Washim–Pusad मार्ग पर एसटी बस पलटी, 37 यात्री सुरक्षित; कोई बड़ी घटना नहीं

अँकर: वाशिम जिल्ह्यातील वाशिम–पुसद मार्गावरील सापळी फाटा येथे आज शेगाव ते उमरखेड जाणारी एसटी बस पलटी होऊन अपघात झाल्याची घटना घडली. या बसमध्ये एकूण 37 प्रवासी प्रवास करत होते. MH 14 BT 4362 क्रमांकाची बस वाशिम बसस्थानकातून निघाल्यानंतर उमरखेड कडे जात असताना एका बाईक चालकाने अचानक बससमोर बाईक आडवी आणल्याने बसचालकाचे वाहनावरील नियंत्रण सुटले. नियंत्रण सुटल्यामुळे बस रस्त्याच्या कडेला जाऊन पलटी झाली. अपघातात काही प्रवासी किरकोळ जखमी झाले असून, सुदैवाने कोणत्याही जीवितहानी झाली नसल्याची प्राथमिक माहिती मिळते. घटनेची माहिती मिळताच स्थानिक नागरिकांनी आणि प्रशासनाने घटनास्थळी धाव घेत मदतकार्य केले. जखमींना तात्काळ उपचारासाठी जवळच्या रुग्णालयात हलविण्यात आले तर उर्वरित प्रवाशांना दुसऱ्या बसने पुढील प्रवासासाठी मार्गस्थ करण्यात आले आहे.