300 किੱਲਿਆਂ ਚ ਆ ਗਿਆ ਰੇਤਾ, ਟਰਾਲੀਆਂ ਭਰ ਕੇ ਵੇਚਣ ਕਿਸਾਨ, ਕੋਈ ਨਹੀਂ ਰੋਕੇਗਾ, ਬੋਲੇ ਵਿਧਾਇਕ ਨਰਿੰਦਰਪਾਲ ਸਵਣਾ ਫਾਜ਼ਿਲਕਾ ਦੇ ਸਰਹੱਦੀ ਇਲਾਕੇ ਵਿੱਚ ਹੜ ਆਇਆ ਤਾਂ ਹੜ ਦੇ ਪਾਣੀ ਨਾਲ ਵਹਿ ਕੇ ਰੇਤਾ ਵੀ ਆ ਗਿਆ। ਪਾਣੀ ਤਾਂ ਚਲਾ ਗਿਆ ਪਰ ਹੁਣ ਰੇਤਾ ਜਮੀਨਾਂ ਦੇ ਵਿੱਚ ਜਮਾ ਹੋ ਗਿਆ । ਜਿਸ ਨੂੰ ਸਰਕਾਰ ਦੀ ਪੋਲਿਸੀ ਜਿਸਕਾ ਖੇਤ ਉਸਕੀ ਰੇਤ ਦੇ ਤਹਿਤ ਕੱਢ ਕੇ ਕਿਸਾਨ ਵੇਚ ਰਹੇ ਨੇ। ਸ਼ਿਕਾਇਤ ਮਿਲੀ ਕਿ ਕਿਸਾਨਾਂ ਨੂੰ ਮਾਈਨਿੰਗ ਵਿਭਾਗ ਵੱਲੋਂ ਰੋਕ ਕੇ ਪੁੱਛ ਪੜਤਾਲ ਕੀਤੀ ਜਾ ਰਹੀ ਹੈ। ਜਿਸ ਕਰਕੇ ਕਿਸਾਨਾਂ ਨੇ ਕਿਹਾ ਕਿ ਉਹਨਾਂ ਨੂੰ ਦਿੱਕਤ ਆ ਰਹੀ ਹੈ । ਜਿਸ ਤੋਂ ਬਾਅਦ ਵਿਧਾਇਕ ਨਰਿੰਦਰਪਾਲ ਸਵਨਾ ਮੌਕੇ ਤੇ ਪਹੁੰਚੇ ਤੇ ਉਹਨਾਂ ਕਿਸਾਨਾਂ ਨੂੰ ਕਿਹਾ ਕਿ ਤੁਹਾਨੂੰ ਕੋਈ ਦਿੱਕਤ ਨਹੀਂ ਆਏਗੀ । ਕਿਸਾਨ ਆਪਣੇ ਪੱਧਰ ਤੇ ਰੇਤਾ ਵੇਚਣ ਜਿਹਨਾਂ ਨੂੰ ਕੋਈ ਨਹੀਂ ਰੋਕੇਗਾ । ਵਿਧਾਇਕ ਨੇ ਕਿਹਾ ਕਿ ਕਰੀਬ ਦੋ ਤੋਂ ਤਿੰਨ ਮਹੀਨੇ ਇੱਥੇ ਹੁਣ ਰੇਤ ਕੱਢਣ ਦਾ ਕੰਮ ਚੱਲੇਗਾ । ਕਿਉਂਕਿ ਇੱਥੇ ਹੁਣ ਕਣਕ ਦੀ ਫਸਲ ਦੀ ਬਜਾਈ ਨਹੀਂ ਕੀਤੀ ਜਾ ਸਕਦੀ । ਜਿਸ ਕਰਕੇ ਕਿਸਾਨ ਰੇਤ ਵੇਚ ਕੇ ਆਪਣੇ ਘਰ ਦਾ ਗੁਜ਼ਾਰਾ ਚਲਾਉਣਗੇ ।