਦੀ ਇਸ ਪਹਿਲ ਨੂੰ ਸਿਰੋਪਾ ਦਿੱਤਾ ਅਤੇ ਕਿਹਾ ਕਿ ਸਰਕਾਰੀ ਪੱਧਰ 'ਤੇ ਇਸ ਤਰ੍ਹਾਂ ਦੀਆਂ ਸੋਚਵੀਂ ਮੁਹਿੰਮਾਂ ਨਾਲ ਲੋਕਾਂ ਵਿੱਚ ਪਿਆਰ ਅਤੇ ਸਾਂਝ ਦੀ ਭਾਵਨਾ ਮਜ਼ਬੂਤ ਹੁੰਦੀ ਹੈ। ਇਹ ਪਹਲ ਨਾ ਸਿਰਫ਼ ਫਾਜ਼ਿਲਕਾ 'ਚ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ, ਸਗੋਂ ਇਹ ਦਰਸਾਉਂਦੀ ਹੈ ਕਿ ਕਿਵੇਂ ਇੱਕ ਨਵੇਕਲੀ ਸੋਚ ਸਰਕਾਰੀ ਪ੍ਰਸ਼ਾਿਸਨ ਨੂੰ ਲੋਕਾਂ ਦੇ ਦਿਲਾਂ ਨਾਲ ਜੋੜ ਸਕਦੀ ਹੈ。