वर्धा के पेट्रोल पंपों पर अफवाहों से भीड़, प्रशासन ने स्थिति सामान्य बताई

वर्ध्यात पेट्रोल पंपांवर नागरिकांची झुंबड वर्ध्यात पेट्रोल पंपांवर नागरिकांची गर्दी अँकर - वर्धा शहरातील बजाज चौक, आरती चौक आणि शांती नगर परिसरातील पेट्रोल पंपांवर आज अचानक मोठ्या प्रमाणात नागरिकांची गर्दी उसळल्याचे चित्र पाहायला मिळाले. पेट्रोल व डिझेल तुटवड्याच्या अफवेमुळे नागरिकांनी मोठ्या प्रमाणावर इंधन भरण्यासाठी धाव घेतली. काही ठिकाणी वाहनांच्या लांबच लांब रांगा लागल्या होत्या, त्यामुळे वाहतूक व्यवस्थेवरही परिणाम झाला.दरम्यान, या परिस्थितीबाबत जिल्हा प्रशासनाने तातडीने स्पष्टता दिली आहे. वर्धा जिल्ह्यात पेट्रोल आणि डिझेलचा पुरेसा साठा उपलब्ध आहे आणि कोणत्याही प्रकारचा तुटवडा नाही. नागरिकांनी अफवांवर विश्वास ठेवू नये आणि अनावश्यक गर्दी करू नये, असे आवाहनही जिल्हाधिकारी यांनी केले आहे. अचानक वाढलेल्या गर्दीमुळे काही पेट्रोल पंपांवर तणावाचे वातावरण निर्माण झाले होते. मात्र, पोलिस प्रशासनाने तत्काळ परिस्थिती नियंत्रणात आणत वाहतूक सुरळीत करण्यासाठी प्रयत्न केले. काही ठिकाणी कर्मचाऱ्यांवर ताण वाढल्याचेही दिसून आले. प्रशासनाच्या मते, सोशल मीडियावर पसरलेल्या चुकीच्या संदेशांमुळे ही परिस्थिती निर्माण झाली आहे. जिल्ह्यात इंधनाचा पुरेसा साठा असून घाबरण्याचे कोणतेही कारण नसल्याचे प्रशासनाने स्पष्ट केले आहे. नागरिकांनी शांतता राखून सहकार्य करावे, असे आवाहन जिल्हाधिकाऱ्यांनी केले आहे.