वाशिम में 2026-27 के RTE प्रवेश के लिए ऑनलाइन आवेदन शुरू, 1007 सीटें उपलब्ध

वाशिम जिल्ह्यात राईट टू एज्युकेशन (RTE) अंतर्गत २०२६-२७ या शैक्षणिक वर्षासाठी मोफत प्रवेश अर्ज प्रक्रियेला १७ फेब्रुवारीपासून सुरुवात झाली आहे. आतापर्यंत जिल्ह्यातून एकूण ६१३ ऑनलाईन अर्ज प्राप्त झाले आहेत. खासगी शाळांमधील २५ टक्के जागा मोफत प्रवेशासाठी राखीव ठेवण्यात आल्या असून जिल्ह्यातील ९५ शाळांमध्ये एकूण १००७ जागा उपलब्ध आहेत. यंदा शाळांची संख्या काहीशी कमी झाली असली तरी प्रवेशासाठी उपलब्ध जागांमध्ये फारशी घट झालेली नाही. ऑनलाइन पद्धतीने सुरू झालेल्या या प्रवेश प्रक्रियेला पालकांकडून चांगला प्रतिसाद मिळताना दिसत असून आगामी काळात अर्जांची संख्या वाढण्याची शक्यता व्यक्त करण्यात येत आहे.