यवतमाळमध्ये बँक ऑफ महाराष्ट्रमध्ये शेकडो कोटींची उलाढाल, राजू तोडसामचा धक्कादायक आरोप!

AVB Anchor : यवतमाळ च्या पांढरकवडा तालुक्यातील काही गावांमध्ये रोज मजुरी करणाऱ्या मजुरांचे बँक ऑफ महाराष्ट्र मध्ये खाते उघडून त्यात तीन महिन्यांत शेकडो कोटींची उलाढाल झाली आहे. या प्रकरणात बँकेचे अधिकारी व पोलीस विभागातील अधिकारी कर्मचाऱ्यांचा सहभाग असून हा पैसा सट्टा बाजारातील असल्याचा धक्कादायक आरोप स्थानिक भाजप आमदार राजू तोडसाम यांनी केला आहे. झी 24 तास याबाबत वृत्त प्रसारित केले होते. याप्रकरणी आता विधिमंडळात आवाज उठवल्या जाणार असल्याचेही राजू तोडसाम यांनी सांगितले. पांढरकवडा येथील बँक ऑफ महाराष्ट्र मध्ये झालेली ही उलाढाल काळा पैसा पांढरा करण्यासाठी झाल्याचा त्यांचा आरोप आहे. दरम्यान याप्रकरणी मयूर चव्हाण आणि मनोहर राठोड यांच्याविरुद्ध पोलिसांनी गुन्हे दाखल केले आहे. या प्रकरणात एका बुकीचा देखील सहभाग असून पोलिसांची भूमिका संशयास्पद असल्याचा आरोप आमदार राजू तोडसाम यांनी केला आहे. चोपण, वाघोली, वसंतनगर, दहेली तांडा या अतिदुर्गम भागातील नागरिकांच्या तक्रारीनुसार मयूर चव्हाण याने आधार कार्ड आणि विविध कागदपत्र घेतले होते, त्यानंतर गावातील किरण राठोड याच्या खात्यात एक कोटी १६ लाख रुपये आले आणि काही वेळातच ही रक्कम दुसऱ्या खात्यात वळती झाल्याची माहिती मिळाली. असाच प्रकार शेकडो खात्यांमध्ये झाल्याचा प्रकार समोर आला. बाईट : राजू तोडसाम : आमदार विवेक जाधव : युवक