ਜੀ ਮੀਡੀਆ ਦਾ ਖਾਸ ਪ੍ਰੋਗਰਾਮ ‘ਸਾਡਾ ਹੱਕ’, ਜਿੱਥੇ ਅਸੀਂ ਹਮੇਸ਼ਾ ਲੋਕਾਂ ਦੇ ਨਾਲ ਜੁੜੇ ਮੁੱਦਿਆਂ ਨੂੰ ਉਭਾਰਦੇ ਹਾਂ。 ਅੱਜ ਅਸੀਂ ਗੱਲ ਕਰ ਰਹੇ ਹਾਂ ਉਸ ਗੰਭੀਰ ਮੁੱਦੇ ਦੀ, ਜੋ ਸਿੱਧੇ ਤੌਰ ’ਤੇ ਗੁਰੂ ਨਗਰੀ ਅੰਮ੍ਰਿਤਸਰ ਦੇ ਵਾਸੀਆਂ ਨਾਲ ਜੁੜਿਆ ਹੋਇਆ ਹੈ। ਅੱਜ ਸਾਡਾ ਧਿਆਨ ਕੇਂਦਰਿਤ ਹੈ ਗੁਰੂ ਨਗਰੀ ਅੰਮ੍ਰਿਤਸਰ ਦੇ ਇਤਿਹਾਸਕ ਕੰਪਨੀ ਬਾਗ, ਜਿਸਨੂੰ ਰਾਮ ਬਾਗ ਵੀ ਕਿਹਾ ਜਾਂਦਾ ਹੈ。 ਇਹ ਬਾਗ ਮਹਾਰਾਜਾ ਰਣਜੀਤ ਸਿੰਘ ਵੱਲੋਂ ਵਸਾਇਆ ਗਿਆ ਸੀ ਅਤੇ ਅੱਜ ਵੀ ਇਹ ਅੰਮ੍ਰਿਤਸਰ ਦੀ ਪਛਾਣ ਅਤੇ ਇਤਿਹਾਸ ਦਾ ਅਹੰਮ ਹਿੱਸਾ ਹੈ। ਪਰ ਨਾਮ ਵਿੱਚ ‘ਬਾਗ’ ਸ਼ਬਦ ਹੋਣ ਦੇ ਬਾਵਜੂਦ, ਅੱਜ ਇਸ ਬਾਗ ਦੀ ਹਾਲਤ ਕਾਫ਼ੀ ਤਰਸਯੋਗ ਬਣੀ ਹੋਈ ਹੈ。 ਕੰਪਨੀ ਬਾਗ ਦੇ ਅੰਦਰ ਲੱਗੇ ਸਦੀਆਂ ਪੁਰਾਣੇ, ਕੀਮਤੀ ਅਤੇ ਪੁਰਾਤਨ ਰੁੱਖਾਂ ਦੀ ਸਮੇਂ ਸਿਰ ਸਾਂਭ-ਸੰਭਾਲ ਨਾ ਹੋਣ ਕਾਰਨ ਉਹ ਹੌਲੀ-ਹੌਲੀ ਉਖੜ ਰਹੇ ਹਨ। ਕਈ ਦਰੱਖਤ ਪੂਰੀ ਤਰ੍ਹਾਂ ਸੁੱਕ ਚੁੱਕੇ ਹਨ, ਕਈ ਢਹਿ ਰਹੇ ਹਨ ਅਤੇ ਜੋ ਨਵੇਂ ਰੁੱਖ ਲੱਗੇ ਹੋਏ ਹਨ, ਉਹਨਾਂ ਦੀ ਹਾਲਤ ਵੀ ਠੀਕ ਨਹੀਂ ਹੈ। ਬਾਗ ਦੇ ਅੰਦਰ ਕਈ ਥਾਵਾਂ ’ਤੇ ਕੂੜੇ ਦੇ ਢੇਰ ਵੀ ਨਜ਼ਰ ਆ ਰਹੇ ਹਨ, ਜੋ ਪ੍ਰਸ਼ਾਸਨ ਦੀ ਲਾਪਰਵਾਹੀ ਵੱਲ ਇਸ਼ਾਰਾ ਕਰਦੇ ਹਨ。 ਅੰਮ੍ਰਿਤਸਰ ਵਾਸੀਆਂ ਨਾਲ ਗੱਲਬਾਤ ਦੌਰਾਨ ਲੋਕਾਂ ਨੇ ਕਿਹਾ ਕਿ ਜੀ ਮੀਡੀਆ ਹਮੇਸ਼ਾ ਲੋਕਾਂ ਦੇ ਮੁੱਦੇ ਉਠਾਉਂਦਾ ਆ ਰਿਹਾ ਹੈ ਅਤੇ ਅੱਜ ਕੰਪਨੀ ਬਾਗ ਦਾ ਮੁੱਦਾ ਚੁੱਕਣ ਲਈ ਉਹ ਜੀ ਮੀਡੀਆ ਦੀ ਸ਼ਲਾਘਾ ਕਰਦੇ ਹਨ। ਲੋਕਾਂ ਦਾ ਕਹਿਣਾ ਹੈ ਕਿ ਕੰਪਨੀ ਬਾਗ ਨੂੰ ਅੰਮ੍ਰਿਤਸਰ ਦਾ ਦਿਲ ਵੀ ਕਿਹਾ ਜਾਂਦਾ ਹੈ, ਕਿਉਂਕਿ ਲਗਭਗ ਹਰ ਅੰਮ੍ਰਿਤਸਰ ਵਾਸੀ ਕਦੇ ਨਾ ਕਦੇ ਇੱਥੇ ਜ਼ਰੂਰ ਆਇਆ ਹੋਵੇਗਾ। ਲੋਕ ਇੱਥੇ ਸੈਰ, ਸੁਕੂਨ ਅਤੇ ਤਾਜ਼ੀ ਹਵਾ ਲਈ ਆਉਂਦੇ ਹਨ, ਪਰ ਅੱਜ ਇਸ ਬਾਗ ਆਪਣੀ ਪਹਿਚਾਣ ਗੁਆ ਰਿਹਾ ਹੈ。 ਲੋਕਾਂ ਨੇ ਦੱਸਿਆ ਕਿ ਸਦੀਆਂ ਪੁਰਾਣੇ ਉਹ ਦਰੱਖਤ, ਜੋ ਕਦੇ ਮਹਾਰਾਜਾ ਰਣਜੀਤ ਸਿੰਘ ਦੇ ਸਮੇਂ ਲਗਾਏ ਗਏ ਸਨ, ਅੱਜ ਅਣਦੇਖੀ ਦਾ ਸ਼ਿਕਾਰ ਹਨ। ਸਮੇਂ ਸਿਰ ਪ੍ਰਸ਼ਾਸਨ ਵੱਲੋਂ ਸਾਂਭ-ਸੰਭਾਲ ਨਾ ਕੀਤੇ ਜਾਣ ਕਾਰਨ ਕਈ ਕੀਮਤੀ ਰੁੱਖ ਨਸ਼ਟ ਹੋ ਚੁੱਕੇ ਹਨ。 ਇਸ ਮਾਮਲੇ ਸਬੰਧੀ ਲੋਕਾਂ ਨੇ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਕਾਰਜਕਾਰੀ ਜਠੇਦਾਰ ਗਿਆਨੀ ਕੁਲਦੀਪ ਸਿੰਘ ਗੜਗੰਜ ਤੱਕ ਵੀ ਪਹੁੰਚ ਕੀਤੀ, ਜਿਨ੍ਹਾਂ ਨੇ ਭਰੋਸਾ ਦਿੱਤਾ ਕਿ ਇਸ ਮੁੱਦੇ ਵੱਲ ਧਿਆਨ ਦਿੱਤਾ ਜਾਵੇਗਾ。 ਉੱਥੇ ਹੀ ਸਮਾਜ ਸੇਵੀ ਸੋਨੂ ਜੰਡਿਆਲਾ ਨੇ ਕਿਹਾ ਕਿ ਉਹ ਅੰਮ੍ਰਿਤਸਰ ਪ੍ਰਸ਼ਾਸਨ ਅਤੇ ਨਗਰ ਨਿਗਮ ਤੱਕ ਵੀ ਇਹ ਮਸਲਾ ਚੁੱਕ ਚੁੱਕੇ ਹਨ, ਪਰ ਹਜੇ ਤੱਕ ਕੋਈ ਠੋਸ ਕਾਰਵਾਈ ਨਹੀਂ ਹੋਈ。 ਉਹਨਾਂ ਨੇ ਚੇਤਾਵਨੀ ਦਿੱਤੀ ਕਿ ਜੇਕਰ ਸਮੇਂ ਸਿਰ ਕੰਪਨੀ ਬਾਗ ਦੇ ਅੰਦਰ ਲੱਗੇ ਰੁੱਖਾਂ ਦੀ ਸਾਂਭ-ਸੰਭਾਲ ਨਾ ਕੀਤੀ ਗਈ, ਤਾਂ ਆਉਣ ਵਾਲੇ ਸਮੇਂ ਵਿੱਚ ਇਹ ਇਤਿਹਾਸਕ ਰੁੱਖ ਪੂਰੀ ਤਰ੍ਹਾਂ ਖਤਮ ਹੋ ਸਕਦੇ ਹਨ。 ਦੂਜੇ ਪਾਸੇ, ਮੌਕੇ ’ਤੇ ਪਹੁੰਚੇ ਇਕ ਐਨਆਰਆਈ ਭਰਾ ਨੇ ਕਿਹਾ ਕਿ ਜੇ ਅੰਮ੍ਰਿਤਸਰ ਪ੍ਰਸ਼ਾਸਨ ਅਤੇ ਸਰਕਾਰ ਉਨ੍ਹਾਂ ਨੂੰ ਪਰਮਿਸ਼ਨ ਦੇਵੇ, ਤਾਂ ਉਹ ਆਪਣੇ ਖਰਚੇ ’ਤੇ ਕੰਪਨੀ ਬਾਗ ਦੇ ਅੰਦਰ ਰੁੱਖਾਂ ਦੀ ਸਾਂਭ-ਸੰਭਾਲ ਕਰਨ ਲਈ ਤਿਆਰ ਹਨ। ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਨੂੰ ਸਿਰਫ਼ ਪ੍ਰਸ਼ਾਸਨ ਦੇ ਸਹਿਯੋਗ ਦੀ ਲੋੜ ਹੈ。 ਹੁਣ ਸਵਾਲ ਇਹ ਹੈ ਕਿ ਕੀ ਅੰਮ੍ਰਿਤਸਰ ਪ੍ਰਸ਼ਾਸਨ ਅਤੇ ਨਗਰ ਨਿਗਮ ਇਸ ਇਤਿਹਾਸਕ ਬਾਗ ਦੀ ਸੰਭਾਲ ਵੱਲ ਧਿਆਨ ਦੇਣਗੇ ਜਾਂ ਫਿਰ ਕੰਪਨੀ ਬਾਗ ਦੀ ਇਹ ਤਰਸਯੋਗ ਹਾਲਤ ਅਜਿਹੀ ਹੀ ਬਣੀ ਰਹੇਗੀ? 121 ਅੰਮ੍ਰਿਤਸਰ ਵਾਸੀ