अमृतसर पहुंचे सीपी जोशी: नतमस्तक के साथ बड़ा बयान वायरल

ਰਾਜਸਥਾਨ ਸਾਬਕਾ ਸਪੀਕਰ ਸੀਪੀ ਜੋਸੀ ਦਰਬਾਰ ਸਾਹਿਬ ਵਿੱਖੇ ਹੋਏ ਨਤਮਸਤਕ ਅੰਮ੍ਰਿਤਸਰ ’ਚ ਕਾਂਗਰਸੀ ਵਰਕਰਾਂ ਨਾਲ ਹੋਈ ਖ਼ਾਸ ਮੀਟਿੰਗ 'ਸਰਕਾਰਾਂ ਦੇ ਕੰਮ ਧਾਰਮਿਕ ਜਥੇਬੰਦੀਆਂ ਨੂੰ ਨਾ ਸੌਂਪੋ' – ਜੋਸੀ ਦਾ ਵੱਡਾ ਬਿਆਨ SGPC ਵੱਲੋਂ ਸਰੋਪਾ ਮਾਮਲੇ ’ਤੇ ਵਿਰੋਧ, ਜੋਸੀ ਨੇ ਜਤਾਈ ਨਾਰਾਜ਼ਗੀ ਅੰਮ੍ਰਿਤਸਰ – ਰਾਜਸਥਾਨ ਵਿਧਾਨ ਸਭਾ ਦੇ ਸਾਬਕਾ ਸਪੀਕਰ ਅਤੇ ਰਾਸ਼ਟਰੀ ਕਾਂਗਰਸ ਦੇ ਸੀਨੀਅਰ ਆਗੂ ਸੀਪੀ ਜੋਸੀ ਅੱਜ ਅੰਮ੍ਰਿਤਸਰ ਪਹੁੰਚੇ, ਜਿੱਥੇ ਉਹ ਸੱਚਖੰਡ ਸ਼੍ਰੀ ਹਰਿਮੰਦਰ ਸਾਹਿਬ ਵਿਖੇ ਨਤਮਸਤਕ ਹੋਏ ਤੇ ਅਰਦਾਸ ਕੀਤੀ। ਇਸ ਮੌਕੇ ਉਹਨਾਂ ਦੇ ਨਾਲ ਅੰਮ੍ਰਿਤਸਰ ਤੋਂ ਮੈਂਬਰ ਆਫ ਪਾਰਲੀਮੈਂਟ ਗੁਰਜੀਤ ਸਿੰਘ ਔਜਲਾ ਤੇ ਹੋਰ ਕਾਂਗਰਸੀ ਆਗੂ ਵੀ ਮੌਜੂਦ ਸਨ। ਦਰਬਾਰ ਸਾਹਿਬ ਵਿੱਚ ਨਤਮਸਤਕ ਹੋਣ ਤੋਂ ਬਾਅਦ ਉਹਨਾਂ ਕਾਂਗਰਸੀ ਵਰਕਰਾਂ ਨਾਲ ਖ਼ਾਸ ਮੁਲਾਕਾਤ ਕੀਤੀ। ਜੋਸੀ ਨੇ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਅਲ ਇੰਡੀਆ ਕਾਂਗਰਸ ਕਮੇਟੀ ਵੱਲੋਂ ਅੰਮ੍ਰਿਤਸਰ ਵਿੱਚ ਸੰਗਠਨਕ ਪੱਧਰ ’ਤੇ ਵਰਕਰਾਂ ਨਾਲ ਸੰਵਾਦ ਦੀ ਯੋਜਨਾ ਬਣਾਈ ਗਈ ਹੈ, ਤਾਂ ਜੋ ਪੰਜਾਬ ਵਿੱਚ ਕਾਂਗਰਸ ਦੀ ਵਾਪਸੀ ਲਈ ਪੂਰੀ ਤਿਆਰੀ ਕੀਤੀ ਜਾ ਸਕੇ। ਉਹਨਾਂ ਕਿਹਾ ਕਿ ਕਾਂਗਰਸ ਹਮੇਸ਼ਾ ਹੀ ਸੇਵਾ ਭਾਵ ਤੇ ਸੈਕਲੂਰਿਜ਼ਮ ਦੀ ਨੀਤੀ ਨੂੰ ਮੰਨਦੀ ਆਈ ਹੈ ਤੇ ਗੁਰੂ ਘਰਾਂ ਲਈ ਉਹਨਾਂ ਦੀ ਭਾਵਨਾ ਨਿਰਲੋਭ ਰਹੀ ਹੈ। ਸੀਪੀ ਜੋਸੀ ਨੇ ਮੌਜੂਦਾ ਸਟੇਟ ਤੇ ਕੇਂਦਰੀ ਸਰਕਾਰਾਂ ’ਤੇ ਤਿੱਖਾ ਹਮਲਾ ਕਰਦਿਆਂ ਕਿਹਾ ਕਿ ਲੋਕਾਂ ਦੇ ਭਲਾਈ ਦੇ ਕੰਮ ਕਰਨਾ ਸਰਕਾਰਾਂ ਦੀ ਜ਼ਿੰਮੇਵਾਰੀ ਹੁੰਦੀ ਹੈ, ਨਾ ਕਿ ਧਾਰਮਿਕ ਜਥੇਬੰਦੀਆਂ ਦੀ। ਉਹਨਾਂ ਨੇ ਕਿਹਾ ਕਿ ਅੱਜ ਦੀਆਂ ਸਰਕਾਰਾਂ ਦੇ ਮੰਤਰੀਆਂ ਵੱਲੋਂ ਲੋਕਾਂ ਨੂੰ "ਸਾਡੀ ਸੇਵਾ ਕਰੋ" ਕਹਿਣਾ ਠੀਕ ਨਹੀਂ ਹੈ, ਸਰਕਾਰਾਂ ਨੂੰ ਆਪਣੇ ਫਰਜ ਆਪ ਨਿਭਾਉਣੇ ਚਾਹੀਦੇ ਹਨ। ਇਸ ਦੌਰਾਨ, SGPC ਵੱਲੋਂ ਸਰੋਪਾ ਮਾਮਲੇ ’ਤੇ ਉਠੇ ਵਿਰੋਧ ਨੂੰ ਲੈ ਕੇ ਜੋਸੀ ਨੇ ਆਪਣੀ ਨਾਰਾਜ਼ਗੀ ਜਤਾਈ। ਉਹਨਾਂ ਕਿਹਾ ਕਿ ਜੇਕਰ ਕਿਸੇ ਨੂੰ ਸਰੋਪਾ ਦੇਣਾ ਗਲਤ ਹੈ ਤਾਂ ਇਸ ਲਈ ਨਿਯਮ ਬਣਾਇਆ ਜਾਣਾ ਚਾਹੀਦਾ ਹੈ, ਪਰ ਕਿਸੇ ਇੱਕ ਘਟਨਾ ਨੂੰ ਵੱਡਾ ਮਾਮਲਾ ਬਣਾਉਣਾ ਸਹੀ ਨਹੀਂ ਹੈ। ਜੋਸੀ ਨੇ ਕਿਹਾ ਕਿ ਧਾਰਮਿਕ ਸਥਾਨਾਂ ਦੀ ਇਜ਼ਤ ਹਮੇਸ਼ਾ ਸਭ ਤੋਂ ਵੱਧ ਹੋਣੀ ਚਾਹੀਦੀ ਹੈ, ਪਰ ਸਰਕਾਰਾਂ ਨੂੰ ਆਪਣੇ ਕੰਮਾਂ ਤੋਂ ਪਿੱਛੇ ਨਹੀਂ ਹਟਣਾ ਚਾਹੀਦਾ। ਬਾਈਟ:ਸੀਪੀ ਜੋਸ਼ੀ ਰਾਸ਼ਟਰੀ ਕਾਂਗਰਸ ਮੰਤਰੀ ਵਿਧਾਨ ਸਭਾ ਸਾਬਕਾ ਸਪੀਕਰ ਬਾਈਟ : ਗੁਰਜੀਤ ਸਿੰਘ ਔਜਲਾ ਐਮਪੀ ਅੰਮ੍ਰਿਤਸਰ