वाशिम समेत शहर परिषदों में नगराध्यक्ष पद के आरक्षण की सोडत 6 अक्टूबर को

अँकर: वाशिम जिल्ह्यातील नगरपरिषद व नगरपंचायतींच्या प्रभाग रचना अंतिम झाल्यानंतर आता नगराध्यक्षपदासाठी आरक्षण ठरविण्याची प्रक्रिया सुरू झाली आहे. या अनुषंगाने ६ऑक्टोबर रोजी मंत्रालयात नगराध्यक्षपदाच्या आरक्षणाची सोडत काढण्यात येणार आहे. राज्यातील २४७ नगरपरिषदा आणि १४७ नगरपंचायतींमध्ये नगराध्यक्षपदाचे आरक्षण निश्चित करण्यात येणार असून,यात वाशिम जिल्ह्यातील नगरपरिषदा आणि नगरपंचायतींचाही समावेश आहे. कोणत्या ठिकाणी कोणते आरक्षण लागू होणार, याकडे सर्वांचे लक्ष केंद्रीत झाले आहे. या सोडतीनंतर शहरी भागातील राजकीय वातावरण आणखी तापण्याची शक्यता व्यक्त केली जात आहे. स्थानिक पातळीवर इच्छुक उमेदवार,विविध राजकीय पक्षांचे नेते व कार्यकर्ते यांच्यात उत्सुकता शिगेला पोहोचली आहे. आरक्षणाचे गणित जाहीर झाल्यानंतर अनेक ठिकाणी आगामी निवडणुकांच्या रणनीतीला वेग येईल आणि संभाव्य उमेदवारांच्या नावांवर चर्चा सुरू होईल, अशी चर्चा राजकीय वर्तुळात रंगली आहे.