भारी बारिश से अरुणावती डैम के सभी 11 दरवाजे खुले, सतर्क रहें

AVB मुसळधार पावसामुळे यवतमाळच्या दिग्रस येथील अरुणावती धरण पूर्णतः भरले आहे. धरणातील पाण्याचा विसर्ग करण्याच्या उद्देशाने सर्व अकरा दरवाजे उघडण्यात आले असून १३९ क्युसेक पाण्याचा विसर्ग सुरू आहे. त्यामुळे नदी काठावर वसलेल्या दिग्रस, आर्णी तालुक्यातील गावांना सतर्कतेचा इशारा देण्यात आला आहे. पावसाने धावंडेचे नदीपात्र दुथडी भरून वाहत आहे. धावंडेचे पाणी अरुणावती धरण पात्रात जमा होते. त्यामुळे अरुणावती प्रकल्पाचे सर्व 11 दरवाजे उघडण्यात आले आहेत. अद्यापही धरणात पाण्याची आवक सुरूच आहे. अशा परिस्थितीत अरूणावती धरण तसेच नदीकाठच्या गावांना सतर्कतेचा इशारा प्रशासनाने दिला आहे.