वर्धा में गैस सिलिंडर के लिए कतारें, आपूर्ति कम होने की अफवाह से हड़बड़ी

वर्धा ब्रेकिंग - वर्ध्यात गॅस सिलेंडरसाठी ग्राहकांच्या लांबच लांब रांगा - तुटवड्याच्या भीतीने सकाळपासून सिलेंडर बुकिंगसाठी गर्दी - उन्हात तासन्‌तास उभे ग्राहक; गॅस एजन्सीबाहेर किलोमीटरपर्यंत रांग वर्धा शहरासह जिल्ह्यात घरगुती गॅस सिलेंडरच्या तुटवड्याची भीती निर्माण झाल्याने ग्राहकांमध्ये मोठी धावपळ सुरू झाली आहे. युद्धजन्य परिस्थितीमुळे गॅसचा पुरवठा कमी होईल, या अफवांमुळे अनेक नागरिकांनी एकाच वेळी सिलेंडर बुकिंग करण्यासाठी गर्दी केली आहे. परिणामी आज सकाळी सात वाजल्यापासूनच विविध गॅस एजन्सी आणि बुकिंग केंद्रांबाहेर ग्राहकांच्या लांबलचक रांगा लागल्या आहेत. काही ठिकाणी तर ही रांग तब्बल एक किलोमीटरपर्यंत पोहोचल्याचे चित्र पाहायला मिळत आहे. उन्हाच्या तानातास उभे महिला, ज्येष्ठ नागरिक आणि सर्वसामान्य ग्राहक तासन्‌तास उभे राहून सिलेंडर मिळण्याची वाट पाहत आहेत. सिलेंडरचा तुटवडा होणार की काय, या भीतीमुळे नागरिकांमध्ये संभ्रमाचे वातावरण निर्माण झाले आहे.