खटकाळी ओढ्यावर पूर का तांडव, टूटे पुल पर ग्रामवासियों का आक्रोश

अँकर- हिंगोली जिल्ह्यात आज जोरदार मुसळधार पाऊस झालाय. या पावसामुळे नदी नाले ओढ्यांना पूर परिस्थिती निर्माण झालीय, कळमनुरी तालुक्यातील सोडेगाव येथे असणाऱ्या खटकाळीच्या ओढ्यावर कमी उंचीचा पूल असल्यामुळे पाणी पुलाच्या वरून वाहत आहे. यामुळे सोडेगाव सावंगी कडे जाणाऱ्या नागरिकांचा कळमनुरीशी संपर्क तुटलाय. या ओढ्यावर नवीन उंचीचा पूल उभारावा अशी ग्रामस्थांकडून मागणी केली जात आहे. खटकाळी ओढ्यावर पूरस्थिती : अपूर्ण पुलामुळे गावकऱ्यांमध्ये संताप सोडेगाव प्रतिनिधी : गावाजवळील खटकाळी ओढ्यावर आज सकाळपासून झालेल्या मुसळधार पावसामुळे पूरस्थिती निर्माण झाली असून ओढ्यावरच्या पुलावर पाणी वाहत असल्याने ग्रामस्थांना मोठ्या अडचणींना सामोरे जावे लागले.साधारण पाऊस झाला तरी या पुलावरून पाणी ओसंडून वाहत आहे. ग्रामस्थांनी यापूर्वीच या ठिकाणी योग्य पुलाचे काम करावे अशी मागणी केली होती. परंतु संबंधित रस्त्याच्या ठेकेदाराला व काही स्थानिक नेत्यांच्या हितसंबंधामुळे अपुरा पूल मंजूर करून दिला गेला. त्यामुळे सोडेगाव-सावंगी रस्ता पूर्ण करण्यात आला असला तरी गावातील सुमारे अर्धा किलोमीटरचे काम अद्याप अपूर्ण आहे. आजच्या पुरस्थितीमुळे नागरिकांमध्ये तीव्र संताप असून, ग्रामस्थांनी चेतावणी दिली आहे की भविष्यात जर अशा प्रकारच्या पुरामुळे जीवित किंवा आर्थिक हानी झाली, तर त्याची थेट जबाबदारी ठेकेदार आणि कामाला संमती देणाऱ्या संबंधित अधिकाऱ्यांवर व नेत्यांवर राहील. गावकऱ्यांनी शासन व प्रशासनाकडे तातडीने ओढ्यावर सक्षम व सुरक्षित असा नवा पूल तातडीने उभारण्यात यावा अशी मागणी केली आहे.